كيف اتخلص من الشك .. مالي بعد الله غيركم

الأسرة والمجتمع

السلا عليكم ورحمة الله وبركاته ..
والصلاة والسلام على نبينا محمد وعلى أله وصحبه وسلم اجمعين ..

استغفر الله العظيم رب العرش العظيم واتوب إليه ..

سبحان الله وبحمده سبحان الله العظيم ..

بنات انا بنت صغيرة توني في مرحلة المراهقة .. انا يا بنات تعبت من اللي انا فيه دايما على بالي ان الناس يشكون فيني لا اقدر اخذ راحتي في حياتي ولا في يومي .. تفكيري دايما بالشك دايما على بالي ان الناس يشكون فيني وطبعا هالشي صار لان صارت قصة طويلة من قبل وأثرت علي كثييير ولي يومكم ذا وانا متأثرة منها والحمدلله تحسنت حالتي عن قبل وانا مو حابة اني اتكلم عن هالقصة لان مافيني افتح المواجع الحين .. انا محتاجتكم يا بنات ابي اطلع من هالسالفة محد يدري عني ولا عن اللي فيني لا امي وابوي .. هم صار دايما يشكون فيني على اقل شي .. وانا بسرعة انجرح من هالكلام لو أي كلمة او أي اسلوب او أي نظرة اشوفها تدل على الشك والله على طوول ابكي .. من لما كان عمري 11 سنة وانا متأثرة بهالشي والحين انا داخله 15 .. اعتبروني بنتكم او اختكم الصغيرة بس تكفوون لا تخلوني اعاني كذا .. انا مرت علي فترة 4 شهور ماحب اشوف الناس ولا اختلط بالناس ودايما منعزلة عن الدنيا ولا ادري شنو يصير فيها .. مرت علي شهور كنت اتعذب فيها كنت اكره اطلع من البيت وحتى صديقاتي كلهم تركتهم واللي يقربون لي نفس الشي .. كانو دايما يخرجون مع بعض وانا كنت ارفض بتاتا اني اطلع من حدود غرفتي .. انا بنت ماعندي اخت اكبر مني ولا اخو اخواني كلهم اولاد وعندي اخت لكن صغيرة توها سنة ونص تقريبا .. انا راضية باللي انا فيه والحمدلله مهما كان حالي ولا اعترض على امر الله ,, وبحكم ان ماعندي اخت ولا صديقات صرت دايما اقضي وقتي بين طاعة الله والاجهزة الالكترونية مثل الايباد والابتوب وهاي اكثر شي استخدمهم لان اكون متمللة بعض الاحيان ف اقضي وقتي فيهم .. ادري بتقولون لي اجلسي مع امك .. انا مو قريبة كثير نفس باقي البنات من امي .. يعني ولا مرة في حياتي كلمتها عن مشاكلي وخصوصياتي ومشاكل تصير لي بالمدرسة دايما انا اللي احل مشكلتي بنفسي حته لو احترت شنو اسوي .. لكن الحين كبرت وصرت اعاني اكثر من الشك تعبت وربي تعبت .. وكثرة الشك تتعب النفسية .. انا بنت توني والمفروض استغل وقتي مع صديقاتي ودايما اضحك .. لكن اللي اشوفه العكس ان اغلب وقت مهومة ومتكدرة .. وانا تركت صديقاتي لعدة اسباب اول شي من بعد ماحصلت لي المشكلة وانا صغيرة صرت انطوائية تركت كل صحباتي وثاني شي صرت ما اثق في احد وكثير صارت تجارب معاي ويتغيرون علي وثالث شي ان ماعندي شي اتواصل فيه معاهم .. ادري كلامي مخربط بس والله انا فعلا محتاجة لكم وابيكم تساعدوني .. الله يحرم وجهها من النار اللي تساعدني وتوقف معي .. الله يرزق كل محرومة بالذرية الصالحة ويرزق كل بنات المسلمين الزوج الصالح يارب ..
11
2K

يلزم عليك تسجيل الدخول أولًا لكتابة تعليق.

