انا من الثامن كان الرحم متبطل 2 سم وعنق الرحم طري وعطوني ابرة الرئة علشان لا اولد والبيبي مو مكتمل , عبالهم بولد !!!
وكل هالهليلة وانا صدقت اني بولد قريب في المستشفى الحكومي يبون ينوموني ودكتورتي الخاصة تقولي قريبة ولادتج وخرعوني وانا صدقت نفسي وطلع كله عالفشوش :09:
الحمدلله عديت مرحلة الخطر على خير ولو اني زهقت وكان ودي لو اولد في الثامن خصوصا بعد ما عطوني ابرة الرئة وطمنوني اني حتى لو اولد خلاص البنت مكتملة انشالله
عموما كنت متحملة الالام والعذابات واهيا بالاساس اللي كانت السبب اني دخلت المستشفى في الثامن واكتشفوا اني متبطلة وعلى وشك ولادة بس عقبها والى ان دخلت التاسع وكأن شيئا لم يكن سبحان الله
كل الالام تقريبا اختفت او قلت مر اسبوع ومر اسبوعين وانا يوم الم فضيييييع لا يحتمل واروح المستشفى واسوي تخطيط ويقولون مو طلق ولادة بعده خفيف ويمر يوم ثاني وثالث ورابع ولي نهاية الاسبوع ماكو لا الم ولا هم يحزنزن شهالسالفة الغريبة !!! انا مو اول ولادة لي ولاني بجرية علشان كل هذا يصير :icon33:
ادري طولت عليكم بس تراني هذرية نوعا ما والله يعينكم بس بعيشكم الجو
طبعا زوجي لاعت جبده كل اسبوع تخطيط وسهر بالمستشفى وماكو شي بس كان فيه الم مو طبيعي من تحت أن شي يقص او كأن فيه غرز وايد من داخل والياهل تضغط عليهم براسها المهم انه الم مو محتمل وكلا اقولهم عنه يقولون يمكن لان الراس تحت والرحم فاتح لكن عنق الرحم صاير ورا الراس ومو راضي يي جدام
وصلت الى اني وين ما رحت ابي اتخلص من هالثقل يقولون لي عنق الرحم رايح ورا ودكتورتي انصحتني اشرب حلبة ( قالتلي حطي ترمس الحلبة وشربي كوب الصبح وكوب في الليل ) تقول انه يطري وييب عنق الرحم تحت !!
وفعلا هذا اللي صار , وهم بعد بفضل هالمنتديات ما خليت زعفران ولا دارسين ولا زعتر ولا تمر الا ما شربته او اكلته قلت انه بيحمي الطلق
للأسف حمى الماي بدال لا يحمي الطلق ( يايتكم على سالفة الماي انشالله ) :(
وفي يوم الاربعاء من الاسبوع الثاني في التاسع دكتورتي قالتلي بحاول اسوي توسعة واييب عنق الرحم جدام وماكو اليمعة انشالله الياهل بحضنج اذا ما ولدتي اليوم انا استانست وتحملت الالام اللي صارتلي من التوسعة مالتها وركبت سيارتي وانا غصب متحملة وقلت لا شكلي اليوم :09:
ولا ماكو بعدها بساعتين راح الالم عاد كلمتها يوم اليمعة وانا اقولها ما صار شي جان تقولي ليش مستعجلة على عمرج انشالله بييلج الطلق وخليه من الله طبيعي احسن لج وانا اقولها زين انا فيني الالام وايد بس لو تعطيني نص تحميلة الطلق الصناعي انا بولد واهيا ظلت تصبرني
وعقب ما سكرت منها الا انا واصلة حدي
وقلت حق زوجي خلاص قررت بولد عند وحدة ثانية والمشكلة هذي اللي بولد عندها محد مدحها لي بس سبحان الله توكلت على الله ورحت لها الاسبوع اللي ورا يوم الثلاثاء واستقبلتني ولو اني مو مراجعه عندها من البداية بس لاني مربحة مستشفاهم والدة عندهم مرتين
