يوميات ربيعة..

الحكاية ومافيها ..انو تيمة اقترحت علي اكتب قصة باللهجة الحجازية ..لغرض الفكاهة والتعريف بالتراث الحجازي ..

واحترت في موضوع القصة ومضمونها ..ورحت استشير الفارسة ..وهي صاحبة الفكرة هده ..

هيا خدو راحتكم واستمتعو مع ربيعة واسرتها..

وصف رائع تصدقي حسيت نفسي معاهم <<<<<< من كتر الإندماج
تسلمي :21: :27:

أهلاااااان حمرة الورد ..

مع أني لا أعرف اللهجة الحجازية .. إلا أنني استمتعت بالقراءة ..
تصويرك جميل .. ما شاء الله ..

إن واجهتني أي كلمات صعبة لا أعرف معناها فسأسألك عنها ..
اتفقنا ؟؟

اخت اخوك ..اسعدني انها اعجبتك..

عصفورة الربيع .. لاتقلقي انا في الخدمة دائما.

احلى ساعات اليوم لما ينام احمد وافضى لشغل البيت شوية .. ما ادري ليش دا الولد نكدي كدا ..مو زي اخوه.

مالحقت اخد نفس بعد ماحط راسو على المخدة الا جرس الباب كأنو صاقعة .

جريت على الباب اشوف ايش ساير برة ..

طلعت جارتي الله يصلحها ..

نسيت اقولكم ..انا ساكنة في عمارة سكنية كبيرة مع سلايفي وام جوزي ..والعمارة

مليانة عجايب ..جارات من كل اصناف البشر .حتى اني مرات اقول كيف عايشين هدول الاوادم!!

المهم جارتي اليي على الباب من صنف الاوادم اليي مدري كيف عايشين.

_صباح الخير ياربيعة.

_صباح النور ياهوازن.

_ايش قاعدة تسوي ياحرمة امشي انزلي معانا عند نهى ..

_ لاشكرا عندي شغل كتير اليوم.

_كل يوم عندك شغل كتير متى يحن عليك حسن ويجيب لك شغالة.

_وانت كل يوم تجي تعزيمني على جمعة .

كملت في نفسي ولا عمرك عرضتي علي مساعدة.

_على العموم على راحتك كنت ابغاكي تتسلي بس.

_ لاشكرا انا مرة اتسلى في شغلي مالي بأشغال الناس.

_طيب مع السلامة.

سبحان حتى مابقت لي نفس ارد عليها. ماصدقت انها خرجت وفضيت للمطبخ ..