السلام عليكم ...
مسااء الخير للجمييع كييفكم بنات
ان شاءالله بخيير 🌹🌹
.. ربي يحففظكم ويسعدكم ...
ماادري من وين ابدا لكن اتمنى تفهمووني وتنصحوووني وتعتبرروني اخت لكم 😔
وانا متاكده من هالشي لاني جد اعتبركم اخوات لي وحاسه انكم بتفيدووني ان شاءالله 💜
الموضوع يابنات بعلاقتي مع اهل زوجي
اول شي الحمدلله يارب زووجي وام زوجي واخواته علاقتي معهم مررره حلووه الله لايغير علينا يارب حب واحترام وتقدير ونهائي مافي تدخلات لامني ولا منهم ويشهد ربي اني اعتبر عمتي ام زوجي مثل امي لانها انسانه طيبه ورحيمه وحبيبه الله يطول بعمرها يارب
وعلاقتنا مش رسميه لا يمونون علي وامون عليهم بحدود الاحترام وانبسط معهم وهم كذلك
بتقوولوون وين المشكله طيب 😕 ...
بقوولكم المشكله مو فيهم فيني انا ...
لي متزوجه وبكمل ال5 سنوات الحمدلله وعندي طفلين صغار المشكله اني ماعمري عزمتهم عندي تخيييلو حتى لو على قهوه وتمر اخر مره دخلو شقتي بنفاسي بولدي الصغير لاني نفست بشقتي والحين ولدي بيكمل سنتين تخييلووو 😨 يعني سنتين ماقد دخلو بيتي هذا غير السنتين الاولى 😧
يمكن جياتهم لي مرتين او 3 بالكثيييير
ادري انصددمتو والله احس بالفشله 😳
والمصيبه فوق هذي ماقد طبختلهم اكله او حلا بسيط او موالح ونزلتها معي وانا نازله لهم او ارسلتها مع زوجي لهم لا ماقد صار هالشي ...
طبعا انا ساكنه بشقه فوقهم بالدور الثالث والدوور الثاني ساكنه سلفتي زوجة اخو زوجي الكبير ...
انا انزلهم كل اسبوعين او اكثر على حسب ... انزل اتقهوى معهم وننبسط واصعد مااطول عندهم علشان اطفالي مايزعجونهم .. ونجتمع بالمناسبات وكذا وعلاقتي قلتلكم حييل يحبوني ويحترموني وحتى عمتي كل فتره ترسل لنا اكله او تصعد بنفسها علشان تجيب لنا اكل او حاجه هي مسويتها واحيانا والله يكون شي بسيط مثل صحن مرقه صغير او خبز هي مسويته 😯 ومع ذلك ماشاءالله ترسل لي وحبيبه مره وخلووقه ماشاءالله تبارك الله الله يحفظها ويخليها لعيالها ..
وانا 😡 لا ماعمري ارسلت لهم شي او عزمتهم عندي بس برمضان اللي طاف كنت اسوي فطور يوم علي ويوم على سلفتي الاشياء الخفيفه مثل لقيمات وسمبوسه وفطاير وحلا وجلي زي كذا وعمتي عليها الشوربه والمكرونه ... هذي الفتره الوحيده اللي طبخت فيها ويمدحوون اكلي ...
اقولكم وش عذري اني مااعزمهم اول شي ماغيرت اثاثي قديم من زواجي ولان زوجي عليه ديون مااضغطه بس الحمدلله يقولي الشهر هذا بياثث لي .. فانا قبل كنت اقول بنفسي اذا اثثت بعزمهم باثاثي هذا ماينفع عشان كذا ماقد عزمتهم ...
وثاني حاجه اتعذر بالصحون والتقديم لازم تكون صحوني او مواعيني حلوه وجديده ولا خلاص مااعزمهم ... مع انهم مره متواضعين ماشاءالله وعادي اي شي يقدمونه ..