ماقدرت ترفض وبعدين وحدة يايتها جاهزة ومقشرة على قولتهم بس بتولد
ولا يحليلها ما قصرت فحصتني وقالت لي نفس كلام دكتورتي بس يوم قلتلها انا تعبت خلاص ما اقدر اطلع من البيت ولا انام ولا اسوي شي وابي اولد قالت لي تعالي الاربعاء بالليل وانا بولدج
وانا وزوجي ما صدقنا خبر والله ويوم الاربعاء زوارتنا لبيت عمي ( ابو زوجي ) وسبحان الله يوم الثلاثاء بالليل ييني طلق كل نص ساعة وصار كل ثلث ساعة والاربعا مستمر الطلق بس ما يتقارب
ولمن رجعت من الزوارة تسبحت وتعطرت وتدهنت دهن العود وتبخرت ونومت عيالي واخذت جنطتي ورحت وقلت لزوجي هالمرة ما ارد انا والجنطة بولد يعني بولد ولو طلعوني بقضب فيهم وما راح اطلع ( مسويتها فيه كم مرة )
:42:
وتوكلنا على الله والحمدلله اذكاري واورادي ومصفي معاي واقرا الزلزلة والكرسي ومريم وادعية الولادة
دخلت المستشفى للطوارئ وفحصتني الدكتورة وكانت هندية جان تقول 2 ونص والطلق مو قوي حييل اذا بيتج قريب روحي وتعالي اذا قوى الطلق
قلتلها لاا ما اطلع ودوني الغرفة انا ابي اتنوم اليوم عندكم انا بولد عادد كلمت دكتورتي في التلفون وقالت لها خلوها تروح الغرفة وانا بيي 9 الصبح اشوفها
وانا طالعة من الطوارئ والا اشوف اخوي سلمت علي وكان شكله محتاس قلتله عسى ما شر شيايبك المستشفى
تدرووون شطلع !!!
طلعت زوجته توها داخلة بتولد هه هه هه هه :arb:
وانا معاه ومع زوجي نسولف ولدت زوجته ويابت بنت الساعة 1 الفجر :icon28:
وطبعا خلصنا اجراءات الدخول وصعدوني الغرفة واخوي يقولي شكلج تعبانة وايد بس مو كأنج بتولدين اليوم قلتله الله اعلم
ورحت الغرفة وامي يتني ولبسوني لبس الولادة مادري ليش على طوول جذيه
المهم انا كنت شاربة حبة حلوة ويانسون قلت علشان يمشي بطني ولو اني ما كنت ماكلة وايد على العشا بس قلت احسن من الحقنة الشرجي البايخة تطلع الرووح ويوني حطولي التخطيط والنبض وعقبها قالتلي الدكتورة قالت نحطلج تحميلة علشان يجي طلق قوي قلت حطي
وخلصوا مني بس قبل لا يطلعون سألتها كم يبيلها علشان يبدي مفعولها
قالتلي ماراح يبدي قبل 3 ساعة
لمن اطلعت حسيت اني برووح الحمام وكانت الساعة 2 و10 دخلت الحمام وحسيت بثقل فيني من تحت طلعت بسرعة ولو اني حاسة اني ما خلصت وابي الحمام بعد
قلت لامي وكانت يايتني طلقة قوية ان الياهل تحت وبتطلع امي استغربت قامت تضحك اهيا وزوجي تقولي بسم الله توا يمه ماصار شي
وقلت لها انا حاسة بطلق قوي
المهم سدحتني امي وزوجي على السرير وعقبها عينكم ما تشوف الا النور خلال 10 دقايق بس من التحميلة وانا ماني قادرة اتحمل الالم الفضييييع وكانوا شايلين التخطيط عني
امي وزوجي اخترعوا شافوني اتلوى وامسك قضبات السرير واون حيييل وراحت نادت الممرضة
يتني الاخت واهيا تقولي ماما ماكو ولادة الحين نامي شوية نامي :angry2: :angry2:
