نونو_الكويت @nono_alkoyt_1
عضوة شرف في عالم حواء
غــداي يـوم الاثنيـــــن 21-12-2009 ربيــــــان وزبيـــــــدي
مرحبــــــــا بنــــــــــات هــــــــذا غدانــــــا
انـا وزوجـى صورتـه لكــــــم
ان شـاء اللـه يعجبكـــــــم
هــــــذا العيـــــــش والسمــــــــــج وحمســــــه ربيــــــان
تتبيلــــــــه الزبيــدي:
1 كركــــــم
شـوى دارسيـــــــن
ملـــــــح
كزبـره ناشفــــــه
طبعـا اتغسليـن الزبيـدى وتتبلينــــــه وتخلينـه
ساعتيــــــن بالثلاجـــــــه ثـق تقلينـــــــه بالزيـــــت
واهنـى صـورة الربيــــــان حيـل عجـب زوجـــــي
انـا كليــــت حبـه وحـده لانـه فينـي حساسيــــــه
مـن الربيــــــــــان
حمســـــــه الربيــــــــان:
المقاديـــــــر:
15 حبـه ربيــــــان (تسلقينهــــم مــع البهـارات)
2 م زيــــت
1 م كركــــــم
ا مكعـب ماجـــــى
نـص م كزبـره ناشفــــــه
نـص م لومـي اســود مطحـــــــون
ا كـوب طماطـم مفـــــروم
ا كـوب بصـل مربعــــــات
1 م صلصـــــه طماطــــــم
نـص كـوب بقدونـــــس
الطريقـــــــه :
اتجيبيــــــن جـدر وتحطيـن مـاي والبهـارات
والربيـــــان وتخلينـه 10 دقايـــــق
بعديــــن اتجيبيــــــن المقـــــلى وتحطيــــن البصـــــل والزيـــــت
والكركــــــم ومكعـب الماجـــــي والكزبــــــره وحركـى البصـــــل
وبعديـــــن ضيفـى الربيــــــــان (اللـى سلقتيـــه ) وحركيـــــه اشــــوى بعديـــــــن
حطـــــى الطمـــــــاطم والبقدونـــــــس ووخلـيه ليـن يذبـــــل الطمــــــاط
وبعديـن ضيفـي اللومـى الاســــود وصلصـه الطماطــــــم وضيفـي
كوبيــــــن مـاي ساخـــــــن وخليـــــه ليـــــن يصيـر
كانــــــه صلصـه ثقيلــــــــه
وبالعافيــــــــــه
وهـذا توســــــت بالربيـان والخـس
خذيــــــت مـن حمسـه الربيــــــان وحشيتـه
والليمــــــــون
والخـــــــــــس
والدقـــــــــوس
الدقــــوس:
المقاديـــر:
2 فـص ثــــــوم ناعــــــم
1 طماطـــــم كبيــــره (بالخــــــلاط مـع مـاي)
مكعـــــب ماجـــي
نـص م كركــــم
3 م صلصـــــه الطماطـــــم
2 م زيــــــت
الطريقــــــه :
جيبـي جــــــدى صغيـر وحطـى الزيـت والثـــــوم
اذا حمـر الثـــــوم ضيفـــــي الطمـــــــاط
وضيفـــــــي كـل المكونــــــات وخليـه علـى
النـــــــار ليـن يصيـر ثقيــــــــل
بالعافيـــــــــــه
المـاي والــــروب وصحــــن المهلبيـــــه
مـــــــال غـدا امــــس بالثلاجــــــــه
وسلامتكــــــــم انطـر ردودكــــــــم
48
6K
يلزم عليك تسجيل الدخول أولًا لكتابة تعليق.
الصفحة الأخيرة
تسلم ايدينك بس ماقلتي لنا كيف حمسة الربيان
ويعطيك العافيه