وبالنسبه للاكل اني ماارسلت لهم بسبب انو لازم تكون الطبخه توووب ولا ماانزلها او الحلا .. حتى يقول زوجي مثلا هالحلا حلو نزلي منه شوي اقوول لا مايسوى انزله ومدري ايش واتعذر وهو يقول عادي .. بس انا مارضى فخلاص صار عندي عقده انو اتوتر ومااحب ارسلهم صار زي الحاجز مااقدر اكسره واتجاوزه وزوجي يحب لو انزلهم مره شي معي ويحب لو اعزمهم..
مرره قالي امي تحت لحالها ادق عليها تجي تنبسط معنا ومع العيال قلت لا فشله بيتي مانظفته كويس مع انه نظييف بس ماادري احس لازم كل شي تووب وممتاز ورفضت انو يدق عليها وهو سكت بس واضح عليه تضايق 😟
حتى يقولي ادري تحبين امي وكذا وهذا واضح بس ليش ماقد عزمتيهم وكنت اقوله عشان الاثاث ويسكت ...
الحين سلفتي ماشاءالله تبارك الله تعزمنا ع العصريه والله على قهوه بس وتمر واحيانا تكون مسوي حلا بسيط وتدق علينا نجتمع عندها نتقهوى وبعد المغرب انا اصعد لشقتي واخت زوجي تنزل تحت وبس وماعمرها تكلفت ودايما كذا كل فتره عزمتنا عندها او اذا نزلت تصلح معها حلا او كيك .. هي لها فوق 11 سنه متزوجه ...
وبسس هذي مشكلتي مااقدر اتصرف او اتجاوز هالشي وتحسون اني مقصره او شي وهل انا غلطانه او لا قولولي وشورو علي ...
اول ماتزوجت اختي اللي اصغر مني قبل سنه
قلتلها على طول من تصلحين حاجه او كذا نزليها لهم او اعزميها لاتصيرين مثلي هذا مايصلح وهذا لازم توب وتمر الايام لين صار عندي حاجز واتوتر وهي تعرف مشكلتي وكانت تجيني قبل زواجها اعلمها الطبخ كانت تمدح حيييل طبخي تقول والله لو عندي ربع نفسك بالطبخ كان كل يوم اسوي حاجه وانزلها لام زوجي . والمهم تقول سمعت كلامك والله ماشاءالله عليها اي حاجه تسويها لو توست نزلتها لهم وطبخت مره رز ودجاج وعزمت اهل زوجها عندها دايم تصور لي هههه ماشاءالله مع ان طبخها للحين ماتضبطه يامره بهار زايد يامره ملح زايد ... بس تقول سمعت بنصيحتك وماصار عندي حاجز تعودت وانا الحين شوفوني كم لي متزوجه 5 سنة ولا ولاعزمتهم عندي ولا شي ....
ادري طولت علييكم تحملووني وانصحووني ..
❤😢
للامانه مرره وحده بس قبل 3 اسابيع نزلت وغصبت نفسي اسوي حلا وسويت قهوه ونزلت والله اعجبهم الحلا مره وعمتي تتقوى من قهوتي حاطتها عندها وتقول مره حلوه صراحه حسيت بشعور حلو مع انو كنت حيل مرتبكه ومتوتره
مموودي @mmoody
عضوة نشيطة
يلزم عليك تسجيل الدخول أولًا لكتابة تعليق.
