حمله اكل اروع لصحه افضل...............

السلام عليكم ورحمه الله وبركاته
اخواتى فى الله
انا عضوه جديده معاكم فى المنتدى ولكن انا متابعه المنتدى من زمان
والحمد لله سجلت اخيرا ولى الشرف انى انضم ليكم
انا بحب ادخل قسم الطبخ اوى لانى بصراحه بتعلم الطبخ يعنى مبتدأه وطبعا اتعلمت بصراحه حاجات كتيره اوى منكم
وطبعا كل واحده تحاول تتفنن فى عمل اشهى والذ المأكولات لتنال اعجاب:arb: واعجاب كل الناس
وعندنا مثل فى مصر بيقول اقصر طريق لقلب جوزك معدته
وبعد فتره من الوقت تلاقى :arb: ما شاء الله تخن وانتى تتركى قسم الطبخ وتتجهى الى قسم الرجيم
والنفسيه طبعا فى الارض والعيال الضحيه
ليه كل ده لاننا بصراحه بنحاول نتفنن فى التحمير ووضع الزيوت والسمن والباشميل والكريمه فى اطباقنا
وطبعا لازم كل سفره يكون عليها بطاطس محمره وسلطه طحينه ومخلل كده يعنى جنب الاكل بداعى وبدون داعى
وبعد الاكل لازم طبعا ناكل الحلوووووووووووووووووووووووووووووو
وفى الصيف ما احلى الايس كريم والفروت سلاط اممممممممممممممممممممممممممممم
وطبعا مخبيش عليكم العيال بيكون عندهم سمنه مبكره من طريقتنا
طبعا انتوا مليتوا منى وبتقولوا دلوقتى اختصرى وهاتى من الاخر
انا بصراحه نفسى نعمل ملف من الاكلات الخفيفه الصحيه
واكيد دلوقتوا بتقولوا طيب ليه مفتحتيش موضوعك فى قسم الرجيم
لانى انا عايزه طريقه اكلى والاكلات اللى بعملها تكون خفيفه على المعده وفى نفس الوقت تلاقى رضا من اللى بياكلها ويشكر فيها ويقول عليا ست بيت شاطره
ايه رأيكم فهمتونى ولا لسه
يعنى كل واحده فينا تدخل تكتب اكله بتعملها طعمها رائع وفى نفس الوقت خفيفه
او مثلا تكتب طريقتها فى الباشميل الخفيف اللذيذ
او المسقعه اللى جوزها كل يوم يطلبها منها وخفيفه جدا:2thmup:
والحلى اللى العيال بيموتوا فيه ولا يتخن
كل ده علشان نحافظ على اطفالنا وازواجنا من السمنه وتكون صحتهم افضل
وطبعا من غير ما يأثر على الطعم
يارب يكون الموضوع عجبكم
ولو معجبكوش خلاص اعتبروه ملغى ولا تردوا:44:
والسلام عليكم ورحمه الله وبركاته