ازيكم يااحلى بنات انا جيبلكم كيكة النهاردة هتعجبكم جدا ومقاديرها الحمدلله
مضبوطة جربوها ولو طلعت حلوة ادعولى بالذرية الصالحة والحمل الثابت العافى المعافى
تنبية
(لو طلعت وحشة برضواادعولى بالذرية الصالحة )ههههههه 
المهم نخش فى المقادير
كوب ونصف دقيق___ا كوب سكر ___اكوب لبن___نصف باكو باكنج بودر___3 بيضة
فانيليا___نصف كوب سمن ___شوكولاتة بودرة( انا استخدمت كادبورى)
الطريقة
يضرب السمن
ونضع علية البيض
ثم السكر وطبعا نضرب العجينة كويس
ثم شوى من الدقيق ويضرب
ثم شوى من اللبن ويضرب
***ناتى بالصينية وتدهن سمن ثم ترش شوى من الدقيق فوق السمن حتى لا تلصق الكيكة***
وتسكب العجين فى الصينية بس مش كل العجين نبقى شوى صغيرين من العجين
ونضع على باقى العجين اللى احنا بقينا منة (الشوكولا البودرة )ويقلب جيدا
ثم نضع العجين المخلوط بالشوكولا بالشكل دة
ثم يقلب العجين بشكل دائرى فى اتجاة واحد بس
***ملحوظة***(بنقلب الشوكولا على الطبقى اللى فوق بس يعنى تتحرك فى اتجاة واحد من على الوش
بتاع العجينة بس))
وتدخل الفرن ودة شكلها بعد ماطلعت
ودة الشكل النهائى بعد التقطيع
هة اية رايكم يارب تعجبكم
***على فكرة المقادير دى مقادير صينية متوسطة لو كبيرة شوى نضاعف الكمية ****
واى استفسار انا حاضرة