قلت لامي مع اني بالعادة ما اسب بس هالمرة سويتها , قلتلها يمة خلي هذي ......... تروح وييبيلي فليبينية احسن ويتني فلبينية وقالتلي مدام انتي في عوار واجد قلتلها اييي حطيلي التخطيط وشوفي ويوم يحطونه ويت المسعدة الهندية معاها لقوا عندي طلق قوي عاد كانت الساعة 3 الا ربع وانا متحملة الالم القوي جان ينزلوني بسرعة الولادة ولفلفوني اي شي نص شعري طالع وانا اهاوشهم اقولهم غطو شعري( مع انه حزة فجر وتريبا المستشفى خالي ) وحتى امي وزوجي معاي بس مختبصين يوم اسمعوا انه فيني ولادة الحيين
نزلوني الولادة وفحصوني الساعة 3 بالضبط وقالتلي مدام انتي الحين ولادة انا بتصل على دكتورة مال انتي وانا من الالم اقولها بسرعة ولا اي دكتورة مو مشكلة وكمامهم اللي يحطونه على ويهي يصطل الوحدة بس الالم موجود وراحوا وخلوني بعد ما وصلوا الدرب في ايدي والاجهزة علي
وتقولي حطي كمام اذا في الم
الله والكمام مالهم كل شوي يفلت الراس من الهوز وانا معابله في عمري اركب الهوز بالراس وانا فيني الم ( يومها كان هوايل )
ويتني بسرعة الممرضة وعطتني ابرة في ايدي ومن وراها وانا مادري عن اي شي الى ان قعدوني واشوف فوق راسي ممرضتين وانا في العناية المركزة تقولي ماما خلاص انتي ولدتي ويجيب بنت مثل قمر زينة واجد مافيها شي ؟؟!!
قلتلهم شلون منو ولدني وين بنتي وما خليت سؤال ما سألته قالولي نامي الحين بكرى يعرف كل شي
طلع الحبل السري ملتف على رقبة البنت ونص وييها وطلعت البنت مختنقة مسكينة وويها في علامة على خدها لونها ازرق
وماي البطن كان ساخن حييل والدكتورة والممرضات يقولون لامي ليش ماي الراس ساخن شنو بنتك شاربة كان قتلت الجنين
الحمدلله الله ستر والحمدلله على كل حال بس لان الحبل كان ملتف اضطرت الدكتورة انها تشق شق طوييل ( من صوب الرحم الى صوب ...... )
والغرز ذبحتني من الالم وطبعا كل فترة النفاس على المسكنات القوية الى ان شالتلي الخيوط
وانتهت القصة بعد ما شفت فيونة الحلوة في الغرفة لاني ما شفتها حزة الولادة وكانت اول شوفة لها في موبايل زوجي مصورها:26:
اللهم اني اسألك الاجر وان تحفظ لي بناتي من شرور الشياطين وتصلحهم وبنات وابناء المسلمين اللهم اميين
sara 777 @sara_777
عضوة فعالة
يلزم عليك تسجيل الدخول أولًا لكتابة تعليق.
آههههههههههههههههههههههههه والله انى تعبت معاكى اختى شكلك موتبهذلت قليلة الكلمة على الى شفتية الله يعيننا احنا الحريم والله انى ميتة خوف من الولادة وانا لسة بكرية ماجربت ولا شفت شى الله المستعان بس
عيوني انحولت وانا اقرء ياريتني انتتبهت لرد ام الحبيب اول خخخخخخخخخخ
حمد لله علي سلامتك ياعسل وسلامه بنوتتك ايش سمتيها
<== انضمت لحزب الملقوفات خخخخخخ
حمد لله علي سلامتك ياعسل وسلامه بنوتتك ايش سمتيها
<== انضمت لحزب الملقوفات خخخخخخ
عيوني انحولت وانا اقرء ياريتني انتتبهت لرد ام الحبيب اول خخخخخخخخخخ حمد لله علي سلامتك ياعسل وسلامه بنوتتك ايش سمتيها <== انضمت لحزب الملقوفات خخخخخخعيوني انحولت وانا اقرء ياريتني انتتبهت لرد ام الحبيب اول خخخخخخخخخخ حمد لله علي سلامتك ياعسل...