fofo85
•
انتي نفس وضع زوجة اخوي تخيلي انا ماجيتهم بيتهم الا قبل 10سنوات في بداية زواجهم وهي لاتعزم لا اهلها ولا اهلي وامي هي كل بين فتره وفتره تروح لهم تشوف اولاد اخوي اذا طولوا عنها
لكن زوجة اخوي نادر ماتجي بيت اهلي مع انهم مو بعيد 5دقايق بالسياره وعذرها هي واهلها ان اخوي يمنعها مع انها تروح كل اسبوع لاهلها وحتى روحاتها لاهلها اعتبرها قليله لانهم قريب منها حيل تروح مع خواتها اذا اجتمعوا يمرون على عماتي وخالاتها لكن بيت اهلي تجي مثل ماقلت بالمناسبات 10دقايق ربع ساعه وهي بعباتها وتروح
انتي مالك حق ماتعزميهم لان هم عارفين ظروف ولدهم
انا بيتي ماغيرت اثاثه من 10سنوات يعني اثاث الزواج ماغيرته وحتى صحوني هي نفسها لاني مو مستقره بهالبيت وهو بيت عمي الله يرحمه وقريب بنطلع منه ومستاجرين بالمنطقه اللي فيها عمل زوجي وعادي اذا رحت لبيتي اعزم اهل زوجي وماطبخ في هالبيت غير الشاهي والقهوه والباقي من برى اهم شي الجمعه والوناسه وانتي تقولين بسيطين ليش لهدرجة ضاغطه نفسك ومتوتره من جيتهم
اعزميهم لو كل 6شهور مره والصراحه صعبه اذا سلفتك تعزمهم وانتي لا احسها مو حلوه بحقك
جربي اعزميهم بيفرحون وبيفرح زوجك وانتي مع الوقت بتتعودين
موفقه
لكن زوجة اخوي نادر ماتجي بيت اهلي مع انهم مو بعيد 5دقايق بالسياره وعذرها هي واهلها ان اخوي يمنعها مع انها تروح كل اسبوع لاهلها وحتى روحاتها لاهلها اعتبرها قليله لانهم قريب منها حيل تروح مع خواتها اذا اجتمعوا يمرون على عماتي وخالاتها لكن بيت اهلي تجي مثل ماقلت بالمناسبات 10دقايق ربع ساعه وهي بعباتها وتروح
انتي مالك حق ماتعزميهم لان هم عارفين ظروف ولدهم
انا بيتي ماغيرت اثاثه من 10سنوات يعني اثاث الزواج ماغيرته وحتى صحوني هي نفسها لاني مو مستقره بهالبيت وهو بيت عمي الله يرحمه وقريب بنطلع منه ومستاجرين بالمنطقه اللي فيها عمل زوجي وعادي اذا رحت لبيتي اعزم اهل زوجي وماطبخ في هالبيت غير الشاهي والقهوه والباقي من برى اهم شي الجمعه والوناسه وانتي تقولين بسيطين ليش لهدرجة ضاغطه نفسك ومتوتره من جيتهم
اعزميهم لو كل 6شهور مره والصراحه صعبه اذا سلفتك تعزمهم وانتي لا احسها مو حلوه بحقك
جربي اعزميهم بيفرحون وبيفرح زوجك وانتي مع الوقت بتتعودين
موفقه
ما قريت موضوعك لأنه طوييل بس استنتجت من كم نقطه انك متفشله عشانك ما تسوين شي لأهل زوجك ولا تعزمينهم طيب يا بنت الحلال اذا انتي متضايقه كونك ما تنزلين معك شي ممكن إنك شفتي لا صلحتي غداكم او عشاكم ؟ احسبي حساب اهل زوجك معكم ونزلي المحسوب لهم لمهم مع زوجك وممكن تذوقينه قبل ينزل لهم عشان تشوفين الي سويتيه زين او لا وبخصوص القهوه ما يبي لها شي يا اختي ومدامها عجبتهم فزين خلاص لا تتوترين والحلى والموالح وغيره كل شي ذوقيه قبل ينزل عشان تكونين مرتاحه نفسيا وبعدين لو انا ام زوجك بشوف إنه من ذوقك إنه حسبتي حسابي او ضيفتيني بشي وبشوف ان توترك ما له داعي مدامنا ما فيه بيننا رسميات
رجعت قريت بعد شوي وشفت إنه انتي ما يعجبك طبخك حتى ولو قال زوجك زين نزلي شي منه لأمي يعني بالله عليك مدام الولد شكله يحب أمه يبي يخليها يعني تاكل شي حتى هو ما قبلته نفسه ؟
الصفحة الأخيرة
بالنسبه لذا الشي حاول تتجاوزينه بانه تضبطين لك يوم خاص تعزمينهم فيه مثلا اليوم اللي قبل عزلي البيت كووووووويس ويوم العزيمه سوي الحلا والفطاير وقهوه وشاي وادعيهم عصريه وتري هم يعرفون ماديه ولدهم فلاتتضايقين
بالمناسبه اخوي لسى ماتزوج هههههههه/خفت من هجوم بنات حواء /