طريقة الجريش بليززز

يوم ونص منقعته !
شوفي عيوني بقول لك طريقته باختصار
نقعي لك كاس جريش وربع كاس رز مصري
ثم قطعي بصل واذا تبين مع دجاج او لحم حسب ذوقك او بدونهم كلهم عادي
المهم قطعي شرايح الدجاج الفيليه وكشتينهم مع البصل مع شوية زبده وخليهم على نار هادية بدون موية او اي شي
بس كل شوي فكي القدر وقلبي البصل مع الدجاج وحطي شوية ملح و ملعقة كبيره كمون
ثم صبي على الدجاج كاس حليب وكاس لبن
وخليهم لما يغلون اذا غلو حطي الجريش والرز المنقع
وحركيهم سوى وغطيهم ثم بعد تثرييبا ربع ساعه فكي القدر وزودي حليب ولبن وشيكي على الطعم شوفي يحتاج ملح ولا لا
وهكذا لين توصلين للقوام الي تبينه
وبس

ثم جهزي حشوة الجريش الي كشنة بصل حطي عليها ليمون اسود بودره واذا عندك تمر هندي نقعيه ووصفيه وحطيه على الحشوه

رفع

ههههههههههههه

منقعته تنتظرين الفرج

شوفي اختي ضيفي شوي رز ويفضل مصري

انا طريقتي اسلق لحم مع بصل وثوم وماجي ابيض واصفر

واذا نضج ولاقبل ما ينضج عادي اخذ من ماه

اجيب قدر ثاني وحط فيه الجريس والرز المنقوع وشوي زيت او زبد او سمن الي عندك

وسقيه من ماء للحمه بس تحت مصفاه انا ما احب حثل للحم

واذا بدا ينبر قصري عليه وكل شوي سقيه من ميه اللحم حتى تخلص ولاتنسين الملح حطيه بالاخير على مرقه اللحم افضل كذا

ولا حسيتي ان الجريش انهرا حطي حديده وخليه على اقل من مهله لو نص يوم ما يضره

وحبيتي تضيفي علبه لبن حلو او زبادي او قشطه انتي حره

نجي للحم ممكن تضيفيه للجريش او تخلينه على الوجه

انا احط قمر دين على الوجه انقع قطعه منه او ان كنت مستعجله اسلقها حتى تصير صوص وادهن وجه الجريش

ولك الخيارات

الله أكبر الله أكبر الله أكبر لا إله إلا الله
الله أكبر الله أكبر ولله الحمد

كيف قمر الدين عالجريش حالي مره :/