marmora

marmora @marmora

عضوة نشيطة

اساله حول بعض المقادير الي ما فعمتها ؟؟

اطباق عالم حواء

السلام عليكم


ادري اني ازعجتكم و طفرتكم و طفشتكم و لعوزتكم و اذيتكم من كثر اسالتي في كل مكان


بس ما عليه استحملوني شوي بس لين ما اصير خبيره بالطبخ


و لا كيف راح اعرف اذا ما سالت احد


و انا مالي احد اساله غيييير انتوا

و تكتبون عن اشياء ما افهمها او ما اعرفها في المقادير و توقف لي عائق بالطبخ


في وايد من المقادير تكتبون عن اصبع زبده ...شو تقصدون فيه و كيف يكون شكله ...هل هو قالب الزبده العادي... و يكون هذا الاصبع عباره عن كم جرام ...و اذا ممكن اشوف صورته


و بعد وايد اسمع عن خميره الفوريه .....انا اعرف الخميرا العاديه الى تنحط في الخبز و المعجنات ...شو الفرق بينها و بين الخميره الفوريه .. و اذا ما عندي شو البديل لها هل هو الخميره او الباكن بودر


و بعد عن طحين ذاتي التخمير ...شو هذا ...هل هو عباره عن طحين يجي جاهز مع خمير او باكن بودر...و اذا ما عندي اقدر استخدم الطحين العادي و انا احط في خميره او باكن بودر


مممم هذي كل الاسئله الى اتذكرها لين الحينه ...و اذا تذكرت سؤال ثاني بقول لكم اذا ما عندكم مانع و اذا ما مليتوا من كثر اسالتي ...و اذا شي ما فهمته و انا اجول و اصول في ربوع المنتدى برجع بسالكم


بس استحملوني شوي شوي علي لين ما اصير طباخه و ربت بيت معتبره

:cook:
11
10K

يلزم عليك تسجيل الدخول أولًا لكتابة تعليق.

تسجيل دخول

ديـــــراوية
ديـــــراوية
بجاوبك عن اللي فهمتة بالنسبة للصبع الزبدة عن نفسي فهمتها انها هي اللي اصغر حجم وتكون 113 غرام
ان شاءالله هي قصدهم
والخميرة الفورية اللي ما تكون حبوب مدورة وبسرعة تخمر لك العجين
لان الخميرة العادية تكون حبوب مدورة شوي والفورية تكون ناعم شوي عن الخميرة العادية
والخميرة العادية ما تخمر بسرعة زي الخميرة الفورية وعلى ما اضن عشان كذا اسمها فورية واسمها برضوة خميرة بيرة
والخميرة العادية بالعادة تكون في علب حديد والفورية في اكياس بلاستيك

على العموم انا تفلسفت عليك وان شاءالله فادتك فلسفت
وهذا اللي قدرت اقولة واعرفة لكي

وان شاءالله البنات يفيدوكي
marmora
marmora
مشكوووووره اختي ديـــــراوية

ان شاء الله يردون علينا البنات و ياكدون على اصبع الزبده صح الي فهمتيه و لا

و مثل ما فهمت منج ان الخميره الفوريه و الخميره العاديه نفس الشو تقريبا بس يختلفون بالشكل شوي و الفوريه موفعولها اسرع ....انا عندي خميره حبيباتها طويله شوي هل هذي العاديه و لا ...الفوريه ...

و بعد بنتظر ردود باقي البنات علشان يفيدونا كلنا ....و خااااصه المبتدأين من امثالي

:27:
بنــ أبويه زايد ــت
مرحبا ..

بالنسبه لخبرتي في الطبخ ..

من كثر ما أشوف أصبع زبده قدرته مثل ما قدرته الأخت ديـــــراوية ..

و الخميرة الفوريه هو مثل ما قالت الأخت ديـــــراوية هي حبوب ناعمه مو مدوره ..

أما الطحين الذاتي التخمير .. هذا تلاقينه في أي سوبر ماركت في أكياس مكتوب عليها ذاتية التخمير ..Self Raising Flour ..

و ممكن تعملينه إذا ما كان متوفر باضافة 4 ملاعق صغيره باكنغ باودر لكل 3 أكواب طحين ..







و طبعا هو فيه عدة أشكال عن الصورة ..


تحياتي ..:27:
دلوعه2
دلوعه2
شوفي حبيبتي
أصبع الزبده = 113.5 جم يعني الزبده العاديه وتعادل نصف كوب (هذا من ملف عزيزه للبسكويت)
والخميره في ثلاث أحجام الكبيره في الكيس والمتوسطه في العلبه والصغيره بأكياس صغيره
ومن خبرتي اللي حاصت ولاصت ليما ضبطت المعجنات الحمدالله أنه الكبيره أفضل لأنه ما طلع ريحه وتحطينها بعلبه وفي الفريزر تخزنينها
والطحين ذاتي التخمير ما قصرت بنت زايد
وأرجو اني أفتج
marmora
marmora
ديـــــراوية....بنــ أبويه زايد ــت....دلوعه2

اشكركم كلكم على ردودكم و اهتمامكم


شكرا مره ثانيه :26:

:27: