صبااااح الفل والورد والياسمين على الحلوين عندي لكم كيكه مليت من كثر مااسويها وصرت كل يوم اخترع فيها وبصراحه متميزه فيها بشهادة الجميع شوفوا الصوره اول....
المقادير..
3 بيضات
نصف كأس زيت
كأس الا ربع سكر
كأس دقيق
3 ملاعق طعام كاكاو بودره مره (هنتز)
3 ملاعق صغيره باكنج بودر
فانيلا
هنا السر الخطير
جيبي الكأس وحطي فيه اربع ملاعق طعام سفن اب وكملي عبي الكأس حليب سائل الاربع الكأس فهمتو يعني المقدار كأس الا ربع اول اربع ملاعق سفن اب والباقي حليب سائل
الصوص
نصف اصبع زبده
نصف كأس سكر
علبه ونصف قشطه
3ملاعق كاكاو مره (هنتز)
الطريقه
اخفقي البيض جيدا ثم اضيفي له السكر واخلطي ثم الزيت ثم الكاكاو وقليل من الحليب ونضيف الدقيق بالتبادل مع الحليب ثم البكنج بودر ثم صبيه في صينيه متوسطه وادخليها الفرن طبعا تولعين الفرن قبل كذا ولاتفتحين الفرن قبل ربع ساعه وتكون النار اقل من المتوسط بشوي بس
والحين تجهزين الصوص بأذابة الزبده على النار وفي الخلاط بقية المكونات مع الزبده واخلطيها لمن تتجانس واول ماتستوي الكيكه تصبينه عليها في سر خطير بقولكم عليه وهو الى يحلي الكيكه (كل ماكانت الصينيه صغيره كل ماكانت الكيكه احلى بس انا مليت من كثر مااسويه قمت اسويها في الصينيه الوسط تكفي :11:)جربوها على مسئوليتي ...
