حسيت كل عمري انتهى بلحظه

السلام عليكم ورحمة الله وبركاته
شلونكم بنات ؟؟؟؟؟؟امس مريت بموقف عصيب حسيت جسمي كله يرجف وبطني كلها تعوفست وقلبي نبضاته امكن اللي قدامي راح يحسها امس الجمعه كنت استعد لصلاة الظهر وتو ما فرشت السجاده جاني تلفون من وحده الله لا يوريكم الصوت الناعم والدلع دق التلفون الا شلته الو من ؟ ردت الو مرحبا هذا مو منزل الدكتور فلان (اللي هو ريلي ) قلت نعم قالت وبكل دلع ووقاحه شلونش شعلومش شلون الاولاد ونا كله الحمدلله الحمدلله الحمدلله بعدين سالت :اقول الدكتور فلان يشتغل الحين بالمكان الفلاني؟ (زوجي انتقل الى مكان عمل اخر قريب يعني هي متابعه اخباره)قلت ايه نعم ونا مادري مندهشه وخايفه لان من المفاجاه اعتقدت انه زوجي فيه شيء مادري تدودهت قالت:طيب ممكن اكلم زوجته بليز رديت :انا زوجته قالت:ايه هذي انتي وسكتت شوي وكملت شلونش وشلون صحتش ونا الله يسلمش قلت لها من حضرتش ضحكت وسكرت التلفون بوجهي والله كاني بفلم بصراحه هذيك اللحظه زين ما طحت غشيانه من قوة دقات قلبي المهم تلفوني فيه الكاشف وعرفت رقمها بس ما حبيت انزل لمستواها واتصل ابهذلهل بتستانس كذي بس يا بنات والله العظيم ما قدرت احط عيني بعين ريلي كرهته والله غصبا عني مع اني واجهته وعطيته الرقم بس ريلي اعرفه مب مال هالسوالف وانسان يخاف الله وايد ويحبني بجنون ولله الحمد بس بنات بليس وهو اسلوبه مع المرضى يتباسط وياهم اكثر من اللازم شسوي البنات تفهم العكس بصراحه يا بنات حسيت جدار الثقه انهد من هذيك اللحظه والدنيا ما فيها امان بنات شسوي وشلون استرد ثقتي بريلي والله كرهته من امس :(