أمتدحيه أمام أهله ؟!

اهلين ياقمر

انا راح اتفلسف عليك شوي

ولا تحسبيني متزوجه

بس هذا من واقع مااسمعه من الناس المتزوجين

واشوفه قدامي واحسه كويس ويجيب نتايج ايجابيه


يعني مثلاً لو جا طاري الأزواج وانهم مايبردون

الخاطر او نفوسهم خايسه او كيذا

قولي لا ابو فلان عسى ربي لايحرمني منه

مافيه احن منه على وعلى عيالي

ومايقصر معنا ولا بشي عسى عمره طويل

وطبعاً تكونين صادقه لانه بطريقه او بأخرى راح يوصل هالكلام لزوجك

وطبعاً راح يفرح ويكبر بعين اهلك والناس وراح يحترمونك

اهله علشانه محترمك وعشانك تعزينه و

لانه اهله مو اغبياء يعرفون ولدهم حاولي يكون كلامك صادق ولا تبالغين

ودايم قولي لامه وابوه الله يسلمكم دايم احمد ربي انكم اخترتوني زوجه لولدكم

الي مافيه رجال بالدينا مثل تربيته وطبعاً لانه طالع من تحت ايدينكم

ومن هالحكي الحلو لانه الحريم والكبار يحبون الكلام الحلو

بس انتبهي لالالالالالالالالالالالالالالالالالالالالالالالا

تبالغين يعني اذا زاد الشيء عن حده انقلب ضده

يعني الإعتدال بكل شي زين واهم شي لا تشتكين من تقصير زوجك لاي مخلوق كان

وتذكري المثل الي يقول

( الشكوى لغير الله مذله)

وان شاء الله مااكون طولت عليك

او تفلسفت والله يرزق الي مااتزوجو بازواج صالحين

قولي اميين يارب

ولا تنسيني من صالح دعواتك

:27: ^الكتكوته^ :27:

عاد انا متزوجة وابي اتفلسف بعد هههههه

انا اعرف ان الزوج يحب ان الزوجة تمدحه عند اهلها هي وعند الناس اكثر من عند اهله لأن اغلب اهل الازواج عاجنين عيالهم وخابزينهم ويعرفون من اللي حليل ومن اللي اقشر ومن اللي حنون ..... الخ

وبعدين اهل الزوج اذا قلتي لهم مثلا ( والله فلان رجلي الله يخليه لي ولا يحرمني منه ما يقصر عني بشي ولا يرفض لي طلب ) ما يعجبهم ذالكلام لأنهم يحسون ان ولدهم خيخه ( يعني شخصيته ضعيفه ) اوانك انتي يا زوجته لاعبه عليه او ممشيته على كيفك وهذا شي مفطورين عليه اهل الزوج اللي هم الام والاخوات وخصوصا اذا هو ما كان معهم حليل قبل الزواج

عشان كذا ونصيحة اختك قهوه ساده اللي تعزك ل
لا تجبين طااااااري لزوجك عند اهل الزوج لا بالزين ولا بالشين لانهم اما بيغارون او بيستنكرون وخصوصا خصوصا في وجود الحموات ( السلفات )

امدحيه عند ابوك او امك او اخوانك او اذا كنتي مثلا تكلمين اختك في التلفون وهو موجود امدحيه

واسفه على الاطاله

انا من رايئي انك تمدحيه قدام اهلك مواهله عشان اذا صار شي لاسمح الله بكره بينكم ودروا اهله بالسالفه قالوا ولدنا مافيه شي وبشهادتها الغلط منها هي

قهوه ساده كلامك صحيح وعين العقل والله=========

انا اقول لاتمدحينه لاعند اهلك ولا عند اهله
والله الناس مايجيبون خير
انا من كم يوم قلت له سامحني تراي ماامدحك عند الناس واذا وحده اشتكت من رجلها ابين لها انك حتى انت كذا لاني اخاف من عيون الناااااااااااااااس
صحيح عند اهلك بتبينين انك مبسوطه وانه مريحك بس مو دايم عشان يتطمنون