هالعنوان اخذته من موضوع الاخت بحر الخواطر اللى تعرض فيه شراء البيضه بالجمله
وانا تواصلت معها عالخاص
لاني حسيت ان المحل اللى بتاخذ منه مغلي عليها وايد لانها متوفره عندي وبسعر خيااااالي عن اللى عرضه عليها الريال
لانه طلب للدرزن 90 درهم يعني الحبه على 7 ونص
وانا عندي الدرزن على 36 درهم يعني الحبه ب 3 دراهم
واذا بغيتي بالحبه سعر الحبه على 4 دراهم
والصور بقتبسها من الموضوع نفسه
شفت كثير بنات يسالون بخصوص اذا تنبت واقولهم ايوه انا جربت البيضه ونبتت عندي لكن هالنوعية من البيض اما النوعيات الثانيه ما ادري عنها لكن انا اقصد هاي النوعيه اللي ملونه تنبت
وتاخذ تقريبا حوالي من 8 - 10 ايام عشان تنبت
لكن اهم نقطه انه البنات ما يسقونها ماء بشكل فائض او يغرقونها تغريق بس يحطون عليها مقدار (3 - 4 أغطية ماء فاتر) المقصود غطاء علبة ماء الصحة الصغيرة تاخذي الغطاء وتحطي فيه ثلاث او اربع مرات ماء وتسقي النبته بس هالمقدار كافي جدا
وممكن تسقينها يوميا لكن يوم اعطيها غطيين ويوم اعطيها ثلاث او اربع اغطيه وكذا .. وبتلاقي النبته تطول انا نبتت عندي وطالت لكن بعدني ما نقلتها على اصيص زراعه اكبر
بس حبيت اذكر تجربتي عشان البنات