مية فل2
مية فل2
النظافة اهم شي مو شرط الاثاث الجديد


حطي لمساتك الخاصة في البيت وزينيه باشياء متوفرة عندك مثل الشالات والشموع

اذا ما عندك ترا حتى محلات ابو ريالين تلاقي اشياء مميزة وما احد يصدق انها منها <<<<< اسالي مجرب

اهم شضي الذوق والنظافة والريحة الحلوة

خلي كل شي يلمع ابداي من جوا الى داخل
وجهزي المكان الي بينامون فيها ورتبيها ونظفيها وجهزي الشراشف وغسليها وكويها زين

الاكل لاتحوسين روحك فيه وتكلفي على زوجك

الاجبان والنواشف هالايام سعرها غير وتقديمها عادي

انصحك تشكلين
يوم اطبخي فول مثلا مع عدس وتفنني فيه خليه على وشه مثلا او او في طبخات كثيرة

اذا تبين من العلب او احسن لك عشان الكية كبيرة اشتري كيلو فول مجروش ما باخذ وقت في الطبخ

يوم ثاني تفنني باطباق البيض شكشوكة على عجة اسبانية او بيض مخفوق بالسكر او شكشوكة عدني

يوم ثاني سوي كبدة غنم او حاشي مثلا
غيره مطبق اشتري سبرنغ انا اسويه بشرائح السبرنج رول

مثلا يوم سوي فطاير بانكيك ما يبيلها غير طحين وسكر وحليب وزيت
وغيره كثير
الغداء
تبلي اللحم والدجاج من الليل بعد ما ينامون واذا بتسوين لحم حطيه في الفرن من الصبح وخليه يستوي على راحته الى موعد الغدا

العشا
اذا تقدرين مثل ما قالو البنات تفرزين اشياء من الحين مثل سمبوسة وبيتزا وهالاشياء

لا تحاتي التعب اكيد الي يبزوروكي راح يساعدوك وانت عطيهم المجال عشان يحسون انهم في بيتهم

بس انتبهي على الميانه الزايدة يعني مثلا غرفتك خااصة لك
انتبهي انوا العشرة الطويلة تسبب زلات اللسان فانتبهي واشغلي نفسك بسرك بالاستغفار وذكر الله عشان ما تخطئين في غيرك

الله يساعدك على العيال اذا كان فيه
بس حاولي تبعدي اي شي ينكسر او خطر اذا سوا شي حاولي تكلميهم بهدوء وبدون توبيخ لايزعلوا الامهات بس دائما عطي الام الفرصة كذا مرة اذا ما ادخلت الام تكلمي اني بشويش وبينك وبين الطفل عشان ما ينحرج

قبل لايجون حاولي تشتري خضار وفواكه وعصيرات في الثلاجة الي تقدرين عليه والي تحتاجيه لمدة لاتزيد عن اسبوع لاتكثري
ا
عشان ما تخترب

بعدين اذا احتجت جيبي غيرهم

عشان ما تتبهدلين كل يوم
اكتبي قائمة من الان بالي راح تطبخينه يوميا وجيبي اغراضه على الاقل حق او الايام وما فيها شي في الايام الثانيه اهله يساعدون في المقاضي يعرفون وضع زوجك والاكل لهم قبل كل شي وهم في بيت اخوهم مو غريب

اهم شي ابو وام زوجك حطيهم على راسك
ابداي بهم في كل شي واساليهم عن الي يفضلون وسويه يبون ملح اقل بدون بهارات .........اهم شي هم

اي طبخة تحتاجينها احنا في الخدمة

ان شا الله تستانسون