تسجيل دخول

S.2008
S.2008
ياقلبي احنا هنا كلنا اخواتك اعتبرينا مثل اخواتكم ولا امك فضفضي وقولي اللي تبي ولو ترتاحي ع الخاص وتفضفضي كلي اذان صاغيه انا عندي بنت اصغر منك بشوي ومااتخيل تتعوض للألم اللي انتي فيه وانا ماادري عنها ..
منال30
منال30
حبيبتي
صارحي ماما بكل شيء و اطلبي منها تكون هادية وهيا تسمعك

صدقيني مافي احن من قلب مامتكك عليك ولا احد بيعاونك قدها

ولا تقولي مو زي باقي الأمهات يمكن هيا عندها مشاغل وانتي عشان ماتتكلمي معاها عن مشاكلك
تحسب كل أمورك كويسه

إذا ما قدرتي تكلميها فيس تو فيس اكتبي لها بورقه او واتس اب

شوفيها وإذا مالقيتي عندها الحل تعالي هنا مره ثانيه
fa6o0om el 7elwa
fa6o0om el 7elwa
S.2008 S.2008 :
ياقلبي احنا هنا كلنا اخواتك اعتبرينا مثل اخواتكم ولا امك فضفضي وقولي اللي تبي ولو ترتاحي ع الخاص وتفضفضي كلي اذان صاغيه انا عندي بنت اصغر منك بشوي ومااتخيل تتعوض للألم اللي انتي فيه وانا ماادري عنها ..
ياقلبي احنا هنا كلنا اخواتك اعتبرينا مثل اخواتكم ولا امك فضفضي وقولي اللي تبي ولو ترتاحي ع الخاص...
تسلمين والله حبيبتي من ذوقك والله .. انا ماجيتكم هنا الا لاني كلي ثقة انكم مابتتركوني وانا معتبرتكم زي خواتي
وامهاتي وصديقاتي ..
fa6o0om el 7elwa
fa6o0om el 7elwa
حبيبتي صارحي ماما بكل شيء و اطلبي منها تكون هادية وهيا تسمعك صدقيني مافي احن من قلب مامتكك عليك ولا احد بيعاونك قدها ولا تقولي مو زي باقي الأمهات يمكن هيا عندها مشاغل وانتي عشان ماتتكلمي معاها عن مشاكلك تحسب كل أمورك كويسه إذا ما قدرتي تكلميها فيس تو فيس اكتبي لها بورقه او واتس اب شوفيها وإذا مالقيتي عندها الحل تعالي هنا مره ثانيه
حبيبتي صارحي ماما بكل شيء و اطلبي منها تكون هادية وهيا تسمعك صدقيني مافي احن من قلب مامتكك...
اعرف ان مافي احد احن من قلب الام .. لكن لو تكلمت وقلت امي تعتبرني صغيرة وان كلامي مثل أي بزر وان
ليحين مافهم الدنيا .. وانا والله بالعكس فاهمة الدنيا اكثر من ماتتخيلون وخصوصا اني تعلمت تجارب ودروس
من اللي حصل لي .. وفوق هذا كله انا ناقصة حنان محتاجة احد يحن علي ويحضني ومحتاجة احد يجيني يواسيني
لما ابكي .. انا امي الحمدلله مو مقصرة علي بشي ماديا لكنها شوي عاطفيا مقصرة معاي .. يعني ودي انها
تجي وتحضني وتبوسني ودي احس بحنانها وخصوصا ان مالي خوات .. ودي اتقرب منها بس ماعرف او في شي يمنعني .. والله لما اشوف موقف وحدة مع امها او انها تضمها وتبوسها والله على طول ابكي واتأثر .. صرت ما اتحمل
اسمع صراخ اكره الصراخ والله ان تتأزم نفسيتي من الصراخ .. واتكور على نفسي واسد اذني صايرة لي عقدة
بالنسبة لي
αмσσℓ_333
αмσσℓ_333
حاسه فيك ي قلبي وتوك صغيره على الهموم !
لا تخلين هالافكار تجي براسك واعرف كيف بعد الام عن البنت كثير صعب
بس هذا امر الله
انتبهي لدراستك ولا تضيعينها بكثرة التفكير
حاولي تندمجين مع الناس وحسسي اهلك انك محل ثقه يعني ليش يشكون فيتس !!
استغفري وادعي ان الله يفرجها علينا كلنا

ما راح أنساك من دعاي :)