كلنا في البدايةكذا مانعرف شي بس مع الوقت تتعلمي

ما شاء الله المنتدى به كثير من الاطباق يمكنك الاستفادة منها حتى القهوة في طريقتها واذا كتبت في جوجل اسم طبخة وبحثت تطلع لك طرق كثيرة لا تحتارين بالتريج اتبعي الاسهل وعادي كنا لما تزوجنا نسال كل مرة نشوف طبخة حلوة كنت اطلب طريقتها واكتبها في نفس الوقت ودايما شالي الي ترتاحين لها عن كل تفاصيل الطبخة مثلا الوالدة او اختك او صديقة او حتى زوجة حماك

مررررحبآ,,,,, توني باقي ماكملت سنه زواج وهذاني أحوس وأحوس...لأني كنت أدرس يوم اني عند أهلي ولا أفضى للطبخ..
وقبل ما أتزوج سويت ملفات ونزلت طبخات وحلويات ومقبلات وصرت أطبق بعد الزواج وألتزم بالمقادير تمامآآآآ ...ولابد من أوقات أغلط فيهااا...والحمدلله تعلمت كثيييييير...بالنسبه وش تشترين من السوبر ماركت..(ماعرفت وش تبين بالضبط)..لكن بقولك طريقتي..بالحلآ...أشوف وش بسوي وأكتب طلباتها بورقه وأشتريها (طبعآ أنا في المشوار الواحد أشتري مقدار مايكفيني ل6 أو 10أصناف حلى وأحيانآ شهر..)
بالنسبه للرز لا تكثرين مويه ...مثلآ ارز بسمتي (العيش) بالعاده المويه تكون أقل من الأنواع الأخرى مثل ابو بنت وغيره :
ارز بسمتي مقدار كاس ,,تكون المويه كاستين فقط وحسب قدرك والحراره اذا طلع الرز ناشف بزياده زودي مويه وشووووية ملح وفي المره الجايه حطي هذي الزياده في الحسبان...ومع الوقت بتعرفين وش الخطأ...ان شاءالله أكون أفتدك ,,,وأي سؤال اانا حاااااضره عالخاص أو اذا تبينا نتعلم مع بعض ...دعوااااتك..:)

عادي ياحبيبتي حتى انا اول ماتزوجت مااعرف اسوي شي
بالنسبه للقهوه انا عن نفسي اطحن 2 فنجان بن مع فنجان هيل واحطهم في الابريق مع شوي زنجبيل مطحون واذا عندك من الخلطه القصيميه الجاهزه حطي نص ملعقه وممكن ذرة كوفي ميت خليها تقلب على النار شوي يعني تقريبا 5 دقايق
وصفيها في الترمس
والاكلات الثانيه شوفي الاسهل لك وجربيه ومع الايام يدك راح تتعود على الطبخ صدقيني
وبالنسبه للمقاضي انا الزق ورقه على الثلاجه كل مانقص شي ولا احتجت شي كتبته واشيل الورقه معاي للسوبر ماركت
وسيبيك من الاجهزه الكبيره اهم شي عندك خلاط وفرامه ومضرب كهربائي خلاص هاي هي تقريبا المهمه
ولاتجعلي للياس عليك طريق

عادي يا قمر مع الاستمرار والمحاولات تصيرين طباخة بس في البداية اعتمدي على كتاب طبخ سهل والتزمي بالمقادير والطريقة وكل شي يصير تمام كلنا بدينا من الصفر وفي حل ثاني احنا عندنا دورات طبخ بالكويت مدتها 3 ايام تتعلمين كل يوم 3 طبخات وحلو وسلطات ان شاء الله يكون عندكم هذي الدورات واذا ما قدرت تحصلين دورة التزمي بكتاب طبخ ما في مجال للخطا والعلم بالتعلم