قصه شوفتي الشرعيه ..تضحك.لاتفوتكم :)

بسم الله الرحمن الرحيم
السلام عليكم ورحمه الله وبركاته
شلونكم ياعسولات ****لله بخير
انا مس ليمونه تزوجة بتاريخ 5\5\2005 تاريخ مميز من يشتري ههههه بعد 3 ايااام اكمل 6سنوات زواااج انا قصه شوفتي الشرعيه عاديه كنت مستحيه وماشفت العريس شفته يوم العرس بالفندق بس صاحبتي تحفه قصتها تموت ضحك وتزوجة بعدي بأسبوع استأذنت منها انزلها لكم طبعا الكتابه اسلوبها
يوم الاثنين حلمت بواحد يغتصبني وخفت من الحلم (اتوقع الحلم خاف)يوم الثلاثاء جاني الوالد والكشره شاقه وجهه شق وقال انخطبتي يابنت سويت نفسي مستحيه من زود الحيا ماخليت شي ماسئلت عنه (واضح الحياء) ؟ شسمه(اهم شي الاسم تعرفون اجهز اسم الدلع) وين يشتغل؟ (عشان الراتب راسمه على بعيد) وين بنسكن (لسه في شوفه )المهم بعد مانشفت ريق ابوي توكلت انشر الخبر لاخواتي ابشر ان باب بيتنا انطق وانخطبت (ولله انكسر خاطري على نفسي) جاء يوم الاربعاء اليوم الموعود (اذا ماكان هليوم متى يكون)اول الغيث جاتني الدوره(حدث سيء النفسيه تكون زفتالجسم ينتفخ على ماهو مننتفخ وقاضي) الثياب صارت كلها ضيقه ماخليت شي في الدولاب ملبست اخر شي طلعت صديقي المشد وانحلت الامور مع العفسه وانكسرت النظاره(دقيقه صمت على النظاره) كانت عزيزه علي تمنيت تشاركني هذا اليوم بس كان يومها ماعلينا رحت الصالون استشورت شعري وشقرت وبيني وبينكم ماحبيت احط مكياج ماحبيت اغشه خليه يشوفني على حقيقتي (واثقه الاخت) المهم لبسنا وتعطرنا(شريره) كان عندنا مجلسين كان قاعد مع ابوي بلمجلس الثاني وانا قاعده بلمجلس الاول والعالم كله ضباب (موخوف مو لابسه النظاره) المهم دخل مع ابوي وقام ابوي يعرفنا على بعض فلان هذي بنتي فلانه ثاني كليه قسم تاريخ وهذا فلان يشتغل كذاوكذا (نيشان موابوي) وبعد لحظه صمت وبيني وبينكم قلت مادامي مو لابسه نظاره ماله داعي اشوف شكله اشوي الا الوالد يقول قومي اوقفي بنتي طويله خليني اشوف مين اطول كان راح يغمى علي من الحيا موقف سخيف (بس الحمدلله عدينا اختبار الطول طلعنا طول بعض) الي يضحك بو الشباب مطاوع ابوي جاء يوم السبت جايين يتفاهمون بلمهر ومكان العرس والخ... المهم يجي اخوي الصغير يقول يشبه جواد العلي واقول ولله ماخذه (عياره درجه اولى)ابي اشوفه ويقول ابوي تعوذي من ابليس مين جواد العلي (ولله ابوي معطيني وجه) يقوم ابوي ينادي عريس الغفله ويقوله البنت تلبس نظاره(ولله فشله هونت هونت) وماشافتك المره الاولى تبي تشوفك عد بو الشباب طار من الفرحه وانا كنت جالسه بلدور الثاني ويجي وانا كنت قاعده ولما دخل وقفت (مواحترام رحمت ازارير القميص على وشك السقوط) ابتسمت من الارتباك (فاهمه اني بموت عليه اعرفك)عاد الحين الكره بملعبي (كاس اسيا موشوفه) واخزه ذيك الخزه الي نزل عيونه منها ولما خلصت من الخز قلت لابوي خلاص قاله ابوي البنت تقول خلاص يله انزل(ولله لعبنا فيه تو الاحظ) ونزل ولا كنت بنزل وراه على طول وراي مسلسل يمسكني ابوي وين خليه يوصل المجلس بعدين نزلي (نسيت من الحماس) تذكرون حلم الاغتصاب المغتصب نسخه من زوجي تفسر الحلم
دمتم سالمين
بنات ادعولي الله يسخر زوجي ويهدي عيالي
الله لايحلل ولايبيح من ترد رد سخيف او جارح
حوائات حنا ارق من كذا حنا اهل الذووووق مو شباب بستراحه