عيون سعد @aayon_saad

الفواحة العطرة لآسرة حواء

أستودعكم الله الذي لا تضييع ودائعه..

السلام عليكو رحمة الله و بركاته::

بنات ما أدري وش أقول لكم؟؟؟؟

ما أدري من وين أبدا...

بس بحاول أرتب كلامي ..

و خلونا أحكي لكم السالفة و أنتم أحكموا....

السالفة:

( ولدي الله يهديه من دخل المدرسة و الى الآن وهو في الخامس أبتدائي ، ما عمره رجع لي ومحفظة الاقلام فيه شيء الا من رحم ربي ، المحاية.. هي الوحيدة اللي نجت من عملية الضياع أو الخطف...

تعبت و أنا مرة أعاقب ، و مرة أشجع ، و مرة أحاور ........
و القهر أني أحكي ، و الولد يناظر فيني و يتثاؤب ، و اذا قلت: له فهمت ، يقول: ايه ، ايه ، خلصتي .. قلت: ليش ، قال: بروح أنوم...

و في الصبح ، محاضرة أخرى و تذكير ، بس ماذا أجني ؟؟؟؟

بحة الصوت ، و رفعة الضغط ،وهو يرد علي ببرود : ما أدري وين راحوا ، تبغين يعني أحطهم في جيبي و أدور بهم..

الى هالحد عرفت أنه ما فيه فايدة,,,

فسكتت على مضض ..

و قلت لزوجي: جيب لنا الاقلام اللي مو غالية ، يعني هو كل يوم بحط له ( و الله ما أبالغ يابنات كل يوم أحط له ) عكز أخته ماشاء الله عليها ، أغراضها في محفظتها و محافظة عليها ، فعلشان كذا ، لما نروح نتسوق أخذها معي و أخليها تختار النوع اللي تبغى ، حتى لو غالي لانهابتحافظ عليه ، وبيكفيها طول الترم..

أما أخوها اللي يهديه ، نجره جر ، علشان يختار ؟؟و اذا مل جلس على الكرسي و قال: كان خليتوني في البيت ، و شريتو لي أي حاجة...

المهم نرجع لسالفتنا:

و أنا أراجع لولدي ، قلت وش أخبر أقلامك ، قال: ايه أعطيني ترا ما عندي و لا قلم، قلت في نفسي تقول لي ، قلت طيب وين أقلامك ، قال: و الله ما أدري ، ضايعة من زمان ، قلت: طيب كيف كنت تكتب ، قال: أخذ من اللي جنبي أو من الاستاذ ...

و الموضوع عادي عنده و يتكلم بكل برود ، المهم قلت ماعليه ذكرني أحط لك أقلام ، و لما خلص مذاكرة ، اخذت محفظته ، و حطيت له أنواع الاقلام اللي يحتاجها...

و أنا في بلعومي غصة ، لانه ما راح أشوفهم مرة ثانية...

و أنا أحطهم في شنظته: ما أدي طلعت مني:

( أستودعكم الله الذي لا تضييع ودائعه ) و بنغمة حزينة..

و عد اليوم ، و جاء ولدي من المدرسة ، دخل علي المطبخ ، وهو يتكلم عن الكورة و كيف لعبوا ( على فكرة هو مجنون كورة ، الله يهديه ) و فجاة قال: و أبشرك كل أقلامي معي ، أنا كنت أشرب ، شرقت ، قلت: وشوأ ، قال: أقولك كل أقلامي معي ما ضاع منهم و لا واحد ، قلت: قل والله ، قال: ما تصدقين ، قلت: لا ، قال: طيب بجيبهم لك..

و نط لشنطته و فتحها و طلعها لي و هو مبسوط...

و أ ضحك له ذيك الضحكة ، ثم أمسك نفسي و أقول : أيه كذا أبغاك..

قال: يحليلك يمه كل هالفرحة علشان الاقلام حقتي.ز و يضحك هو ووجهه..

