انا تعبانة والله يجازي اللي كان السبب ونكسني هذي الانتكاسة لكن اطلب من ذوي القلوب ؟

السلام عليكم ورحمة الله وبركاتة


كيفكم حبيباتي عساكم بخير وصحة وعافية طبعا مايخفى عليكم الحا ل اختكم بقلب يملاءها الحزن والتعب مريضة لها اسبوع وكل ست ساعات سررررررررررردادي مررررررررررردادي هذي مردادي الكلمة المضاد لها بس مو مضاد حيوي .
بالله لاتشرهون الحمى تسوي اكثر من كذا وين للمستشفى كل شوي حقن ومغذي وشوفوا العذاب اللي الاقية في المستشفى يجلسون يقرصون فيني ويعضون ويربطون والمشكلة زوجي معهم ماخلووووو شي :icon33: يدورون وريد وانا مافيني ولا وريدة لاسمح الله لو يصير شي كايد من وين اجيب لهم وريد ؟اتسلفةمن وحدة من بنات المنتدى الحنونات مدري بعدين ننظر في الأمر :39:
المهم معي سعال من قوتة تقولون زغروتة والحرارة كل مافرحت وقلت راحت واذا انتهى مفعول العلاج جتني مكفرات الذنوب وانتفظ مرة جتني ودق جرس الباب على
بالي ابو العيال الى جايين سوى ضميت الهنديراعي البقالة اللي يجيب مقاضي على بالة زوجي وش اسوي حوليت

لو مازوجي اسعفني بأخر مرة ولا كان فيها إطلاق نار :16:




اختكم تعبانة حيل واحس بيأس وشتات وتفكير عميق المهم بعد
مافكرت في اثناء هذة النكسة والحمى وانا على الفراش طرتلي فكرة قلت احكي لكم القصة من الأول للأخر

قصتي ياناس اني عندي كذا سهم ببنك البلاد وقبل كان بة اسهم بالأتحاد وطبعا اختكم وجها وجة فقر بعتهم بس البلاد باقي عليها رحت في يوم للصالة وجلست مثل الدرويشة ماادري وين الله حاطني بس كل من جتني جلست تنصحني وبما اني شكلي ماشاء الله علية هاة يريح اللي يشوفة والله معطية شي ماابي اني اقوووووووووول امدح نفسي خليها على الله المهم كل شوي لاصقة فيني وحدة قالت بنتي اليوم اللجين زين اللي بيشتري وسيسو صرت اعرف الشركات وانا ماغير ابتسم واللي زاد وغطى يوم ارتفع سهم البلاد وانا اقووووووووووم مثل الخيزرانة ابي اروح ابيع مكشخة العباءة طبعا راس مو كتف لو البس راس كسرني بعلي :16:
المهم وجي ادرعم عند الموظفة قلت اختي لو سمحتي ممكن ابيع
قالت طيب كم رقم المحفظة
قلت اي محفظة
قالت حقت الأسهم
قلت طيب شلون ذولي اللي جالسين
قالت ذولي تميز وهي تبتسم
قلت شلون تميز
قالت ذولي عندهم فوق المليون وانتي طالعة
قلت بس
واصلا انا بغى يغمى علي عندنا بس تمالكت نفسي :(
قلت اختي شكرا لك قالت عفوا
والله ودرعم وقلت للموظفة اختي عند ي اكتتاب اريد ابيعهم
قالت اختي من ورى الباب الأخر اللي هناك يعني تاخذين لفة على المبنى
قلت يعني اتمحلصة وشوف فية شي انشقاق وخربات وكذا
مدري وش دراهم اني احب العمار والبنيان واحب اطالع وناظر في هالعماير سبحان الله مدري شلون دروا
المهم واخذ لفة كاملة على المبنى :27:
ولقى ذاك الباب وادخل معة
وروح لصالة الين امة محمد هناك واجي ورتز على وحدة من الكراسي وناظر في هذي الشاشة مرة يرتفع مثل السهم المهم انا صراحة بدون ماجامل استانست يوم الدعوى فيها شاي وقهوة انبسطت
وجلست اسولف ويسولفون معي الحريم ماشاء الله ماتوقعت ان الحريم يكون عندهم هذي المبالغ بس عرفت اني عند اللي على قد حالهم المهم
وتستلمني وحدة زهرانية
قالت وش انتي
قلت انا من الفلانية
قالت متزوجة قلت متزوجة
قالت تشتغلين قلت
سأِلتني عن ادق تفاصيل حياتي كاملة
وانا اجاوب اذني عندها وعيني بالشاشة
وقالت وش اسمش
قلت كذا
قالت مالقوا غير هالأسم يسمونش
قلت روحي علميهم
ماهو عاجبها اسمي
رغم انة جنان
ويكفي انها كانت اسم ملكة
وتزوجها نبي
المهم قلت اختي ممكن اسرد اليك نصيحة
قالت تفضلي قلت اختي اذا كان عندك سيولة
اشتري بالقصيم الزراعية
وتحري اختي الرزق الحلال
وفية ا سهم مشبوهة
سبحان الله قلت لها هذي الكلمة
قالت اختي انا بعد بدلي لش بنصيحة قلت تفضلي
قالت شوفي بعد كم اسبوع
بينزل اكتتاب المراعي والأهلي اشترك فية
باين عليك انك طيبة
وانا بنصحك
قلت الله ييارك لك اختي
قلت مالك محفظة
قلت شلون محفظة
قلت تقدرين تشترين وتبيعين وتنزل كل شي بالمحفظة ومن ثمن تحول للحساب الجاري قلت لا
المهم قالت نصيحة روحي افتحي
ورحت كنت اريد اشتري في القصيم قالت الموضوفة لالالا ماعندك محفظة عشان تشترين قلت مو ضروري يكون عندي محفظة اختي قالت لابد
طيب مابة حل غير كذا
مافية
قلت طيب سوي لي محفظة
قالت لاز يكون بحسابك 50 وفوق هي قالت كذا وانا اغمى علي
تعرفون دايم في شنطتي بصلة كبر راس اول وحدة تقرى الموضوع :39:
لاتزعلون والله من القهر
المهم واصحى وانا غبنانة لية كل شي معقد ولازم كل شي بفلوس لية
طيب يقدرون ان فية ناس
تكرف وتتعب وعندها اهل وام وناس ايتام
مو فرق اول كانوا يقوووولون البنت احسن من الولد الأن استوى
الطرفان كلة يكرف عشان يعني ويساعد اهلة
والله طلع من البنك ضغطي عالي واتخذت قرارت لكن بما انة الان رجعت لي الحرارة
سوف اكمل لكم في ما بعد
واعلمكم انا وش اتخذت قرار
:39: يالله حبايبي الله لايحرمكم مني
:39: