زوجي صاير مستفز جدا+ سؤال مهم جدا

السلام عليكم اخواني وكل عام وانتم بخير..
يا غاليات بدخل في موضوعي علطوول..
انا زوجي من النوع اللي اذا عصب ينسى نفسه ويسب ويلعن ومره خرج من البيت يجري زي المجنون، وعلى اسباب تكون جدا عاديه وتافهه كمان..
اللي صاير انه الفتره الاخيره صاير يتبع اسلوب مره نذاله ومستفز.. وهو : انه لو طلبت طلب وهو مايقدر عليه ماديا.. يقوم يقول اذا مو عاجبك رح احرمك من الاشياء الثانيه اللي يسويها لي.. يعني عشان اوضح اكثر واكثر.. هو ماديته مرره عاديه واقدر اقول على قده.. ولي 4 سنوات اطلبه نسافر لو دبي كل اللي حوالينا ماشاءالله دايما سفر ولاوروبا كمان.. وكان يوعدني يقول ان شاءالله وكذا.. اللي صار انه الفتره الاخير اذا فتحت موضوع السفر يقوم يقول (تحمدي ربك ولا اسحب المصروف عنك؟؟ تحمدي ربك ولا اخليك منطقه بالبيت؟؟ ).. وقلتلكم مو بس على موضوع السفر لا.، على اي موضوع مايقدر يسويه او ماتكون معاه متوفره فلوس عنده،، علطوول يهددني اذا مو عاجبك رح اسحب منك كذا وكذا عشان تحسي بالنعمه اللي عندك.. صراحه اسلوبه مره منرفزني.. وجدا اسلوب مستفز و وقح.. والاخوات اللي رح يتفلسفو ويقولون السفر مو مهم،، انا وضحت انه مو بس على موضوع السفر ،، على اي موضوع مايقدر يسويه او اذا طلبته شي وماعنده يقوم بدل مايعتذر .. يقوم يهدد..


وكمان ابغا اسألكم سؤال جدا مهم..:: هل الوحده لو لاسمح الله تطلقت.. وامها متوفيه الله يرحمها وكانت معلمة متقاعده.. هل بعد مالبنت تطلق.. هل لها الحق بمعاش التقاعد حق والدتها المتوفيه ؟؟ الله يرحمها ويسكنها الفردوس الاعلى..