******************************
السلام عليكم ورحمة الله وبركاته ...
عزيزاتي الحواءيات ..
هذا الطبق سويته لعيونكم .. علشان اللي ماتحب الكبده ..اضمن لها انها راح تحبه ...واللي ماعمره ضبطت معاها الكبدة راح تضبط معاها:cook: ..انا كنت مااكل الكبدة ..لكن بهالطريقة صرت اكلها ..لا واتهاوش معهم عليها:D ..لأن الفلفل الرومي يعطي نكهة حلوة للاكل ويغطي على ريحة الكبده ..
نبدأ بأسم الله
المقادير
![](https://d2s63a22uzwg40.cloudfront.net/PE/2008/06/28/12/b8580317a0-1.jpg)
فلفل اسود وملح (حسب الرغبه)
![](https://d2s63a22uzwg40.cloudfront.net/PE/2008/06/28/12/f993c9d095-1.jpg)
((لازم تصير المقادير كامله قبل البدء بالطبخه لانها تحتاج الى السرعة ))
اول شي تقطعين بصلة جوانح (اي كمية ترغبين) تقطعين فلفل رومي احمر اخضر اصفر برتقالي ..(او اللي متوفر مو شرط كل الالوان )تقطعينهم اصابع ناعمه ..وفلفل حار(حسب الرغبه )انا احطه بشكله بدون تقطيع (تخلين كميه الفلفل كلها مع بعض مساوية لكمية الكبدة لازياده ولا نقصان.).
![](https://d2s63a22uzwg40.cloudfront.net/PE/2008/06/28/12/0c8da2d52f-1.jpg)
تقطعين الكبدة اصابع متوسطة الحجم زي اللي بالصورة
![](https://d2s63a22uzwg40.cloudfront.net/PE/2008/06/28/12/83522be852-1.jpg)
تجيبين البصل المقطع ..تحطين معاه زيت زيتون بصاجة ستيل(انا اغرقها بزيت الزيتون)على نار تميل للحراره يعني مو هاديه و تحركينها بملعقة خشب ..واذا ذبل البصل تحطين عليه الفلفل وتخلينها مده دقيقتين تقريبا او حتى يبدأ يذبل ...بعدين تحطين الكبدة ..وبعدين تعلين النار وتحركي بخفه لمده دقيقتين ولاتنتظرين الكبده لين تنشف(( دقيقتين بس ))مع التحريك المستمر والنار عاليه ..وبسرعه رشي الملح والفلفل الاسود قبل تنتهي الدقيقتين بثواني .. وحطيها بصحن التقديم .. ((ماقلت لكم عصر السرعة..:hahaha:))
هذي هي الصاجه بعدما انتهيت من البصل والفلفل الرومي ..ووضعت الكبده..(الصاجه من برق الحيا للرحلات مخرج 15 شرق الرياض..او دوروها بمحلات الرحلات فيه منها مقاسات )
![](https://d2s63a22uzwg40.cloudfront.net/PE/2008/06/28/12/20c0229501-1.jpg)
![](https://d2s63a22uzwg40.cloudfront.net/postexternals/notFoundFromSource.jpg)
وهذا الشكل النهائي..
![](https://d2s63a22uzwg40.cloudfront.net/PE/2008/06/28/12/b0dd7af6a7-1.jpg)
وبالعافيه على قلوبكم ..
*****************************