اليوم راح اكتب عن كريم الاساس الجزء الثاني ههههههه:icon31::S_45:
المهم بعد موضوعي الي كتب عن كريم الاساس بديت استخدم كريمات ثانية عشان اعرف اذا في افضل من الي انا استخدمهم وقلت عشان الكل يعرف ان في انواع ثانية غير الي قلتها تعتبر افضل و لقيت كريمات اساس افضل من الاولى الي كتبتها بصراحة كنت متحمسة و خاصة اساس لوريال وانواعه و بعده اساس ميك اب فور ايفر اتش دي
يلا من غير قرقرة و كلام كثير ابدأ عشان يكون الموضوع خفيف و قصير عليكم
يلا بسم الله
راح ابدأ بأساس لوريال بأنواعه
1- كريم اساس لوريال ترو ماتش (L'oreal true match) اول شي بقول ان الكل كان ينصحي بفاونديشن لوريال بس كنت اسلك كلامهم >>> عنيدة ايش اسوي
هذا الكريم نفع معايا عشان هو خالي من الزيوت يعني ينفع للبشرة الدهنية و المختلطة و يتوزع بسهولة و تقدري تلقي اللون المناسب لك بسهولة و تغطيته كويسة وثابت يعني يجلس معك مدة طويلة
2-كريم اساس لوريال ترو ماتش ليمي (L'oreal true match lumi)
طبعا هذا الاساس انا لما رحت مع ماما عشان اشتريه انا وهي تغالطنا كثير عشان الاسم هي تقولي نفس الي عندي يعني تقصد الي فوق عشان مكتوب ترو ماتش بس انا اقولها في زيادة في الاسم هههه والله اليوم ذاك حلفت قلت ثاني راح اخذ بنت خالتي وم اخذها معي >>> زي العادة خرجت من الموضوع:unsure:
ارجع للاساس وراح اقول انه مختلف الي اكتشفت من الكريم دا ينفع لي جميع انواع البشرات و خاصة البشرة الجافة بس م نفع معي عشان انا دهنية بس صرت امزجة مع البي بي كريم تبعي و صار كويس او كريم لوريال الاول المهم هذا الاساس تغطيتة متوسطة بس اذا تبغى تغطية كاملة دبلي الاساس واذا تبغي تغطية خفيفة يعني لي يوم نهاري او مناسبة بسيطة بس وزعية مرة وحدة و طبعا ثابت و يجلس مدة طويلة بس اذا تبغى يطول معك حطي بودرة و خاصة البودرة السائبة راح يطول معك
3-كريم اساس لوريال م عرف اكتب اسمة الانجليزي بالعربي بس راح اكتبه بالانجليزي (L'oreal Infallible)
هذا الكريم للاسف اشتريته من غير م اقرأ لي اي انواع البشرة اشتريته لما رحت جدة هذا الكريم للبشرة الحساسة يعني ينفع للبشرة الحساسة اكثر زي ما قلت بس خلاص اشتريته وقلت لازم احلل فلوسي فصرت زي الي قبلة امزجة مع البي بي كريم او اساس لوريال الاول الي هو للبشرة الدهنية و المختلطة و لحد الان ماش الحال
هذا الاساس زي م مكتوب انه تغطيته كاملة و ثابت و يجلس لمدة طويلة يعني يا اختي اذا بشرتي حساسة راح ينفع معك و الله اعلم والي بشرتها دهنية في شبيه له و غطايته لونها احمر بس للاسف انا ما جربته حسيت اني مسختها كثير كل مرة اشتري لوريال و اصير فار تجارب
انا كذا خلصت من لوريال
4- كريم اساس ميك اب فور ايفر اتش دي ( ****** forever HD)
