هلاااااا بالتوت كله ..:21:

انا والله ماجربت الخياطه عندهم ولافيه امل اجربها لانها غاااااليه ..

وان شاء الله مانحتاج لها ..

ســـــلام ..

:26:

هلا بتـــــــــــــــــــــــــــوته .... سبحاان الله كتبتي نفس اللي ببالي اكتبه ....

اناااا ناويه اخيط لي حجاااااب كامل ...

بس يقولون انه مره غالي ...

مالي الا اخلي اهلي يخيطونه ويرسلونه ...

يازين السعوديه ورخصهــــــــــااا والله اننا بخير ,,

ولا هناااا داجيــــــــــــــــــــــــــن .. خطر نشحذ .. هههههههههههههههههههههههههههه

حياكم الرحمن حبايبي..

هلااااااا والله Fragrance..
تسلمي حبيبتي على دعائك الطيب..ولك مثله باذن الله تعالى..
فعلا رد السلام هااام جدا..بل وان ثواب من يرد السلام اكثر من ثواب من يبدأ بالسلام..
فعلا سعدت لمرورك مرة اخرى..
كلك ذوق..:26:


ياااا هلااا والله بالحنونة..
ان شاء الله حبيبتي ما تحتاجين لها فعلا..
من ناحية غالية..فعلا غالية..
ولو احتاج الواحد يستغلونه اكثر..
الله يديم علينا الستر..
نورتي حبيبتي..:26:

يا هلاااا ببنت نت..
توارد افكار يا قلبي..:21:
فعلا يالغالية..الواحد يطلب من بلده افضل كثير..
على الاقل يرسلون شي حلو ..وبتكلفة اقل..
يعطيك العافية على ردك الحلووووو ..نورتي..:26:

اما عن قصتي مع الخياطة..وينك يا مون..اسمعي..ولا يهونون الحبيبات ..

احتجت اخيط هنا في بلاد الغربة..شي بمقاس كبير..وطبعا للمحجبات..وهذا صعب تلاقينه جاهز..
وطبعا عارفة ان الخياطة غااالية نااار ..
اخذت دليل التلفونات وقعدت ادور على الخياطين ..ومناطقهم..واخترت منطقة فيها خياطين كثير..علشان المنافسة..وتكون اسعارهم ارخص..
المشكلة كل ما كلمت احد منهم..الاقيهم يخيطون القطعة ويبيعونها..يعني مش يخيطون لك حسب طلبك..!

اخيرا لقيت وحدة هندية تخيط..قلت فرجت..
سالتها بوصفي للقطعة وكيف ابغيها..كم السعر..قالت اربعين دولار..قلت اوكي..معقوول جدا..مع انه فستان بسيييط جدا ولا ابغي فيه اي موديل..اللهم زم من الوسط علشان الوسع للكرشة :07:

ولما لفيت وبحثت..لقيت المحل اخيرا..
وادخل المحل..قلت حشا ماني في نيوزيلاندة..الا في بومبي..:43:
يا بنات ريحة المحل فطستني:01:. ..
لا وحاطة موسيقى هندية وما باقي الا اميتاب شناب يرقص :23:
لا والاحلى..شياكتها ويا هالنقطة الحمراء..والساري اللي يلمع ..الله..يا هووو يلق لق مع الاحمر..:02:

بغيت انحااااش..:eek:
لكن زوجي قال لي ..الحين ساعتين ندور على المحل وبعدين تراجعتي؟!
قلت الامر لله..:29:
وحطيت عندها القماش..وتركت مقاسي عندها بقطعة علشان ما اخليها تقيس لي..
وارجع للمحل بعد فترة..والاقي ..!!
ولا شي من اللي طلبته مسويته..
والفستان قصيييييير..ويا الكرشة بيصير ميكروجوب>>لا تصدقونها تبالغ:09:
ولا حاطة الكلفة اللي خليتها عندها..ولا فاتحة الاكمام بزراير مع اني موصيتها علشان الوضوء..

اللي صار يا طويلات العمر والسلامة..
طلبت منها تصلحه..وما نابني غير التشبع بالريحة مرة اخرى..ومحاولتها تسرق القياس اللي خليته عندها لان زوجي نسي يجيبه مع الفستان لما رجع لها..ولما اتصلت عليها سوت نفسها نسيت اني تركت عندها قياس!

رجعت واخذت الفستان ..وعملت بنفسي كل الاشياء اللي بغيتها..يعني صلحته بنفسي..وياااا تعبي فيه..
وطبعا..صار مشبع ببخور الهنود..ويا حبي لريحته :09:

وهاي قصتي مع الخياطة..مو لو اني مخيطته من اول في البيت كان احسن لي..؟!
عندي ماكينة..وبصراحة يا بنات نفعتني كثير..تقصير ..تضييق او توسيع ..اعمله بنفسي..
لكن المشكلة ..فعلا اكره الخياطة وما لي صبر عليها..
>> حكيت قصة حياتي..
المهم من هالتجربة خرجت بنتيجة هي..>> يعني ما يستفاد من القصة:هههه
يا اما اني اخيط بنفسي وطبعا هاي صعبة لاني ما اعرف ..
يا اما اني اطلب من خواتي يرسلون لي بطرد اللي ابغيه..اوفر لي..واسهل ..واحلى طبعا..
على الاقل ما تكون ريحته بخوور هنود وكاري..
وسلامتكم..

الهندية..اقوووول حبيبتي ..لا تزعلين علي ما قصدي اهين سموكم الكريم..:33:

لا عـادي جـــدا لانها مسلــمـه تترزق الله الله عن طـــريق الـحلال الله يسـتر حــال المسلــمين:27: :27: