بلسم لجريحاات الخياااانه ادخلي صدقيني بتطلعين تضحكين

بنات خلونا نبعد عواطفنا ,والشياطين اللي متملكتنا ,والقالون الشغال فبطوننا ,

ونجلس نفكر بعقولنا



ونرجع فالوقت لقبل اكتشافنا لخيانة ازواجنا,

اول شي نرجع لقبل الزواج ونتذكر كيف كنا مانعرف ازواجنا ولايعرفوننا
احنا احرار وهم كذالك
اهاا طيب يتقولون لي وبعدين
بقولكم كنا عايشين قبل مانعرفهم مانشيل هم الا انفسنا
وبعدين تزوجنا
وبعدين جاتنا الشك فيهم والتفتيش وراهم (ماقول كل الحريم لا القله منهم يفتشون)
وعلى فكره هاذي اصعب مراحل الخيانه
الشك والوسوسه يصير همك هو وين راح ومين كلم وليه جواله مشغووول
يعني القولون شغال والضغط مرتفع والاطفال اذا كان فيه يكونون الضحيه
من الاهمال والصرااخ عليهم يعني تصير الحره فيهم
والزوج ولاهو داري عايش حياته ومبسوط وانتي جالسه زي الشمعه
تحرقين نفسك لشخص ماعرفتيه الا قبل سنه او سنتين او اكثر ولاهو ملكك او مكتوب فاسمك
ولد الناس فالعربي وما اجتمعتي انتي وهو الا للعباده اول شي
وتكثير نسل امة محمد وتخريج اجيال صالحه لتعبد الخالق سبحانه
طيب اذا فكرتي فيها بالعقل اهم شي مو بالعواطف
انتي وهو شركاء فالحياة قدامكم مهمه صعبه وغايه غاليه الا وهي الجنه
طييييب لمن تاكدتي من خيانة زوجك تدرين انك عديتي اصعب شي فالزواج الفوبيا الخوووووف
خلاص انتي ساعتها عديتي اصعب مررراحل الزواج طيب نقص منك شي نقص منك عضو انحرمتي من الفردوس الاعلى
الله لايحرم الجميع منها لانها هي الغايه هي نهاية الطريق
انتي بسفر مصيرك بتوصلين للاخره وزوجك مجرد راكب معك بتضيعين وقتك فالطريق وتنشغلين بالشريك اللي معك
هذا منتهى الغباء
صح الخيانه صعبه ومره مجربتها
بس والله لمن تقع وتعدي تسهل عليك كل شي يبدا صغيرا ثم يكبر الا المصيبه فانها تبدا كبيرة فتصغر
صدقيني اذا وقعت الخيانه خلاص تحررتي من اصعب مخاوفك
وصرتي اقوى من قبل ويمكن تفتح عينك عالطريق وتعلمك ان زوجك مجرد راكب معك فالرحله
فيقل اهتمامك و انشغالك وركضك وراء زوجك وبيتضحلك انه مجرد انساان معرض للخطاء
وانسان غبي نعم غبي ونظره قصير لانه خان الله قبل ان يخونك انشغل فالطريق ونسى النهايه
فلذالك انتي اللي تمسكين المركبه وتركزين ع النهايه لانك انتي الاذكى وزود على كذا رفع درجات وحسنات لك فالمصيبه هاذي بتكون فايده لك انك تفتحين على شي اكبر تدخلين عالم ثاني
يكون الزوج فيه مجرد اداة لعبادة الله
والله يابنات ماتفهمون اللي اقوله لين تعدون من هالمصيبه
وبتعرفون ان ازواجكم عيال الناس مانتم مسئولين عنهم
ولا ملاك لهم انا ماقول اعصوهم لا بالعكس عاملوهم بالتي هي احسن
واعرفوا انه مهما انشد الحبل انقطع ومهما طال الليل تنفس الصباح وان مع العسر يسرا
وربي مايحمل انسان فوق طاقته كيف وهو ارحم فينا من امهاتنا
وان امر المسلم كله خير اذا اصابته ضرا فصبر فكان خيرا له واذا اصابته سرا شكر وكان خيرا له
فالاخير اقول لكل وحده مرت او تمر عليها هالمصيبه انها ترتاح وتريح بالها
فلاخوفن عليهم ولاهم يحزنون
صدقيني راح تعدينها وتنسيها وتكون خيره لك فدينك ودنياك اسال مجرب ولا تسال طبيب
ولاتبخلن علينا فتجاربكن عسى انهن يكون فيهن خيره لاخواتكن المصابات
خلونا نمسك ايديهن من شان يعدن هالحاجز حاجز الخيانه مثل ماعدينا قبلهن
واتمنينا احد يشد على ايدينا وقتها
فالختام اسفه ع الاطاله واتمنى منكن الدعاء لي
بان يرفع عني ما انا فيه ويعينني ويصبرني (وعسى ان تكرهو ا شيئا وهو خير لكم)