دامك موظفه لاتقعدين ف حراه خليه يولي
حسسيه انك مستغنيه عنه و مو بحاجته وان حياتك احلا بدونه
الاحساس هذا بيخليه يموت قهرر

ياختي ليش ماقلتي له يكتبها باسمك
ليش باسم عيالك
انتي وش موقعك من الاعراب ؟
جايبة له عيال وسند وآخر شئ تتنازلين عن حقوقك
غيري رأيك ولا عليك منه
بكل قوة قوليله اكتب الفلة باسمي ومحد بيورثني الا انت وعيالك
وحقوقي من مبيت ونفقة ماني متنازلة عنها وانت وذمتك امام الله

تراكي فرحتيه بتنازلك عن كل شئ
خليه يجي يبات عندكم عشان عيالك وقدامهم لو ان شاء الله بالمجلس ينام اسمه ابوهم ويحسون فيه
وعشان هو مايلغي ارتباطه في عياله وغصب عنه يداريهم

كويس عمرك 35 ، توك صغيرة ويمديك تجربين الوضع عجبك كملتي ماعجبك تطلقتي
الفيلا وبيكتبها لعيالك
وانتي جمعي من راتبك عشان لما تنزل اسعار العقارات تشترين لك بيت او حتى دبلكس اقساط
او حتى عماره تأجرينها
فكري في نفسك الحين أمني نفسك ماديا ، لا تعتمدين فقط على راتب ينزل لك كل شهر
امني نفسك ، الرجال ماله امان ، وماتدرين يمكن بيوم وليله يقولك باسكنها معك

+ كشري عن انيابك
اطلبي منه الاشياء اللي كان يرفضها ، وعيشي مستقله ولا كأنك متزوجة
وانتي اصلا وضعك الآن مو وضع وحده متزوجة
مادري ليش من الاساس طلبتي يكتب البيت للعيال ويروح؟ ليش ماطلبتي يطلق؟
انتي وضعك وضع معلقه ، هو بكل الاحوال ماراح تشوفينه
يجي للمجلس يشوف عياله ويطلع
انتي مايبيك حتى لو كلامه حلو ، افعاله واضحة

عموما انتي في فترة صدمة الآن
الجأي لله ، الله بيجبر خاطرك وبيريح قلبك وبيرشدك للطريق الصحيح
اكثري من الصدقة واكفلي يتيم ، وادعي لنفسك ولعيالك وتحري اوقات الاستجابة
وتقربي لله بالنوافل ، الصيام بالايام البيض او الاثنين والخميس ، والوتر والضحى
وخففي من ذنوبك

لما تتقربين لله خلاص تحسين الحياة كلها تتسهل لك
وتحسين انك مهما خسرتي اشياء ماتحزنين عليها حزن قوي
تشوفين الحياة حلوه وان الخسارات اشياء تافهه وسهل جدا تتعوض وماتستاهل الحزن والزعل

الله يهون عليك ويكون الجاي خير لك ولعيالك

الله يصلح حالك ويفرج همك
ويصلح عيالك فيهم الخير والبركه
انشغلي بوظيفتك وبنفسك
الله يسعدك يارب

اختي الناس ما راح تسكت بزواج وبغيره لو جلسنا نفكر في كلامهم كان متنا من زمااااان اهم شي حقوقك تسرعتي في التنازل عنها هو يسوي معاك كذا يضغط عليك وترا في ثنايا كل محنه منحه انا تزوج عليه يبغى عيال والناس طلعو كلام ونزلو وانا بغيت اموت وقتها وصحيت لنفسي ومعي وظيفه اقسم بالله الفرج جاء من الله لما فوضت امري لله لان العيب كان منه لكن ربك كريم رزقني ببيت وماكان عندي الا غرفه حملت بفضل الله وخلفت اطفال وراء بعض ووظيفتي الحمد لله وضعي اكثر من ممتاز فيها انتي لاتفكرين في الناس فكري في نفسك وعيالك قوي صلتك بالله وربي راح يرزقك الاستقرار النفسي قبل اي شي وكلي امرك له عز شأنه ولا تنهارين ابد خليك قويه بالله