يوم التقيت بركوون وقموووره ... الثلاثى الكوكبانى ... ( الجزء الثانى )

مرااااحب على احلى بناااات فى احلى عااااالم


ونكمل الجزء الثانى

حنا وصلنا عند المقهى ....

وادخل للمقهى ... واجلس على اول طاوله ... واقلب عيونى فى كل اللى جالسات ... وبينى وبينكم كان قلبى يرقع مدرى ليتس(يعنى ليش )... وفيه كم بنت قريبات منى قاموا يطالعونى وكلهم قاعدات على التشات !!!!

هم شافونى بالقفازات والغطااء وش طووله قالوووا هالمطوعه بتذبحنا شكلها من تنظيم القاعده :cool:

واقوووم اسويلهم حولاء .. كلها خمس دقائق الا المقهى مافيه احد !! البركه بعيونى الحووول (وبينى وبينكم انبسطت من قالهم يجلسون على التشات :31: )....حتى صاحبة المقهى من قلة الزباين علقت لوحه المحل للايجار !!!

فجأه .... تتتتن...تتتتن .... الا عائله كامله مندفعه من الابواب بسرعه رهيبه كأنهم طائرات 11 سبتمبر تتقدمهم وحدة فيها شر كأنها محمد عطا ... من قوة دخولهم للمحل الكراسى طاحت ...والطاولات تقلبت ... وراعية المحل حطت رجلها !!


وانا على طول قلت : تكفى ياابن لادن مش هذا المقهى ...!
واقووم واندعس تحت الطاوله خايفه على تسريحتى اللى تاعبه عليها اجهزها من ثلاثة ايام ... واللى كلفتنى 18 ريال :07: ريال ينطح ريال ...


شوى الا الوضع مستتب ... واطلع من تحت الطاوله شوى شوى ... ولا امدانى اطلع الا هالسكنيّة (الجنيه ) اللى مسكتنى من حلقى وقالت لى 6 ونص
قلت : هااااه .... 6 ونص ... انا اذكر انى سمعت هالرقم بس وين مدرى
قلت لها وانا امزح (علشان اضيع السالفه ) ان الرقم الذى طلبته غير صحيح رجاء ياعيونى حاولى مرتن اخرى وتسكرن !!!
قالت : ها ها ها ها بايخه
قلت : الصوت صوت جدى الله يرحمه !! و6 ونص موعدنا ... قلت مين ... قمووووره
واقوووم انط فى حضنهاكاننا فى فيلم كوكب القرده.... الا وحنا الثنتين متكرفستين على الارض .... فاقوم بسرعه واقول لها :
وجع وجع خربتى التسريحه مايسوى علي هاللقاء :32: ...

المهم جلسنا نسووولف وحلفت عليها اضيفها قالت :ابد والله , لاوالله الا عشاتس اليوم على !! والله انى فرحت يوم طّرت العشاء ... ودجاج بطنى يصاوى (مشفوحه من قلب ) ... والله فيها الخير قموووره ماتقصر

وشوى وجابت العشاء الله يفشلها هى وعشاها كاس كافى ... وسكره قليل بعد !!!!

وجلسنا نسولف عن المنتدى ياان حنا حشينا فيكم حش !! ومع كل حشه عند وحده منكم نقول فى اخر الحشه ياحليلها ويازينها حتى نبهر الحش ونلطف الغيبه :p

وكل عشر دقايتس ومازولتى يدق على التلفون (الحب ذبحه مايقدر يصبر منى ... ايه هيين الا منبطه تسبده منى يبى يرووح يشوف مباراة الهلال والنصر ...مع انه يشجع نادى الاتفاق )!!


وابطت عليناركووون... ونقول وينها تقول صار لها يومين ناطرتنا هنا وقمنا ودقيناعليها .... وردت وصوتها منعس ... قلت ركووونه
وينك عسى ماشر .. لايكون اسحبوتس دائرة منع التسول من قدام المحل :D
قالت : وجع .... انتى ماتخلين الحش !!! قلت وينتس حنا هنيا فى المقهى
قالت : راحت على نومه ... قلت احجزى غيرها هههههههههاااى
قالت : ها ها ها بايخه.. انا جايه فى الطريتس عشر دقايتس وانا اكون عندكم

وبعد ساعه وعشر دقايتس دخلت للمقهى ...
شفناها انا وقموووره وحنا جالسات على الكمبيوتر وطبعا فاتحين حوااء وهى ماتشوفنا
وطالعت كل البنات اللى على الاجهزه يوم جات تطالعنا سوينا نفسنا مانشووفها (لعانه من جد ) قامت قموووره ودقت عليها (البنت فيها شر هههههههههههههههاااى ) وتلكمت بصوت منخفض : وينك ركوووونه .. احنا ننتظر فى المقهى ... قالت انا فى المقهى الان انتوا وينكم ؟؟
قالت قموووره: فى المقهى .. يمكن انك مضيعه داخله سوق السمك !!!

وعصبت ركووون وحنا متنا ضحك وقالت: وينكم.. بصرخه ؟!!
وجينا طايرين على طول قلوبنا ترقع من صرختها (ايه هين )
قلنا : سمى طال عمرتس معاتس اختينك قمرووونه وضيووونه جحا وتيمور لنك ههههههههههههههههاااى

قالت : من فيكم جحا .. اقصد ضيونه .. قلت : وهل يخفى القمر ؟!!
مع احترامى لتيمور لنك اقصد قمرووونه ..
قالت قمروونه : كش عليتس .. كش عليتس ياضيونه !!


وجلسنا وسولفنا .. اقصد حشينا ... وخلصنا حش ... سنه بساعه
يعنى اللى عندها حش زايد يابنات تعطينا للايام الجايه !!!


صراحه كانت جلسه من اروع مايكوون ... والله ماراح اقدر اوصف لكم يابنات مدى روعة قمروونه وركوووونه ... من احلى واروع الناس اللى قابلتهم وعرفتهم فى حياتى


وسلامتكم ... الله يسلمتس اختى ... كيف الحال .. انتى وينتس ؟!
:32:



تحياتى لكم


وبااااااى عسوووووولات