حبيبتي لا تشكين في زوجك لانه راح تصير مشاكل ما لها داعي أنا عن نفسي زوجي احياناً يقول ما احب أحد يتعبث في تلفوني يعني شيء طبيعي لا تخافين أما سفر يمكن فعلاً اصاحبه وبعدين لو أن في شيء مثل ما قلت كان ماقال لك كعدي معاي على كمبيوتر كان قال لك قومي أبي أكلم ربعي خلج واثقه من زوجج .

الله يعينك اختى

ابعدي عن الشك لآن الشك ايدمر البيت ويخليك انتى بصوب وريلك بصوب حاولي اتخلينه يفكر فيكي يعنى لا تبينين شعورك وخليكي مثل اللغز بالنسبه له يعنى يوم بيرد مثلاً:

بيكون متوقع انك اتحاسبينه بالعكس اصدميه انك كوني بكامل اناقتك ولا تعطينه فيس وضحكي عادي وتغشمري ولا كأنه فى شي صدقينى انه بيموت يبايعرف انتى شو فيك ؟؟؟؟

ولا تسألينه ابداً عن السفر خلى الموضوع وكأنه مافى شي انا ادري انه صعب عليك بس والله ما تتخيلين كيف هذه الطريقه تنفع معاهم

يعنى مثل ما اهو محيرنك انتى حيريه خلي يسال نفسه هذه الحرمه شو فيها متغيره واذا سألك:

قولي له ما فى شي وعيشي حياتك عادي واذا غلط بيغلط حق عمره
ولا تعبين نفسك مافى شي فى هذه الدنيا يستاهل ان الواحد يزعل عليه

والله يخليكم حق بعض

تصرفاته توحي بأنه يتصرف بتلقائيه و في نفس الوقت يريد يكون له بعض الخصوصيه ....مش عشان يغلط لكن عشان يتنفس الحريه(((و هذا عند الجميع حريم و رجاجيل)))


للعلم...حتى شرعا يفضل ان الرجل يستأذن قبل الدخول على أهله(((حتى لو كان شاك ان معها رجل))) احتراما و حفظ للخصوصية

و تذكري حبيبتي من تتبع عورة مسلم تتبع الله عورته

يعني اتركيه و ربه اذا يبغى يعصيه ربي كفيل فيه ان حب يستره و يتوب عليه و الا ربي يعمل ما يشاااااء

و انتي عليكي بالدعاء و اخلاص النية و الرجوع لله ...رجعي لنفسك شوفي أعمالك و اكثري من الاستغفار تلقين روحك رديتي طبيعيه مع زوجك مو مجاملة لكن فعلا من قلب طبيعيه

من خلال تجربتي صدقيني مسير الأيام تكشفه بدون ما تركضين انتي ورا دليل الخيانه بيطيح في ايدج لأنه زوجه يعني شريكه في كل شي يخصه وانتي أقرب له من كل اللي حوله
فلا تصارحينه بأي شي من شكوكج بس اسأليه عادي عن كل صغيرة وكبيرة في حياته بدون ما تبينين انج شاكة لأن ممكن يطلع كل شي وهم وشكوكج مب في محلها عقب ما بيغفرلج انج شوهتي صورته الشريفة عاد الرياييل بغضهم هالشي !!
وبالنسبه للإلتزام بالدين إلى أي مدى تقصدين؟؟
يعني يصوم ويصلي ويزكي وحج؟ هذا أدى فروضه لكن ما يمنع انه ممكن يرتكب بعض الحماقات لا والمصيبه انه ممكن يعتبرها حلال .....

شكرا لكل الاخوات اللي ردوا علي فعلا حسيت ان احد وياي يشاركني ويساعدني..كلامكم طمني بان اتوكل على الله وافوض امري له...بس تدرون هم ارجع للموضوع واقعد افكر وشلون اعيش وياه مجامله وانا في داخلي شعور غريب خايفه منه!!!! بين نارين ماادري كفه الميزان وين راسيه عليه..هل هو برئ ولا لا..اخاف اكون متوهمه وادقق في كل شي بنفس الوقت اشوف نفسي يمكن صح..مع ان المسكين مو مقصر بأي شي ويداريني مداراه كبيره لدرجه كل تفكير سيء يختفي بس الحين رد لي هاالتفكير وانا على هالحال!!! هل الرجال شطار فعلا؟؟ مع اني اشوف زوجي طيب جدا وتلقائي بتصرفاته مافيه لؤم مثلا! من جذي انا محتاره بيت تصرفاته وياي الحلوه وافعاله اللي تشككني اللي يمكن تكون عاديه؟؟ او هي فعلا افعال تدل على ان يعرف بنت؟؟.

ايش اللي حاسينه؟؟ انا تعبت من كثر التحليل مره اصدق ان مافيه شي ومره اقول اكيد يعرف غيري:( الحل اني اصبر بس نفسيتي تتعب ومااقدر اجامل واخاف اكون ظالمته!
في احد شايف نظره اكيده؟؟؟ انعدمت عندي البصيره في هذا الموضوع:(