خواتي السوريات ابغي طريقتكم في الكوسا المحشي ضروري

معقولة مافي سوريات!

انت حددت من شان هيك ما حدا جاوب لان بدك سوريات

ولو اختي شلون ما في سوريات خديها بس هي المحشية مع مية البندورة مو اللبن بدك اللبن
قوليلي :
بعد حفر الكوسا جيبي رز مع لحمة مطحونة طبعا الرز مفسول ومنقوع شوي ويفضل الرز القصير بهريهم شوية كمون وبهار وملح وطبعا اللحمة نية يعني مالها مطبوخة
مع شوية دهن يلي بتفضليه ممكن (زيت مازولا او سمنةشي ملعقتين او ذهنو بيضا تبه اللحمة )بعد ما تخلطي الحشو بتحشي الكوساية لثلثها فقط لانه الرز بينفش وبتتكسر الكوساية اذا انحشت كتير
بعدين بتحطي مرقة بندورة على النار انا بحط علبة طماطم سعودية مع حوالي 5 كاسات او6 ماء وممكن تحطي عصير بندورة فريش
وسقطي الكوسا وقت تغلي المي واتركيها علةى النار لتستوي بس قبل ماتستوي بقليل اهرسي سنين ثوم وملعقة نعنع يابس وعصير نصف ليمونة وطبعا ملح واتركيها على النار عشر دقائق والف صحة
بالنسبة للكوسا باللبن بتلاقيها بأحد ردود على ما أظن الكبة اللبنية

مساء الخير
بالنسبة للكوسا محشي متل ما تفضلت اختي تيا
بس نسيت تقلك شغلة وانا رح قلك كيف بعملو
ولكل واحد طريقتو الخاصة
حبيبتي بعد ماتحفري الكوسا بتنقعيه بالمي والملح والثوم مشان مايطلع محلون
والحشوة متل ماقالتلك لكل كيلو كوسا كاسة رز تقريبا واحسن الشي صن وايت
ولحمة حسب الرغبة وفلفل انا عن نفسي مابحب التوابل
وبتحشيها تقريبا متل ماقالت للنص أو ثلت الكوسا
وبعد مابتخلصي حشيون
بتصفي بإسفل الطنجرة عضم خاروف أو ملاعق لإذا ماتواجد المهم أي شي حتى مايلزق بالطنجرة
وبتصفي فوقون الكوسا صفة مرتبة وبعدين بتحطيلون مي وملح و3 ظروفة صلصة
إذا بتحبو البندورة كتيرة ورشة فلفل
وبتخلي ليغلي شوي شي غليتين وبعدين بنوسي الغاز عل أخير حتى ماتفزر الكوسا
وشي ساعة ونص لساعتين حتى يستوي
وبالهنا والعافية

اشكر كل اخت ردت علي ..الله يعطيكم الف عافيه

الاخت تيا , الاخت لي لي الحزينة
جزاكم الله الف خير والله يوفقكم