الله يجزاكم الجنه

......

......

الخياطه يختلف مو بس من وحده لثانيه
حتى يختلف بولاده عن الثانيه
على حسب اهتمامك بالتغذيه وبنظافة الجرح والمراهم تبع الخيوط
وعلى حسب الدكتوره وطريقة خياطتها
والجرح وين مكانه
والجوووووووووو صيف شتاء




انا ماعرفت الاختلاف ذولي الا بولادتي الطبيعيه الثانيه
ببكري كان التوسيع على جنب ونخاط بسرعه وكنت بالصيف
مهتمه بلبسي وتغذيتي لان التغذيه بالبروتينات مهم للجرح ينخاط الجروح مع الاكل ولازم نوع معين من الاكل اللي فيه بروتين هو خاص بخياطة الجروح
واستخدم مطهر وبعد ميبو كل مادخل للحمام
واستخدمت خلطة الخواجوا مع زيت الزيتون والمره
والجلسه مهممممه طريقة الجلوس تساعد على سرعة الالتأم
ب15 يوم ممتاز ورحت وشلت العقد وصرت اقعد براحه
والخيوط تطيح اشوفها بالفوطه


ولادتي الثانيه قيصري مو مهمه


ولادتي الثالثه طبيعيه والحين نفاس
نفس الشي اسوي بنفاسي نفس الشي ماغيرت
لاحظت خيوطي اتعبوني عشان البرد اول النفاس ممتاز بعدين يوم دخل البرد الشديد شدت خيوطي علي وانا ماتحرك من غرفتي الدافيه
وتاخر الالتأم طوووولت وستغربت مع اني مهتمه نفس كل نفاساتي قالولي البرد ياخر التأم الجروح
ورحت لموعدي بعد 15 يوم وشالت العقد وتقول ممتار بس بعد اسبوع صار فتحه وينزل منها الدم
لاني بوبزت اروش ولدي وبعدها حسيت بحرقه وبعد ماخلصت من ولدي لقيت دم بالفوطه صافي ورحت للدكتوره قالت عادي طنشيها
وصرت احط ميبو عليها والحمدلله تقفلت
وبعد طريقة التوسيع مو على الجنب لا من تحت تكرمين بتجاهه فتحت الشرج تعببببت من هالنوع من التوسيع متععععععب مو زي اللي على جنب
يتاخر بالالتأم وقريب للشرج مؤلم عند الاخراج


الحمدلله استخدم ملين عشان مايصير لي امساك
واكل كل شي فيه بر واللياف وفواكهه
البر بالفطور وبالغداء وبالعشاء
وهو اللي يسهل عملية الاخراج


كولي كل شي اللي تبين كوليه لاتخلين شي بالبيت الا تقضين عليه😅


بس اذا تبين الجسم ماينتفخ وكرشتك ماتنتفخ
ابعدي عن الرز والخبز الابيض والفطاير والمكرونه بس ممنوع بالنفاس مو عشان يخربون لا بالعكس يبعدون الجوع عنك
بس لانهم ينفخوووووون الوحده وتصير برميل والكرشه عاد تصير دبل مع الرز شوفي رجالنا بدون نفاس كروش 😂😂😂كله بسبب الكبسات
المهم النشويات معروف تسمن واللي يسووون رجيم ممنوع النشويات الدقيق الابيض والرز والمكرونه
اكلهم كله بررررر


لذا سوي لك ساندوشات من توست البر
شفتي القرصان تبع المقرصه يحونك زي الشرشف مدري انتم وش تسمونه
هذا لذذذذذذذذيذذذذذذذ ساندوشات
وتغمسين فيه المرقه
انا فطوري ادهن جبن بالقرصان واكله مع كاس حليب بفلفل ابيض وزنجبيل
واسوي قرص من الدقيق البر احط فيه اما حلبه ال20 الاولات او رشاد ال20 الاخيرات وعجنه بمويه زي عجينة الفطاير وافردها سمك 2 سم
وحطها بمقلى صغيره فيها زبده على نار متوسطه اقلبها على الوجهين لحد مايستوي ويحمر المهم النار مو واطيه مره ولا عاليه تستوي بسرعه
وبعد ماتستوي احطها على منديل تسحب الزيت وحطها بحافظه صغيره اصب عليها عسل وغطي الحافظه عشان يلين القرص




المهم كولي اللي تشتهين وتحبين لاتحرمين نفسك اذا عادي عندك تسمنين دبي بكل الاكل
بس ليش يمنعون النفاس من بعض الاكلات عشان مايجيها امساك بالنفاس
شوفي اغلب اللي نافسات يجيهم امساك والسبب الاكل
اللي هنا بالقسم اغلبهم يشتكون من الامساك وسببلهن بواسير وشرخ كله بسبب اكلهم ياكلون اشياء تسبب امساك ولا ياكلون البر طول النفاس عشان يمشي لهن بطونهم


اذا تبي تاكلين الرز والخبز الابيض والمكرونه اشتري من الصيدليه ملين بعد الوجبات الثلاث
انا عطوني المستشفى دوفالاك مقدار 10 ملي استخدمته ال20 الاولى من النفاس عشان الخيوط مايجيني امساك
والحمدلله صرت استخدم البر صار مفيد اكثر من الشراب


اما البارد ممنوووووع والغازياااات
اشربي موووويه عادي بس مايكون فيها بروده اشربي لحد ماترتوين مايضر المويه بس اللي يضر اذا كان بارد
الغازيات انسيييييهم
العصيرات دفيهم قبل لاتشربينهم باردين


لازم تاكلين الاعشاب طول الاربعين
العشرين الاولين حلبه ثلاث مرات باليوم
العشرين الاخيره رشاد ثلاث مرات باليوم
توقفين الحلبه اذا خلصتي ال20 وتبدين بالرشاد 20 يوم
الحلبه تقوي الرحم والعظام والظهر وينزل الدم
والرشاد ينشف الرحم
لذا هذا نفاس مو دوره طلع منك ادمي يحتاج رحمك وظهرك اكل وبروتين وتغذيه


الجوع بعد الاربعين
مايضرك تقرمين تاكلين تفاح موز الخ من الفواكهه او الخضراوات اذا جعتي
او تسوين لك ساندوش جبن ادهني لك خبره مع كاس شاي وخلاص المهم ماتجوعين
الشاي مايضر ولا يخربك بس مو كويس لانه يكسر الحديد بالغذاء اللي تاكلينه


اول دوره تجيك بعد النفاس هذذذذا يعتبر نفاس قصير لازم تهتمين باول دوره لك كانك نفاس من جديد
يسمونها اخت النفاس لاتهملينها
تدفيه مهمه
جوع ممنوع
ممنوع الممنوعات اللي بالنفاس
حامض و بارد والغازيات والشطه والفلفل الاخضر والاحمر الحار

الخيوط لاتحاولين انها تطيح بدري تستعجلين عليها خليها تاخذ وقتها لانه لحم لازم يمسك في بعضه ويلتئم . انا خياطتي بددات تطيح من اليوم الخامس او زي كذا بس طاحت شوي شوي مو دفعة واحدة وتفاجات بعد ماخلصت الاربعين ان فيه خياط داخلي هههه طلع حتى هو لحاله . والاهتمام كلي شي صحي ومفيد وانتبهي لصحتك ع الاقل لين تحسين ان جسمك بدا يتقوى .