عمري 23 بنت مو متزوجه وحابه اعرض لكم مشكلتي

السلام عليكم ورحمة الله وبركاته
حبيت اعرض لكم مشكلتي وياريت ألقى لها حل عندكم
انا عمري 23 سنه ومن فتره تقريبا 4 سنوات بدأت عندي مشكله في الدوره الشهريه من تجي الدوره ماتخلص الا بعد شهر او شهرين من نزولها بدون توقف وبنزيف شديد جدا لدرجة يصير عندي انيميا من شدة النزيف رحت عند طبيبة نساء وعملت لي فحوصات وألترا ساوند وقالت انه ماعندي اي مشكله فأستغربت وشلون كذا وانا ماعندي اي مشكله قالت لي احكي لي عنك وش تاكلين وش تشربين ونومك منتظم وووو اسئله كثيره قلت لها انا وزني قبل كان يتراوح بين 45 و 50 كيلو بس اخر فتره زاد وزني فجأه لاني شلت الزائده الدوديه ووصلت 68 في اقل من سنه قالت هذا هو السبب
صرفت لي حبوب تنظيم الدوره اخذتها لمدة 8 اشهر تقريبا بس كل مره كانت تصرف نوع مختلف عن الثاني واخف نوع لاني مو متزوجه
فنتظمت فتره ورجعت تلخبطت من جديد واذكر انها طولت معي مدة 40 يوم تقريبا ومن كثر النزيف ماقدرت اتحرك جتني للبيت واعطتني إبرة تثبيت الرحم تقول خافت لا يطيح الرحم واعطبتي دوفاستون حبوب والحمدلله انتظمت فتره ورجعت كمان
بس انا طنشتها مده تقريبا سنه او سنه ونص كنت اعالجها باشياء طبيعيه مثل الزنجبيل والنعناع والقرفه واكليل الجبل وهالاشياء لان بصراحه خفت على نفسي انا لسه بنت مو متزوجه وخفت لايصير لي شي من كثر حبوب التنظيم اللي هي منع الحمل
بس قبل شهرين رجعت تجيني بنزيف والام في الظهر والبطن طول فترة نزولها رحت لطبيبه فحصت علي قالت عندك تكيسات بالمبيض ومحتاجه نصائحكم لي وش اسوي ؟؟
على فكره هالفتره كمان زايد وزني اكثر من قبل وانا من النوع اذا عندي ضغوطات نفسيه يزيد وزني انا طالبه وضغوطات الدراسه والتوتر والخوف يايوقف الدوره شهرين ماتجيني او يخليها تجيني وتستمر شهرين واذكر ان الطبيبه قالت لي انتي عندك مرض نادر يسمونه دوره شهريه مزاجيه يعني على حسب حالتك النفسيه
اتمنى اني ماطولت بس حبيت اشرح حالتي بالتفصيل عشان تساعدوني
وياريت اعرف وش اسم الهرمون اللي المفروض افحص عليه لاني ناسيته من زمان عملته
شكراا مقدما
انتظر الرد بفارغ الصبر