زهرة الطارف :

لا إله إلا الله والله قهر ودي ابسي طيب بخصووص القرارات اللي نزلت في مجلس الشورى وش استفدنا من ذا القرارات ومتى بتتنفذ بعد سنة دونها حياة وموت الله المستعان ... انا ماني ضد المعلمين والمعلمات الله يرزقهم لكن ياليت العسكري ياخذ حقه والله يكرفونهم كرف الحيوانات وفي النهاية الراتب وش يسوي يدوب يقضي المستلزمات الضرورية ... زوجي له 18 سنة عسكري وياخذ 8 الاف تروح على قسط سيارة وقسط البنك وتسديد البقالة والتليفون والكهرباء والله لنا 3 شهور ما يزيد من الراتب غير 500 وش تسوي مصروف للعيال والا البيت والا ايش بالضبط وعند بناتي مدرسة لها 12 سنة تدرس وراتبها 14 الف اي عدل هذا ولها اسبوع غايبة موديه بنتها اللي بصف اول لمجمع الراشد تسوي لها بديكير ومونيكير وبعدها راحت البحرين سوت لها حفلة عيد ميلاد لا راح حفلة ولا جاء حفلة وتورته بالشي الفلاني .... بالله مو شي يقهر وغير المعلمين لاعبين الكورة اللي يستلم أقل شي في الشهر 30 الف هذا أقل شي فيه بعضهم يستلم 100 الف صارت رجولهم أغلى من ارواح العسكريين اللي يرابطون لخدمة الوطن ويستلمون خفارات الليل كله يحرسون بلدهم وين العدل ..... وكان عندنا أمل بحافز وبعد اعلان الشروط تبخرت كل آمالنا واحلامنا كانت بتكفيني انا وبناتي لكن الله يرزقنا من فضله وحسبنا الله ونعم الوكيل ما عليش على الإطالة لكن كان عندي كلااااام ودي اقوله اعتذر للأخت صاحبة الموضوع

لا إله إلا الله والله قهر ودي ابسي طيب بخصووص القرارات اللي نزلت في مجلس الشورى وش استفدنا من ذا...