واحذروا اخواتي من شرب محرضات الولادة قبل لايجي طلق
بالذات القرفه(الدارسين)لانها تحمي الطلق بس ماتساعد على
فتح الرحم بالعكس تشده وترفعه لفوق
بالذات القرفه(الدارسين)لانها تحمي الطلق بس ماتساعد على
فتح الرحم بالعكس تشده وترفعه لفوق
الصفحة الأخيرة
قصتك مثييييييييييرة جدا
الله يكتب أجرك
والحمد لله على سلامتك ,,بس وش اسم بنتك من غير تدليع !!!!
واسمحيلي أكبر موضوعك شوي لأني ما عرفت اقرأه إلا بهالطريقة
انا من الثامن كان الرحم متبطل 2 سم وعنق الرحم طري وعطوني ابرة الرئة علشان لا اولد والبيبي مو مكتمل , عبالهم بولد !!!
وكل هالهليلة وانا صدقت اني بولد قريب في المستشفى الحكومي يبون ينوموني ودكتورتي الخاصة تقولي قريبة ولادتج وخرعوني وانا صدقت نفسي وطلع كله عالفشوش
الحمدلله عديت مرحلة الخطر على خير ولو اني زهقت وكان ودي لو اولد في الثامن خصوصا بعد ما عطوني ابرة الرئة وطمنوني اني حتى لو اولد خلاص البنت مكتملة انشالله
عموما كنت متحملة الالام والعذابات واهيا بالاساس اللي كانت السبب اني دخلت المستشفى في الثامن واكتشفوا اني متبطلة وعلى وشك ولادة بس عقبها والى ان دخلت التاسع وكأن شيئا لم يكن سبحان الله
كل الالام تقريبا اختفت او قلت مر اسبوع ومر اسبوعين وانا يوم الم فضيييييع لا يحتمل واروح المستشفى واسوي تخطيط ويقولون مو طلق ولادة بعده خفيف ويمر يوم ثاني وثالث ورابع ولي نهاية الاسبوع ماكو لا الم ولا هم يحزنزن شهالسالفة الغريبة !!! انا مو اول ولادة لي ولاني بجرية علشان كل هذا يصير
ادري طولت عليكم بس تراني هذرية نوعا ما والله يعينكم بس بعيشكم الجو
طبعا زوجي لاعت جبده كل اسبوع تخطيط وسهر بالمستشفى وماكو شي بس كان فيه الم مو طبيعي من تحت أن شي يقص او كأن فيه غرز وايد من داخل والياهل تضغط عليهم براسها المهم انه الم مو محتمل وكلا اقولهم عنه يقولون يمكن لان الراس تحت والرحم فاتح لكن عنق الرحم صاير ورا الراس ومو راضي يي جدام
وصلت الى اني وين ما رحت ابي اتخلص من هالثقل يقولون لي عنق الرحم رايح ورا ودكتورتي انصحتني اشرب حلبة ( قالتلي حطي ترمس الحلبة وشربي كوب الصبح وكوب في الليل ) تقول انه يطري وييب عنق الرحم تحت !!
