هلا
هلا
بكل من نور االموضوووع
دي صور مجمعة كانت في اللابتوب وقلت انزلهااا <<< تنظف لابتوبها عندكم
تصوير جوال نص كم بس مشوووهاا
دا عزومة غدا بسيطة لاصحاب زوجي
السفرة بشكل عام <<اذا في حاجة ملخبطه مشووها عشان بس ابشركم دحين صارت سفرتي زي الفنادق اتعلمت تطبيق المناديل بكل الاشكال << بشري امك خخخخخخخخخخخخ
الاطباق كانت
الرئيسية رز العزايم باللحم ღ صينية دجاج بالخضار ღ
سلطات تبولة ღ متبل باذنجان ღ سلطة خضرا ღ
مقبلات معجنات ღ كبة ღ مطبق جبن مالح ღ سمبوسة ღ
عصيرات بيبسي ღ عصير ღ
حلى تارت الفواكه بس ماصورتو ღ
التبولة : بقدونس مفروم - شوية نعناع مفروم - برغل منقع بعصير ليمون - طماطم مفروم - بصل اخضر مفروم يلخط الكل وقت التقديم ويضاف له ملح عصير ليمون مع شوية ملح ليمون عشان يطلع حامض وانا ازيد شوية فلفل اسود <<< اختراع
متبل : زبادي- باذنجان كبير مشوي- طحينه- عصير ليمونه - ملح ليمون- ملح- فلفل اسود تخلط المقادير مع بعض في الخلاط
صينية دجاج : قطع دجاج وبصل جوانح وفلفل اخضر نتبلها بـــ صويا صوص - خردل - كتشب -صلصة طماطم - صوص الباربيكيو - ملح - فلفل - بابريكا - شوية عسل ايووة عسل لا تستغربوو ما يبين طعمهااا -بهارات - ماجي
نحطها في الصينية مع شوية موية وفي الفرن الين تستوي
طبعا لازينت ولا حاجةكنت حامل في شهري وحالتى حالة
شرح مبسط لرز العزايم للمبتدئات وبالصور حتى تكوني مبدعه باذن الله
عجينة العشر دقايق بس الفرق اني احط عليها 3 ملاعق كبار نيدوو
واخلي العجينة طرررية وانا اعجنها واغلفها بزيت واخليها تتخمر ساعة وبعدين اشتغل فيها وبعد ما اسوي الاشكال اخليها تختمر وتنفخ كمان ربع ساعة ادهنها صفار بيضة وحليب وادخلها الفرن 10 دقايق
الفرن حامي 250 درجة تطلع زي حق المخابز قططن وخفيفة واذا تبغيها محمره زي الصورة تسيبيها 5 دقايق كمان طبعا زوجي واصحابو يحبوها محمرة بس انا اجبها افتح شوية زي المخابز
سمبوسة : الطريقة معروووفة <<<تعبت من الكتابة
المطبق : ابو زيد والقرموشي في بيتك....... احلى مطبق بالتفصيل والصور :)
كبـــــة :
العجينة : كاسين برغل نحط عليه كاسة موية مغلية الموية مذوب فيها حبة ماجي الين يشربه كله و نزيد اذا نشف الين تضغطي على حبة البرغلة بيدك وتنهرس - فصين ثوم مهروسه - فلفل اسود -ملح - قرفة كثير- شوية كزبره و كمون - كاسة لحم مفروم نلخط الكل بقطاعة البصل لان ماعندي فرامة بس يضبط الين تصير عجينة وممكن نزيد شوية موية حارة اثناء الفرم
الحشو :
الحشوه : بصل محموس بزيت الين يشقر نضيف له اللحم المفروم وفلفل اسود وملح وشوية بهارات والقرفة اكثر منهاا واقلب الين تنشف اللحمة واضيف صنوبر اذا حبيت <<قصدها اذا كان موجود في البيت
ونشكلها ونحشيها بالطريقة المعروفة والاخت كواكب حاطة مقطع فيديو واااضح الله يعافيها
وطبعا انا اسوي كمية وافرزنها عشان مو كل شوية نقعد نكبكب <<مصطلح جديد لعمل الكبة
افرقها واحطها في الفريزر واطلعها بعد ماتجمد واوزعها في اكياس
يتبع ..........
بس عادي ردو لاني حجزت الرد اللى بعدي <<<فقدت الامل في بعض البنات بس يقطعوو المواضيع
الاطباق كانت
الرئيسية رز ابيض ღ ايدام حبشي زقني ღ
سلطات حمصღ فتوشღ
مقبلات كبة ღ بطاطس شكلين<<شكل كنت متورطة وابغى اكثر الاكل ღ
عصيرات بيبسي ღ عصير ღ
حلى اكييييييد كان في حلى وكالعادة ماصورتوو لانهم ياكلو الحلى في الصالون بعد مايقومو من السفرة
رز ابيض: معروف طبعاا بس انا لازم انقعه ساعة عشان يطلع نثري ولما يستوي تقريبا اصب زيت من فوق واحرك عشان يلمع
ايدام حبشي زقني : كثيررين طلبوه في المنتدي بس اهم شي الشطة الحبشية ولا الطريقة سهللللة بس تاخد وقت
ومو لازم القدر الفخار حق الاكل تزبظ بالقدر العادي
3بصلات كبار مفرومين صغار جدا نقليهم على نار هادية في زيت كثير نوعا ما يغطيهم الين يشقرو نضيف الشطة طبعا الكمية زي ماتحبي ونقليه مع البصل ونضيف فنجان موية كل فترة عشان الشطة ماتنحرق ونقليها ربع الي نص ساعة نضيف فصين ثوم مفروم ونقليه شوي نضيف اللحم او الدجاج ونقلب نضيف طماطم معصورة وملح ونقلب شوية ونسيبها الين تتسبك برضو على نار هادية تاخد نص ساعة او اكثر الين يستوي اللحم ويتسبك الايدام
وسلامتكم
فتوش: معرووفة طبعاا
ونقليه دا فطور رمضان يوم من الايام عند حماتي والاطباق لاحصر لها لان دي بس مقبلات في سفرة تانية للاكل :eek: بس نزلتها عشان تشوفو التقديم
وابغي منكم كالعادة دعوة حلوة في ظهر الغيب باللي تبغوه لانفسكم من سعة زرق وصحة ولاتنسو الملائكة تقول ولكم بالمثل