اذا فاكرين موضوعي السابق عن كريم الاساس قلت اساس ميك اب فور ايفر انه ثقيل عليا و ينفع للمناسبات اكثر بس انا لما رحت محل وجوة حصلت هذا النوع الي هو ميك اب فور ايفر اتش دي و اشتريته و صار حبيب قلبي انا كتبت عنه قريب في صفحتي في الانستقرام و راح اعيد هنا بس أختصار
ليش هو اتش دي (HD) هو اصلا مصمم عشان لما تظهري على الكاميرا وجهك يبن على انك ما حاطة شي وفي نفس الوقت يغطي العيوب طبعا تغطيته من متوسطة لي تغطية كاملة وسهل التوزيع وراح يعطي مظهر جميل و طبيعي وثابت بعني يطول عليك
5- كريم اساس استي لودر (estee lauder)
هذا الكريم كيف اكتشفته ؟؟ انا متابعة مدونة او خبيرة مكياج امريكية و دائما تستخدم هذا الاساس فقلت ابغى اجربه و اشتريته
هذا الكريم من اسمه دبل ويير يعني توزيعة وحدة راح تغطي العيوب بس طلع كذب بالنسبة لي احتجت اني اوزعة مرتين عشان يغطي تغطية كاملة حبيته انه ثابت يعني يطول عليك مدة طويلة واظن انه لجميع انواع البشرو بس نفع معايا بس مشكلته انه غالي يعني زي ديور و شانيل عشان كذا خصصته للمناسبات
ايش تستخدمي عشان توزعي الاساس؟؟؟
انا كتبت من قبل بس راح اكتبه هنا
اول شئ لازم تهيأي بشرتك قبل الاساس و في وحدة كتبت عنه وانا كتبت عنه في كافي الميك اب اظن في او صفحة روحي شوفي كيف عشان الاساس يطلع حلو و كويس عليك
1- فرشة الاساس المعروفة الي فرشتها مسطحة بس انا من زمان ما كنت اعرف اوزع بيها
2-اسفنجة الاساس : كمان معروفة هذة الاسفنجة كنت دائما استخدمها من زمان قبل ما البيوتي بلندر تنزل و تصنع هههههه
3-اسفنجة اساس شبيها لي البيوتي بلندر لازم تبليها قبل الاساس و تعصريها كويس و بعدين وزعي الاساس
4-اسفنجة ريل تكنيك : كمان شبيه للبيوتي بلندر بس تاخذ وقت في التوزيع و حتى لما تبليليها كمان تاخذ وقت عشان تتنفخ
5- حبيبه قلبي البيوتي بلندر : م استغنى عنها و جميلة و توزع كويس
6-فرشة توزيع الاساس ريل تكنيك: هذة الفرشة للمحترفات هذا رأي ليش لان التوزيع بالفرشة تبغى دقة عشان الاساس يكون موحد
ملاحظة: زي ما قلت لاز البشرة تتهيأ قبل الاساس و بعدين وزعي الاساس بأتجاه واحد خاصة في الجبهة اختاري جهة وحدة ووزعي عشان اذا اخترتي اكثر من جهة وحطيتي البودرة بعد كذا جبهتك راح تكون خريطة ههههههه
لا تنسي البودرة و يمكن قريب راح اكتب عن بودرة الوجة المهم بعد البودرة حتى لو كنتي واثقة من الاساس اهم شئ حطي مثبت للاحتياط بخي كم بخة على وجهك و استني لحد م ينشف و بعدين كملي مكياجك عادي
وبس خلصت هذول الي انا استخدمتهم من كريمات الاساس او الفاونديشن
وعجبتني البعض و البعض الاخر لم يناسبني ولكن عرفت كيف استخدمهم عشان حرام يترمو او يجلسو في التسريحة من غير استخدام
حبيباتي اي سؤال او مشاركة اضافية او حتى تقترحي على العضوات اساس نفع معك ياريت تكتبي عنه و تذكري نوع بشرتك عشان الكل يستفيد
واسفة اذا الموضوع طويل عليكم بس حبيت افيدكم اكثر
واعرف كلامي كثير
:26: اختكم في الله:26:
يسلمو حبيبتي "الله يسعدك ♥