نفس الحاله مع ولدي

مشكورين أخواتي على الرد
الحمد لله صحته زينه أخذته قبل أسبوعين للمستشفى وقلت للطبيب انه اكله خفيف غير بالقوة لين ياكل
وطلبت منه يعمله تحليل دم كامل..... والنتيجه الحمدلله زينه ماعنده اي مشاكل في الدم
لكن تاعبتني قلت الشهيه عنده ...تخيلو حتى لمن نحط الغداء مايجي يقعد على السفرة لين تطلع روحي وإذا لزم الامر لازم أطعمه بيدي وهذا الشيء الحاصل إذا جلست له وأكلته ياكل بس تطلع عيني قبلها
أخوه أصغر منه سنه نصف بسم الله عليه يبكي يبغى هو ياكل بالملعقه بنفسه يجلس يحوس الدنيا ويزعل إذا أخذنا الملعقه منه أو إذا شلناه عن السفرة عشان مايخربها
وهو لا حياة لمن تنادي
حتى لمن اكون معزومه عند ناس او في بيت جدة كل الاطفال يتجمعون على السفره لمن يحطون العشاء وهو لا يقول امس تعشيت طيب ياولدي هذاك أمس احنا اليوم يجلس يبكي ويقول امس تعشيت
عمري ما طلعت مكان ورجعت البيت ونام على طول لا لازم احط له عشاء من جديد
وهذا حالي على طول متى ينتهي الوضع الله اعلم
اتمنى ياناس يقول ماما انا جيعان ابغى غدا او عشاء

نصيحتي خليه على راحته
هذا السن كذا ما ياكلون واذا جاع صدقيني بياكل انتبهي تغصبينه وتكرهينه بالاكل شوفي وش يحب ياكل وسويله تفنني بتزيين الاكل عشان يشوفه ويستغرب لأن الاطفال بهالعمر يحبون الاستكشاف وبيجرب يذوقه
وماعليك من كلام الناس
عموما حاولي انك تجذبيه للأكل بطريقة غير مباشرة مثلا حطي جدول على الجدار زحطي لزقات ملونه جنبه وقوليله نشوف من يصير احسن مثلا اليوم اللي يسمع كلام بابا نحطله صورة حلوة وحاولي انك تخلينه هو يختار الصور
ومثلا اليوم اللي يشرب الحليب كله بنحطله صورة حلوة وهكذا...
واللي يجيب اكثر صور له جائزة بالاخير شوفي وش يحب وقولي وش الجائزة واذا سوا كل شي صح لا تكذبين يعني اللي وعدتيه فيه جيبيه

والله يسعدك ويقر عينك بعيالك

معليش طولتها

<<<<<<طلعت دراستها فيك

اختك ميسون