وفعلا هذا اللي صار , وهم بعد بفضل هالمنتديات ما خليت زعفران ولا دارسين ولا زعتر ولا تمر الا ما شربته او اكلته قلت انه بيحمي الطلق
للأسف حمى الماي بدال لا يحمي الطلق ( يايتكم على سالفة الماي انشالله )
وفي يوم الاربعاء من الاسبوع الثاني في التاسع دكتورتي قالتلي بحاول اسوي توسعة واييب عنق الرحم جدام وماكو اليمعة انشالله الياهل بحضنج اذا ما ولدتي اليوم انا استانست وتحملت الالام اللي صارتلي من التوسعة مالتها وركبت سيارتي وانا غصب متحملة وقلت لا شكلي اليوم
ولا ماكو بعدها بساعتين راح الالم عاد كلمتها يوم اليمعة وانا اقولها ما صار شي جان تقولي ليش مستعجلة على عمرج انشالله بييلج الطلق وخليه من الله طبيعي احسن لج وانا اقولها زين انا فيني الالام وايد بس لو تعطيني نص تحميلة الطلق الصناعي انا بولد واهيا ظلت تصبرني
وعقب ما سكرت منها الا انا واصلة حدي
وقلت حق زوجي خلاص قررت بولد عند وحدة ثانية والمشكلة هذي اللي بولد عندها محد مدحها لي بس سبحان الله توكلت على الله ورحت لها الاسبوع اللي ورا يوم الثلاثاء واستقبلتني ولو اني مو مراجعه عندها من البداية بس لاني مربحة مستشفاهم والدة عندهم مرتين
ماقدرت ترفض وبعدين وحدة يايتها جاهزة ومقشرة على قولتهم بس بتولد
ولا يحليلها ما قصرت فحصتني وقالت لي نفس كلام دكتورتي بس يوم قلتلها انا تعبت خلاص ما اقدر اطلع من البيت ولا انام ولا اسوي شي وابي اولد قالت لي تعالي الاربعاء بالليل وانا بولدج
وانا وزوجي ما صدقنا خبر والله ويوم الاربعاء زوارتنا لبيت عمي ( ابو زوجي ) وسبحان الله يوم الثلاثاء بالليل ييني طلق كل نص ساعة وصار كل ثلث ساعة والاربعا مستمر الطلق بس ما يتقارب
ولمن رجعت من الزوارة تسبحت وتعطرت وتدهنت دهن العود وتبخرت ونومت عيالي واخذت جنطتي ورحت وقلت لزوجي هالمرة ما ارد انا والجنطة بولد يعني بولد ولو طلعوني بقضب فيهم وما راح اطلع ( مسويتها فيه كم مرة )
وتوكلنا على الله والحمدلله اذكاري واورادي ومصفي معاي واقرا الزلزلة والكرسي ومريم وادعية الولادة
دخلت المستشفى للطوارئ وفحصتني الدكتورة وكانت هندية جان تقول 2 ونص والطلق مو قوي حييل اذا بيتج قريب روحي وتعالي اذا قوى الطلق
قلتلها لاا ما اطلع ودوني الغرفة انا ابي اتنوم اليوم عندكم انا بولد عادد كلمت دكتورتي في التلفون وقالت لها خلوها تروح الغرفة وانا بيي 9 الصبح اشوفها
وانا طالعة من الطوارئ والا اشوف اخوي سلمت علي وكان شكله محتاس قلتله عسى ما شر شيايبك المستشفى
تدرووون شطلع !!!