و يجي اليوم الثاني :
و نفس الشيء دخلت أقلامه و قلت: أستودعكم الله ( الى الآن مو مصدقة ، ما أضمن ولدي )

و راح المدرسة ، و انا على جمر ما قدرت أنام..

و لما رجع ، قلت: هاه وش الاخبار؟؟

قال: وش أخباره ؟؟؟

قهرني ، قلت: أخبار أقلامك ؟؟

قال: والله ما أدري ، عندك في الشنطة...

قلت: قومي جبها لي...

و يقوم يحوس في هالشنطة ساعة ، و اخرحاجة يقول ما لقيتها..

و أنقهر : وشلون ، أمس قلت الدعاء...

ألمهم

و يجي اليوم الثالث:

و أحط أقلام جديدة ، و أقول عليها الدعاء ثلاث مرات..

و يروح للمدرسة ................

يلزم عليك تسجيل الدخول أولًا لكتابة تعليق.

تسجيل دخول

عيون سعد • 16 سنة

و يرجع

و قبل ما أسال، قال:

يمه وش أبشرك به..

قلت:
وش

قال:
كل أقلامي معي ، حتى أقلامي اللي ضاعوا أمس لقيتهم ..

قلت:
هاه ، كلهم

قال:
و الله كلهم ، مانتي مصدقة شوفيها..

و يطلعها كلها..

و أنا وش تتوقعون؟؟؟

بغى يغمى علي من الوناسة..

و جلست ساعة أمدح فيه....
عاد هو تشقق ..

المهم الزبدة:

عرفتوا السبب هو:

الدعاء

( اللهم أستودعتك ما في شنطة ولدي )

بس لا تعتقدون أني أقوله على الشنطة و بس..

هذا دعاءئ الدائم بأذن الله لـ أولادي:

( اللهم أني أستودعتك عيالي ، هتون ، ومشاري ، و غلا ، فأحفظهم يا خير الحافظين )

فقررت أنه يكون دعاءي الداثم في كل حياتي..

و أقول لكم أنتم أيضا:

أستودعكم الله الذي لا تضيع ودائعه..

Aum DoOoDe • 16 سنة

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

ياشيخه ولدك هذا ذكرني بنفسي وانا صغيره ماعمري اروح المدرسه وارجع باقلامي لازم تضيييييييييييييييييييع مدري ليه مدري ..

الله يخلي ولدك واقلامه لك يارررب

ههههههههههههههههههههه

الله يخلي عيالك لك يارب ..

وفعلا هالدعووووه تجننننننن ,,

انا عني
دايما اقول

اللهم اني استودعتك زوجي ودينه وسمعه وبصره وجوارحه فاحفظه لي يامن لا تضيع ودائعه ..

دلع% • 16 سنة

ههههههههههههههههه الصراحه ضحكتيني

مشكوره عالنصيحه الله يجعلها في ميزان حسناتك
ويخلي لك عيالك

عيون سعد • 16 سنة

Aum DoOoDe :

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ياشيخه ولدك هذا ذكرني بنفسي وانا صغيره ماعمري اروح المدرسه وارجع باقلامي لازم تضيييييييييييييييييييع مدري ليه مدري .. الله يخلي ولدك واقلامه لك يارررب ههههههههههههههههههههه الله يخلي عيالك لك يارب .. وفعلا هالدعووووه تجننننننن ,, انا عني دايما اقول اللهم اني استودعتك زوجي ودينه وسمعه وبصره وجوارحه فاحفظه لي يامن لا تضيع ودائعه ..

...

تسلمين يارب..

بس أنتبهي صححي الدعاء في الاخر:

يامن لا تضييع ودائعه..

مشكورة..

عيون سعد • 16 سنة

نغمة تائهة :

لا يمكنك مشاهدة هذا التعليق لانتهاكه شروط الاستخدام.

طمنتيني،،،

يعني فيه من يعاني مثلي...

مشكورة