لحظاتك الحين وحالتك هي اللي...

مساء السعادة


‏نفس اللحظة اللي انت قاعد تعيشها الحين بكل تفاصيلها
تراها نفس اللحظة اللي راح تتمنى بعد كم سنة ترجع تعيشها بس الفرق انك ودك ترجع تعيشها عشان تقدم شي
نفس اللحظة الحين اللي لما انك تاركة كثيير امور بحياتك تحتاج تغيير ودايم تسوفي وتأخري تحقيق كل رغبة ترغبيها بأي حجة كانت راح تمشي السنين وتتمني انك ترجعي لهذي اللحظة عشان بس تغييري أمر يحتاج منك تغيير وقوة عزيمة لا اكثر


هذي اللحظة اللي ممكن كثير ازواج ذكر او انثى بعد الانفصال ممكن يقولو ليتنا حاول نغير كذا او نسوي كذا


نفس اللحظة اللي لما الأبناء يكبرو راح تقولي ليتني علمتهم كذا وربيتهم ع كذا


ترى هاللحظة نفس اللحظة اللي لما يجينا المووت بنقول ليتنا بس نرجع نعيش هذي اللحظة عشان نعمل اعمال صالحة أكثر


هذي اللحظة نفسها اللي لو ضيعتها بالبكاء والتسخط راح تندم لأنه كان بإمكانك تفرغها بالسجود والإلحاح بالدعاء وتكون ضيعت ع نفسك فرص للإجابة كان من الممكن تغير حياتك بشكل مذهل


يعني انت بهذي اللحظة لوو كان عندك عزيمة وإرادة صادقة هذي اللحظة بتعني لك الكثير لأنها الرصيد الحقيقي لأيامك القادمة


انت حر بقرارتك اللي بيحاول يتدارك الأمر ويتغير راح بعد فترة يكون ممنون لنفسه الجميلة والمثابرة ممنون لها كثير لأنها ماانساقت للهوى والكسل واليأس


مممنون لأنها جاهدت بصدق تبلغ درجة جميييلة جدا بالحياة


هذي اللحظة لاتضيعها بالحزن ع شي تافه او تضيعها بدخول مشاكل ومهاترات مع ناس صغيرة عقل راح تمر الايام وتلاقي نفسك بنفس النقطة فارغ من سنوات والمشاكل نفسها مانقصت بالعكس زادت وانت واقف بنفس الدائرة من سنين ماتقدمت خطوة ولاغيرت شي في نفسك وهذي أكبر خسارة يخسرها الانساان


هذي اللحظة لو ضغطت ع نفسك وغيرت تفكيرك نحو الايجابية بعد مدة بتلاقي نفسك راااضي كل الرضا عن ذاتك وراح تكبر بعين نفسك كثير وكل اللي كان يعكر مزاجك بالأمس صار شي تافه وبتستغرب كيف كان يحرك جزء فيك او يقدر ع تعكير مزاجك!


وبرضو نفس اللحظة هذي اللي لو قدمت لنفسك فيها شي وجاهدت في كثير امور حتى لو النتائج جت ع عكس مرادك صدقني بتكون راااضي جدا وكأنك تقول (كثر خيري قدمت كل اللي طالع بيدي وزيادة )


بعكس لما تكون مقصر من قبل بيبقى كل خسارة خسرتها نار موقودة بصدرك تجتاح مسااحة فيك وبتحرق اشياء حلوة داخلك


كل شي في حياتك استمتع فيه قد ماتقدر
قهوتك الصباحية.. صحتك....وحركتك ...مشاكسةاطفالك... اطباقكالمفضلة


وجود زوجك وابنائك واهلك بعافية وسعادة
دوام الحال ي صاحبي من المحال
بكرة تتغير الأمور
والأطفال يكبرو ويصيرو رجال وكل واحد بديرة


بكرة البنت الكتكوتة اللي حسها مالي البيت واي نصيحة تأثر فيها تتزوج وتروح بعيد عن اهلها ومو اي نصيحة ممكن تتقبلها زي وقت الصغر


بكرة الصحة تبدأ تتلاشى واللي كان بالأمس نقدر نحققه اليوم اصبح صعب وصعب كثيير بكرة تنحرم من أكلك المفضل وقهوتك الصباحية عشان ماتأثر ع م بقي من صحتك


وراح نفقد هذا ونفقد ذاك وجلستنا المعتادة راح يجي يوم وتصبح ذكرى


صلاتنا وعبادتنا واخلاقنا راح يجي يوم بعد الموت نشكر ربنا كثيير ونفرح انه قدمنا شي بحياتنا للآخرة ولا أنقدنالأنفسنا ولشهواتنا والشيطان وفيه اللي راح يندم لانه فرط باللحظة الحالية وترك أمور كان من المفترض يسويها


كل لحظة الحين نعيشها هي مقدمة للي راح نعيشه بعدين
هورصيد خفي للأيام القادمة
استمتعو قد ماافيكم
لاتخلو الهموم تعمي عينكم عن اللحظات الجميلة


مافي انسان خالي من الهم لا تبرر حزنك والغشاوة اللي حطيتها ع عيونك بسبب الهم اللي تعانيه


ظلم انك تعمي عيونك عن كل شي جميييل بينما الهم مآخذ حقه منك وزيادة
هذي اللحظة بعد مدة بعتنيلنا أشياء كثييير
اولادك حاليا صغار تقدري تأثري عليهم بنصيحة بكلمة طيبة بكرة تطلع الأمور من يدك والنصيحة ماراح يصير لها قبول زي هالوقت
أمك ابوك لاتفوتي لحظة برهم واسعادهم بكرة يغادرو الدنيا وفيه أمور كثيرة كان ودنا نقدمها لهم ولاقدمناها
نفسك قبل كل شي لازم تغيري فيها كثيير عشان بكرة تحصدي نتيجة هالتغيير
غييريها من كل الجوانب ..الديني...الثقافي ..الشخصية ...الاهتمام..وكيف تكوني قدوة حسنة لأولادك
يكفينا طيش واهمال طشنا واهملنا كثير اظن كفاية وكثيير
هاللحظة لاتفرطي فيها والله بيجي يووم تتمني ترجعي لنفس اللحظة عشان تغيري بس للأسف عمر اللحظات ماراح ترجع