غداااجمل

غداااجمل @ghdaaagml

عضوة جديدة

مساعدة في تقسيم ميزانية المنزل

التنظيف والتنظيم

السلام عليكم ورحمة الله وبركاته
بنات ابي منكم مساعدة في تقسيم ميزانية المنزل الشهرية 
اولا راتب زوجي 3000 ريال 
مرات ينزل ومرات ماينزل راتبه هذا حال الشركات لانه يشتغل في قطاع خاص والحمدلله على كل حال 
ثانيا علينا قرض زواج كل شهر 800 ريال 
الايجار للشقه شهريا 1500 ريال 
السيارة تاخذ بنزين اسبوعيا 30 ريال يعني قرابة 120 ريال 
البيت يحتاج له اثاث الشهر اللي فات شريت كنب للصالة ب 1700 وباقي مجلس الرجال يبي له كنب 
احتاج مقاضي للمطبخ من قدور وحافظات 
وماالى ذلك ..وكمان البيت يحتاج الئ مقاضي غذائية 
وودي اقسم الراتب وابي يصفا لنا منه لو 300 ريال للاضطرات  ماندري الايام وش تخبي 
ارجوكم ساعدوني اكيد قد جربتوا بما اني لساتني عروسه انتظركم وكتبت الموضوع على عجل حتى الحق اصلي ...فالمعذرة 
9
3K

يلزم عليك تسجيل الدخول أولًا لكتابة تعليق.

تسجيل دخول

الياسمين 68
الياسمين 68
حبيبتى 1500+120+800=2420
يكون الباقى من 3000=580
فاﻻفضل تلغى مبلغ اﻻدخاروالتاثيث لين يخلص القرض وتصدقى ولو ب30ريال كل شهر
ووزعى ال550على مقاضى الشهر وشراء مستلزمات المطبخ بس يخلص القرض خدى المبلغ وادخرى منه300وجمعى ال500لشراء الناقص بالبيت
غداااجمل
غداااجمل
الله يسعدك اليا سمين القرض تبع الزواج مدة سدادة طول خمس سنوات معقول ما اثث المنزل طول هالفتره مره صعب 
الياسمين 68
الياسمين 68
الله يوفقكم ويسهل اموركم كثير خمس سنوات توقعتها شهور
اكثرى من اﻻستغفار عن تجربة بتﻻقى خير جاكى من حيث ﻻتعلمين
خﻻص شدى الحزام عاﻻخر واقتصدى مية كل شهر للتاثيث واذا عندك ذهب استغنى عن جزء منه
واثثى بيه وحاولى تستغلى اى موهبة عندك لزيادة دخلكم اذا طبخ او اشغال يدوية
واعتمدى عاﻻثاث المستعمل هالفترة وان شاء الله فالمستقبل تتحسن اﻻمور وتفرشى احلى اثاث
غداااجمل
غداااجمل
الله يسعدك يالياسمين وتسلمي على الرد حسيت فيه حياة بالمنتدى يوم رديتي هههههه مادري وين الناس ليش مايردوا الاخوات ويعطونا كمان من خبراتهم
بالنسبة للذهب عندي تبع الزواج بس لو بديت ابيع فيه بنصير نتعود وهو كنز ماندري عن المستقبل ورفض زوجي يبيع من ذهبي تبع الشبكة يقول ان بديت ابيع من ذهبك راح اتعود هو لك لاتححسني ماقدر اصرف عليك
فسكت معاد كلمته بهالامر
انا اشتغل على تصميم مقاطع الفديوا وارسم واعمل اعمال فنية لكن السوق نايم مدري ليش واستلم حافز بس خصموا منه لاني كنت استلم قبل زواجي ضمان المطلقات وحسبي الله عليهم وصراحة مايجلس معي على طول اصرفه للبيت
يعني ميزانيتنا 4000 ريال
ومايبقى منها شي مدري وين تروح
وعلى فكرة هو اكبر اخوانه زي الاب لهم ويصرف على امه والله يعينه على برها وانا ماني رافضه صرفه عليها فهي بمثابة امي ان بر بها فسيبر بي
بالنسبة للاثاث المستعمل تصدقي بالله لقيت كم كنبه في محلات الاثاث المستعمل المحلات النظيفة حصلت انها اغلى من اللي بالسوق وماتستال دفع هالمبالغ عليها
وكنت اخذت من عند اخوه كنب مجلس حريم مستخدم ببيته بدون ماشتريه معاد يبيه وحطيته في الصالة وجلس لين قبل امس يعني معي 6 شهور وعمر الكنب عند اخوه 5 سنوات ومعاد يتحمل اكثر صار يتفكك وحالته حاله وتنجيده اعلى من سعر الكنب الجديد وربي تنجيدة ب 2700
اظرطيت اشتري جديد ارخص من التنجيد والتفصيل
والحين ابي جدول للميزانية من تساعدني لها جزيل الشكر والدعوة الخالصة لوجه الله

............

اختي نخلة مثمره اعذريني ماقدرت ارد عليك ع الخاص لان مشاركاتي قليلة ونعم زي ماقلتي (: ومشكورة ع السؤال
إنسكاب الدمع
إنسكاب الدمع
اسال الله ان يصب عليكم الرزق صبا وان يرزقكم من واسع فضله عليك بالاستغفار اختي
وحاولي تشوفي البدايل الغذائيه الارخص وتكون كميات الاكل ع قدكم عشان ماتنكب النعمه
والمنظفات من اسواق الجمله
وتقليل من اكل المطاعم


سبحان الله وبحمده 🌹سبحان الله العظيم