إنسانة عاقلة @ansan_aaakl

عضوة فعالة

بناااااااات قطر لو سمحتو ممكن لحظة ؟؟؟

السلام عليكم ورحمة الله وبركاته

اخواتي البناااات الي ساكنين في قطر اتمنى اعرف لو في مكان مضمون في قطر للتخسيس لأن الصراحة الأغلب صاروا نصابين وتدفعي فلوسك وتضيع على الفاضي
ياااااريت الي عندها فكرة او جربت مكااان تخبرني وراح ادعيلها من كل قلبي

يلزم عليك تسجيل الدخول أولًا لكتابة تعليق.

تسجيل دخول

حنين قطر • 17 سنة

مرحبا اختي ..
في دكتور اسمه نبيل ابو ماضي ، عيادته ورا "تويز ار اص" رجيمه بفصيلة الدم ، ويتابعج علطول ، وانا شفت بعيني ثنتين ضعفوا وايد ، ويعطيج ابر صينيه عشان ماتجوعين وماتتوترين ..
وانا افكر اروح له بعد ما ارجع من السفر ..

الله يوفقج وتوصلين للوزن الي تبينه ..

دانة قطر • 17 سنة

نبيل أبو ماضي يعتمد نظامه الغذائي على الرجيم الكميائي وسعر الابر الصينيه وايد واستغلالي وايد الصراحه مافي احسن من عاشه صقر بالعمادي

روج و كحل • 17 سنة

أنا صديقتي كان وزنها 90 و نزلت في اسبوعين 4 كيلو يعني وزنها صار 86

وبدت تلاحظ ان ملابسها توسعت . هي مشتركة في مركز تغذية يوصلون

الوجبات للبيت . هي مرتاحة معاهم وما تحس بالجوع .

أتمنى لج النحف بالصحة و العافية .

إنسانة عاقلة • 17 سنة

شكرا لكم اخواتي ( حنين قطر ) ( دانة قطر ) ( روج وكحل )
الله يعطيكم الف عافية واتمنى لوعرف المزيد من اخواتي الي ساكنين قطر لأني فعلا تعبت من الريجيم لوحدي الصراحة بكرة تحليل الدم عندي عشان اعرف نتيجة حمل طفل الأنابيب الي سويته ولو كانت سلبية مثل المرات الماضية رح اسوي البدع علشان انزل وزني لأني اليوم صابني اكتآب لما لقيت وزني 110 كيلو وتمنيت اسوي اي شي وانحف وخصوصا زوجي بيقول يتمنى يكون وزني 85 كيلو يعني المشوار طويل وصعب
ياريت احد يحس فيني ويدلني على شي واكون شاااااكرة

شووق داايت • 17 سنة

إنسانة عاقلة :

شكرا لكم اخواتي ( حنين قطر ) ( دانة قطر ) ( روج وكحل ) الله يعطيكم الف عافية واتمنى لوعرف المزيد من اخواتي الي ساكنين قطر لأني فعلا تعبت من الريجيم لوحدي الصراحة بكرة تحليل الدم عندي عشان اعرف نتيجة حمل طفل الأنابيب الي سويته ولو كانت سلبية مثل المرات الماضية رح اسوي البدع علشان انزل وزني لأني اليوم صابني اكتآب لما لقيت وزني 110 كيلو وتمنيت اسوي اي شي وانحف وخصوصا زوجي بيقول يتمنى يكون وزني 85 كيلو يعني المشوار طويل وصعب ياريت احد يحس فيني ويدلني على شي واكون شاااااكرة

شكرا لكم اخواتي ( حنين قطر ) ( دانة قطر ) ( روج وكحل ) الله يعطيكم الف عافية واتمنى لوعرف...

مرحبا عزيزتي...

طبعا انا من ديرتكم.. وعانيت واجد لان ما عندنا حد يساعد...

صراحة الاخت حنين افادت بمعلومه حلوه... وانا راح الجأ له قريبا...

لاني سمعت عنه وماني عارفه وين

يجزاها الله الف خير...

وبرضو الاخت دانه يعطيها العافيه نصحت بدكتورة عايشة..

بس انا تعاملت معاها شخصيا..وبيني وبينك كان يزيد وزني..

كل انواع الرجيم الي سوتها لي مادري احسها سعرات اكثر من المعقول...

يمكن غيري استفاد منهااا

بس صراحه خسارة ال 100 ريال بكل دخله...

نصيحتي لك..

فكري بموضوع ربط المعده..

خويتي نزلت ب3 شهور من 115 الى 88

انجاز..

وماكانت تحمل.. والحمدلله حملت وجابت بنوته قمر

عقبال تشوفي عيالك ان شاء الله

وطبعاااا انتي مستسلمه قدام الرياضة والمشي والرجيم..

بس تأكدي لو استمريتي على رجيم معين ومشي كل يوم..

خذي زوجك معك عشان يحس فيك :) تمشون سوى وتشجيع لك..

تأكدي راح تنزلي وزن انتي راضيه عنه...

والله يوفق لك يا عزيزتي...

ويقوي ارادتك...

وان شاء الله بعد ثلاث شهور نسمع خبر حلو نزول وزنك.. وخبر احلى منه بعد..:)