السلام عليكم
انا مافي شي الا واستخدمتو على وجهي بسبب الحبوب الي تهاجمني وقت الدوره في جميع انحاء
جسمي وجهي وتروح مخلفه البقع والاثر المشوهه وفي بعض الحبوب هذي دائمه معايا ماتروح
عشان تضيف الي يجو بعدها << كريمه زي صاحبتها << المهم سنين تروح وسنين تجي وانا على
دا الحال والله والله والله وانتو ماحلفتوني ماخليت شي الا وجربتو على بشرتي من بقالات الفلبين
للصيدليه للعطار استخدمو ولا يفيد بشرتي الي مسوده زي الجرب بسبب اثار الحبوب مع ان لوني فاتح
لاكن هذي المنااطق مغطيه الحلى والانوثه وكل شي وفي الاخير وهنا المهم سمعت عن رتن اي كثيير
وجربتو مع انو مخصص فقط لحب الشباب قلت خليني ابدا اعالج المشكله من الاساس
بلاش ادور عالتبييض وماينفع فيا واقسم بالله العلي العظيم قشرلي وجهي ماكنت اتخيل انو وجهي حيبان
ويصفى من كريم رخيص من الصيدليه قيمتو 30 ريال كنت افكر فالغالي والماركات والدكاتره ومستنيه لمن انخطب اعالج
يعني كنت مخليتها مشكله طويله الامد كانت طبقه سودا مغطيه جبهتي من الحبوب والشمس
قد ما اسوي فيها مايبان >> عالجلي الحبوب اول شي نشفها وطلعها من جوا الجلد حت انو كان
عندي حبوب دهنيه منفوخه تحت الجلد بدون راس ابادها هذي النتيجه الاولى والنتيجه الثانيه والي
الناس يدفعو عليه الميات والالوف عند داكتره الجلد ويمكن ولا يستفيدو لانو لازم الدكتور يقحطها فلوسها اولا
انو قشرلي وجهي والطبقه الخارجيه الي كانت من الشمس كانها برنزي محروق والجلد الميت
وكمان استعملتو على ظهري والؤخره ولاكن في المؤخره يوم احط ويم لاء عشان لمن اجلس يحرق
عشان الدمامل والاتهابات كبيره والله اشوف طبقه جلد ميته سودا تخرج في الكلت شي عمري ماكنت اتخيلو
ودحين صرت استخدم كريمات مغذيه فقط لوجهي ووجهي منور زي الفل بعد ما استخدمت رتن من الحج
يعني ثلاثه شهور وكانت في ايام اتكاسل فيها بسب الخرج والكياج والاختبارات يعني لو شديت فيها
كان خلت في شهر ونص لو حطيت مرتين في اليوم معلش لو طولت عليكم بس والله هذا الجل يستاهل
اصلا لو بكمل ماحخلص بس عشان لاتملو لانو من جد قصه واي شي بعد كده تستخدموه يفيد بشرتكم لانكم ازلتو الجلد الميت الي لو تحطي فيه كريمات الدنيا ماحيفيد الا بعد ماتزيلي هذي الطبقه الميه عشان تتفاعل الكريمات مع البشره الي جوا الحيه وتتفاعل معاها ويعطو نتيجه وهذا الكلام ينطبق على اي جزء في جسمك ايا كانت وسيله التقشير
وحبيت افيدكم لانو دايما استفيد منكم و:39:ماليا حاجه في دا الكريم لاني ماني الشركه المصنعه له
غير انكم تدعولي بالنجاح واستر
قلبي طفل عيا يكبر @klby_tfl_aaya_ykbr
عضوة جديدة
يلزم عليك تسجيل الدخول أولًا لكتابة تعليق.
@فراشة حواء@
•
جزاكي الله خير
انا معاك التقشير مهم للاستفادة من مكونات الكريمات
لكن لازم يتم عن اشراف طبي لانه تحتاج طريقة معينة
وحماية تامة من اشعة الشمس ومو اي تقشير نستخدم لان بعضها ممكن تسبب حساسية ومضاعفات
الف شكر لك على الطرح المفيد
لكن لازم يتم عن اشراف طبي لانه تحتاج طريقة معينة
وحماية تامة من اشعة الشمس ومو اي تقشير نستخدم لان بعضها ممكن تسبب حساسية ومضاعفات
الف شكر لك على الطرح المفيد
الله يجزاك خير انا بعد حابه استخدمه ان شاء الله
بس يالغالية انتي استخدمتي الجل مو الكريم صح
طيب وفي المناسبات يكون وجهك متقشر كيف تستخدمين المكياج ؟
بس يالغالية انتي استخدمتي الجل مو الكريم صح
طيب وفي المناسبات يكون وجهك متقشر كيف تستخدمين المكياج ؟
الصفحة الأخيرة