السلام عليكم
الحمدلله على كل حال مشكلتي مع زوجي عويصه شوي وابي منك النصح والارشاد يااخياتي في الله زوجي له فتره منقلب علي انقلاب كلي يخفي عني اسراره مايعلمني بشي حتى اخته والده ماعلمني اخوه سافر برا مادريت ابوه يمرض ماادري تخيلتوا اشياء اظن انها مهمه مولقافه لكن من باب الوصل والاحترام اني اتحمدلها بالسلامه صح
تعرفون وشلون احس اني عايشه مثل الاطرش في الزفه ماادري عنه ابد غالبا خارج البيت والله مايضحك في وجهي ابد مكشر دايم ويتصيد علي الزله كلمه حلوة ابد ماافيه اذا اشترى شي للبيت وشكرته قال مو عشانك عشان عيالي حتى صار يحرمني من الروحات واهلي ياناس صار يحرمني منهم يقول معاد فيه الامره وحده بس الشكوى لله مااتتخيلون ابد معاناتي معاه هذا غير الكلام الجارح الي اسمعه والسب والشتم ولاهو عاجبه اي شي احسه يكرهني كره فضيع ليه ماادري لاتجلسون تقولون لي نصايح كل شي سويته تعبت معاه بس ابي اقول لكم موقف امس صار هل يستاهل انه يزعل هالزعل ولالا هو طبعا مستحيل يرضى يومين ورى بعض دايم زعلان دق علي امس على غير العاده وقال بروح اشتري سمك وبمر اخذك صحيح ماكان لي خاطر اروح ابد بس قلت يالله لاتصيرين نكد وجلست انتظره وطفشت تاخرعلي ساعه يمكن واسمع صوت امه معاه عاد امه مررررررررره تموت فيني استغفرالله بس الله يحسن خاتمتي ويكفيني شر كل من لااطيق شره المهم وانزل واركب السيارة واسلم ورح عاد يودي امه لبيتهم كان موديها بس مدري وين احس سوق او شي واحنى نتكلم بغينا نصدم عاد هو شاري سياره كبيرة تخيلو شاريه اسبوع كل العالم درت الا انا الشكوى لله بس المهم جلس يسب ويشتم في راعي السياره قلت انا ياحليل سيارتنا الصغيره القديمه حسافه يوم بعتها قال بعتها لانها مثلك قلت له ايه انت ماتبيع الا الحبايب بس وشوي قالت امه والله قهر يومنه باعها اجل بايعها 10000بس وهي توسى اكثر من كذا قلت انا بلاه مقرود وتسولف امه شوي بعد ماامضى دقيقة يمكن التفت علي وقالي انا مقرود هنا حسيت انه بيسوي شي قلت اقل شي بيسويه بيرجعني للبيت وسكت معاد قلت اي كلمه ويروح يودي امه لبيتها ويرجعني لشقتي وتافخ خشته عاد انا معطيته وجه انا مررررررررررره حايمه كبدي منه اخواتي هل الكلمة الي قلتها تستحق هذا تكفون ياحوائيات انا ودي اسال سؤال او ياليت وحده اذا تعرف موقع يفتوني فيه بسرعه تعطيني اياه هو دايم كذا زعلان مايرضى ابد مطين عيشتي حسبي الله ونعم الوكيل وكنت اول احاول اراضي لوجه الله عشان ربي بس لكن الحين يغلط علي ويلعني ويسب وصرت اكرهه كره العمى من تصرفاته فاخاف اموت وربي مايرضى علي وش الحل مع هذا الي دايم زعلان ساعدوني وادعي لكم في دبر صلاتي يااخواتي
nnnnorah1 @nnnnorah1
محررة
يلزم عليك تسجيل الدخول أولًا لكتابة تعليق.
أم عـــناد
•
مادري الله يصبرك بس حاولي انك تتقربي منه واحيانا تتغيري عليه مره حبيه ومره احرميه يمكن يتحسن معك اذا فقد شي منك بس لاتغلطين عليه والكلمه اللي قلتيها ماعرف اذا تزعل او لا بس ماقدر اقولها لزوجي وانتي قلتيها قدام امه صعبه شوي بس الله يسخره لك
الله يخليك لعين ترجيك يااختي ويسخرلي هالرجال وينتزع الشر والكراهيه والحقد الي في قلبه ويبدلها محبه ورحمه وطيب وكرم لي ولعيالي آمين يارب
والله الاشكال هذى دواها السفه يقومى بشغلك تام وعطيه حقه بس لعادتهتمين منه هو فى راسه شى
الصفحة الأخيرة