nasim_alrabia

nasim_alrabia @nasim_alrabia

عضوة فعالة

انواع شوربات حق رمضان اللي عندها شوربه تشاركنا

اطباق عالم حواء

السلام عليكم شخباركم نسوان عالم حواء




يا نسوان تره ما بقى على شهر الخير شئ واحنا ما جهزنا حق الشوربات شئ كله معجنات

ليش ما في احد نزل الشوربات الرمضانيه تره الشوربه ما بقل اهميه عن باقي الآكل

نرجو من البنات اللي عندها شئ جديد وحلو تحطه او شئ من شوربات زمان

عشان نتذكر الماضي ايام امهاتنا

انا عارفه انكم ما تقصرون وجزاكم الله كل خير يارب


وعشان اشجعكم اقدم لكم شوربه الهريسه الحلوه




شووووووربه الهريس




شوفوا حبيباتي ناخذ حب الهريس ونغسله زين ونضعه على النار ونكثر الماء ونقوم بالتقليب

لحد الاستواء ثم نضعه في الخلاط المولينكس مع الماء ونخلطث لحد ما يصير ناعم

ثم نعيده على النار ونضع فوقه قطع اللحم او الدجاج والملح وقليل من السنوت

وعود الدارسين ونتركه لحد ما يستوي اللحم وفي اأخير نضع قطع الزبده ونطفي النار


وتقدم مزينه بالبقدونس وقطع الليمون





وبالهناء والعافيه ارجو منكم الدعاء لي بالصحه العافيه


لا تبخلوا علييييييييي بالرد


:09:
23
7K

يلزم عليك تسجيل الدخول أولًا لكتابة تعليق.

تسجيل دخول

nasim_alrabia
nasim_alrabia
شلونكم بنات بانزل لكم الشوربه الثانيه بس تره انا زعلانه لأن ما في وحده

دخلت وقالت لنا عن الشوربات اللي عندها معقوله ما في خبره

عموما هذي الشوربه الثانيه




شوربه كريمه الدجاج


الطريقه :


نقوم اولا بتقطيع البصل قطع صغيره ونضع الزبده في القدر ونضيف البصل ونتركه

حتى يصبح شفاف ثم نضيف قطع الدحاح ونحرك باستمرار بعد ذلك نضيف

8 ملاعق طحين ونحرك ونضيف 3مكعبات ماجي الدجاج ونخلط

آخر شئ نضيف مرقه الدجاج او الماء حسب الكميه المطلوبه

ونتركها تغلي لحد اأستواء وقبل ان نطفئ النار بخمس دقائق

نضع عليها كوب كريمه ثم نقدمها بالهناء والعافيه
أسالك الجنه
أسالك الجنه
يعطيك العافيه بس ايش الكريمه اللي مع شوربه الدجاج

وراح اضيف شوربه الفطر
تكون بمغلف جاهزه بس احمس بصل مع الزيت والفلفل الرومي واحط مغلف الفطر مع المويا وشويه بهارات مع كركم
عشان مأحب يكون لونها ابيض
مطبخ الملحق
مطبخ الملحق
اختي اسألك الجنه هي تقصد بالكريمه كريمة الخفق لأنها هي اللي تعطي الشوربه قوام سميك وابيض.
وانا راح اضيف
:::::::::::شوربة العدس:::::::::::::
نسلق عدس اصفر بعد غسله وتنقيته وبعدين نقلي بصل مقطع صغير وبهارات وماجي واقطع صدور دجاج واحمسها معهاوثوم طبعا
وبعدين اضيف العدس اللي سلفته نص سلقه واضيف مويه واخليها تطبخ الى ان تستوي وبعدين اخلطها في الخلاط وارجعها على النار واضيف عصير ليمون واضبط الملح وبالعافيه .
:::::::::::الشوربه البيضاء السريعه:::::::::::
وهاذي تنفع للزنقات او اذا تبين تحطين نوع شوربه اضافي ومرررررره طعمها لذيذ وهي عباره عن ظرف شوربه ماجي خلاصة الدجاج
نخلطه بالخلاط مع علبة قشطه وملئ الخلاط ماء وتوضع على النار واذا ماتحبي الشوربه ثقيله زيدي المويه شوي وبعدين اضيفي عليها عصير ليمون وجزر مبشور وبازيلاء مجمده وخليها تغلي شوي على النار 10 دقايق وهي جاهزه ومرررررررررررره لذيذه وسهله وسريعه.
قحطانيه كوول2009
مشكوره قلبي جعله الله بميزان حسناتك
سبيسيال
سبيسيال
شوربة العدس
اسلقي العدس بماء وملح لحد مايستوي وبعدين ع الخلاط مع علبة قشطه تقريبا ( على حسب ذوقك واللون اللي تحبيه)
وبعدين رجعيها عالنار وضبطي ملحها وضيفي لها كمون وبهارات مشكله او هنديه تصير الذ وبس


شوربة كويكر العاديه
حمسي بصل وطماطم مفرومه مع لحمه وبعديت اسلقيها لحد ماتستوي وخذي من موية اللحم
وبالخلاط ضيفي لها كويكر .. رجعيها للنار وضبطي ملحها وكثري فلفل اسود لانه هو اللي يعطي
الطعم الحلو وضيفي بهارات حسب رغبتك وبالعافيه

شوربه بيضاء
اسلقي صدر دجاج لحد مايستوي بعدين نتفيه وخليه على جنب .. احمسي ملعقة دقيق مع شوي زبده
لحد مايتجانس كويس بعدين صبي عليها تقريبا ربع الى نص كاس حليب على ذوقك يعني
واضيفي لها موية الدجاج وملح وبهارات
واذا غلت طفيها واضيفي الدجاج المنتف وممكن تضيفين ذره او فطر حسب الرغبه

وبالعافيه عليكم :)