السلام عليكم ورحمه الله وبركاته
الحمدالله تم لقاء عضوات منتدى عالم حواء بنجااااااااااح ولله الحمد وكان يوم جميل وكنت محضره لهذا اللقاء من أسبوع وطووووول الوقت بس أفكر كيف أعرفهم وشلون بيكون اللقاء ( الأخت تحضر حق موعد غرامي:hahaha:) وجاء اليوم الموعوووود وأنا من صباح الله خير من الساعه 8 الصبح قايمه وروح أسوي بان كيك وجبه زوجي المفضله وأصحيه من نومه بكل رقه وحنان ووداعه والأبتسامه:42: وفطرنا أنا وزوجي وبناتي بعدها سويت قهوه أمريكيه يحبها زوجي ( لاحظوا كل شي يحبه زوجي سويته له) عشان أنال الرضا وأطلع من البيت هو راضي عني ويدعي لي بالتوفيق :39: وصارت الساعه 4 وبحكم أني ساكنه قريب من الراشد رحت قبل الموعد ب5 دقائق وأول ما وصلت دخلت من بوابه 11 ويلا قعدت أمشي وأمشي أدور على مطعم بوليفارد وما بقيت أحد ما سألته وكل ما أسأل يقولون هذا سوق نسائي مو مطعم لفيت الراشد من الساعه 4 إلين 5 سااااااااااعه أدور على هالمطعم آخر شي قالي حارس أمن هذا سوق نسائي فاتح من شهرين وجديد ووصفلي إياه المهم رحت دخلت لقيت وحده على الريسبشن دخلت من باب جنبها لقيت كافتيريا وحولها مجموعه طاولات وكراسي وحريم قاعدين بصراحه إحترت كيف راح أعرف العضوات وكان في محلات حواليهم وقعدت عيوني تتلاقط يمين وشمال عل وعسى وحده تبتسم لي وكل ما وحده إبتسمت لي تشققت أقول ( بس هاذي مدام بوفاري) وروح أرز طولي جنبها يمكن تعزمني أقعد معاها :hahaha:بس محد عبرني:mad:رجعت لوحده اللي قاعده في الريسبشن أسالها ( لو سمحتى وين أقدر ألقا أم عبدالملك) أستغربت قالت مين أم عبدالملك!! هي تشتغل عندنا ؟ عاد أنا ضاع وجهي قلت : بصراحه أعتقد إنها تشتغل هنا بس مولاقياتها .... يعطيج العافيه. وأروح لصاحبه الكوفي شوب ماشاء الله وجهها سمح سالتها خاله تعرفين أم عبدالملك؟؟؟ قالت : لا والله يا بنتي ما أعرفها... تبين شي قلت سلامتك بس عطيني واحد كابتشينو والله يا بنات كنت في وضع لا يحسد عليه أحس الكل قاعد يطالعني وحده كانت تطالعني وأنا واقفه أنتظر الكوفي حقي فجأة أبتسمت لي عاااااد أنا طرت قلت بس هاذي بوفاري طلعت راعيه محل وتبتسم لكل وحده تطالعها عشان تجذب الزباين لها وأنا خلالالالاص شوي :icon33: الوقت ضاع وأنا ما عرفتهم عموما أخذت الكابتشينو رفيقي الوحيد وجلست جنب طاوله فيها ثنتين بعدها بالقوه تغلبت على خجلي وسألت وحده قاعده جنبي : لو سمحتي في مطعم غير هذا ردت علي : لا والله يا قلبي بس هالمطعم المسكين فقلت : إنتي أول مره تجين هنا ؟؟ قالت أنا مواعده وحده هنا عاد أنا أبلع بريقي وزين ما طاح بلعومي في بطني: أننننننننتتتتتمممم مممملتقىىى عالم حواااء فزت يا قلبي عليها من كرسيها وقالت ::إيه ياقلبي تعالي ورحبت فيني سبحان الله أول ما شفتها حسيت إنها بوفاري بخفه دمها المعهوده وشوي تجي صباح الخير يا أمي وعرفت إنها هي بتكانتها وعقلها الرزين وجلسنا وضيفوني جزاهم الله الخير شوي طلت علينا العضوه ناني بهدوئها ورقتها فعلا لايق عليها ناني وقعدنا نسولف أنا ومدام بوفاري وصباح الخير يا أمي وناني بعدها استأذنت بوفاري وناني وختمناها أنا و صباح الخير يا أمي سوينا شويه شوبينج ورحنا كم محل وختمنا لقائنا وسلمت عليها ورحت بيتي بصراحه كان يوم جميل من أوله الله يجمعنا على خير إن شاء الله في أقرب فرصه والله حبيتهم من كل قلبي
والسلام عليكم ورحمت الله وبركاته
يلزم عليك تسجيل الدخول أولًا لكتابة تعليق.
ماشاء الله مرره وناااسه قبل شوي قريت تقرير مدام بوفاري الله يديم المحبه ياربماشاء الله مرره وناااسه قبل شوي قريت تقرير مدام بوفاري الله يديم المحبه يارب
آم صبا
•
~~
استغفرالله وآتوب اليه
سبحان الله وبحمده , سبحان ربي العظيم
اللهم صلي وسلم وبارك على سيدنا محمد
لا آله الا الله
اللهم آحسن خاتمتنا
~~
استغفرالله وآتوب اليه
سبحان الله وبحمده , سبحان ربي العظيم
اللهم صلي وسلم وبارك على سيدنا محمد
لا آله الا الله
اللهم آحسن خاتمتنا
~~
الصفحة الأخيرة
بس مشكلتي مع اني قديمة بعالم حواء ماعرف الاسماء
بس اقرا الموضوع والردود بدون الاسماء عشان كذا مااعرف ولا اسم