طلعت زوجته توها داخلة بتولد هه هه هه هه
وانا معاه ومع زوجي نسولف ولدت زوجته ويابت بنت الساعة 1 الفجر
وطبعا خلصنا اجراءات الدخول وصعدوني الغرفة واخوي يقولي شكلج تعبانة وايد بس مو كأنج بتولدين اليوم قلتله الله اعلم
ورحت الغرفة وامي يتني ولبسوني لبس الولادة مادري ليش على طوول جذيه
المهم انا كنت شاربة حبة حلوة ويانسون قلت علشان يمشي بطني ولو اني ما كنت ماكلة وايد على العشا بس قلت احسن من الحقنة الشرجي البايخة تطلع الرووح ويوني حطولي التخطيط والنبض وعقبها قالتلي الدكتورة قالت نحطلج تحميلة علشان يجي طلق قوي قلت حطي
وخلصوا مني بس قبل لا يطلعون سألتها كم يبيلها علشان يبدي مفعولها
قالتلي ماراح يبدي قبل 3 ساعة
لمن اطلعت حسيت اني برووح الحمام وكانت الساعة 2 و10 دخلت الحمام وحسيت بثقل فيني من تحت طلعت بسرعة ولو اني حاسة اني ما خلصت وابي الحمام بعد
قلت لامي وكانت يايتني طلقة قوية ان الياهل تحت وبتطلع امي استغربت قامت تضحك اهيا وزوجي تقولي بسم الله توا يمه ماصار شي
وقلت لها انا حاسة بطلق قوي
المهم سدحتني امي وزوجي على السرير وعقبها عينكم ما تشوف الا النور خلال 10 دقايق بس من التحميلة وانا ماني قادرة اتحمل الالم الفضييييع وكانوا شايلين التخطيط عني
امي وزوجي اخترعوا شافوني اتلوى وامسك قضبات السرير واون حيييل وراحت نادت الممرضة
يتني الاخت واهيا تقولي ماما ماكو ولادة الحين نامي شوية نامي
قلت لامي مع اني بالعادة ما اسب بس هالمرة سويتها , قلتلها يمة خلي هذي ......... تروح وييبيلي فليبينية احسن ويتني فلبينية وقالتلي مدام انتي في عوار واجد قلتلها اييي حطيلي التخطيط وشوفي ويوم يحطونه ويت المسعدة الهندية معاها لقوا عندي طلق قوي عاد كانت الساعة 3 الا ربع وانا متحملة الالم القوي جان ينزلوني بسرعة الولادة ولفلفوني اي شي نص شعري طالع وانا اهاوشهم اقولهم غطو شعري( مع انه حزة فجر وتريبا المستشفى خالي ) وحتى امي وزوجي معاي بس مختبصين يوم اسمعوا انه فيني ولادة الحيين
نزلوني الولادة وفحصوني الساعة 3 بالضبط وقالتلي مدام انتي الحين ولادة انا بتصل على دكتورة مال انتي وانا من الالم اقولها بسرعة ولا اي دكتورة مو مشكلة وكمامهم اللي يحطونه على ويهي يصطل الوحدة بس الالم موجود وراحوا وخلوني بعد ما وصلوا الدرب في ايدي والاجهزة علي
وتقولي حطي كمام اذا في الم
الله والكمام مالهم كل شوي يفلت الراس من الهوز وانا معابله في عمري اركب الهوز بالراس وانا فيني الم ( يومها كان هوايل )
ويتني بسرعة الممرضة وعطتني ابرة في ايدي ومن وراها وانا مادري عن اي شي الى ان قعدوني واشوف فوق راسي ممرضتين وانا في العناية المركزة تقولي ماما خلاص انتي ولدتي ويجيب بنت مثل قمر زينة واجد مافيها شي ؟؟!!
قلتلهم شلون منو ولدني وين بنتي وما خليت سؤال ما سألته قالولي نامي الحين بكرى يعرف كل شي
طلع الحبل السري ملتف على رقبة البنت ونص وييها وطلعت البنت مختنقة مسكينة وويها في علامة على خدها لونها ازرق
وماي البطن كان ساخن حييل والدكتورة والممرضات يقولون لامي ليش ماي الراس ساخن شنو بنتك شاربة كان قتلت الجنين
الحمدلله الله ستر والحمدلله على كل حال بس لان الحبل كان ملتف اضطرت الدكتورة انها تشق شق طوييل ( من صوب الرحم الى صوب ...... )
والغرز ذبحتني من الالم وطبعا كل فترة النفاس على المسكنات القوية الى ان شالتلي الخيوط
وانتهت القصة بعد ما شفت فيونة الحلوة في الغرفة لاني ما شفتها حزة الولادة وكانت اول شوفة لها في موبايل زوجي مصورها
اللهم اني اسألك الاجر وان تحفظ لي بناتي من شرور الشياطين وتصلحهم وبنات وابناء المسلمين اللهم اميين