مدري أنا سعيده او تعيسه .. صح او غلط

السلام عليكم بنات
بدخل بالوموضوع علي طول
انا كنت مطلقه وعندي اولاد كلهم كبار وساكنه بشقتي ببيت ابوي
اناتزوجت قريب من فتره ماهي طويله من رجال متزوج وعنده اولاد وبنفس عمري بمدينه بعيد عن مدينتنا وزوجته كانت رافضه يتزوج وقت قلها بتزوج انسانه كبيره وعندها اولاد وبمدينه ثانيه ووافقت
وماجا من اهله بس اخته واخووه

الرجال داعيه وعنده التزامات كثير كثير فوق ماتتوقعون دوام علي مسجد علي مكتب علي دروس علي محاظرات
هو صديق اخوي وقت خطبني كنت طايره من الفرح ماني مصدقه كنت معجبه به كثير وبعلمه وبثقافته
خطبني قبله ثلاث اشخاص وكنت ارفض لاني بربي عيالي ومابي انشغل عنهم ووافقت علي ذا الشخص لانه بعيد وماراح يجي كثير وكنت محتاجه اتزوج عشان اعوض نفسي عن سنين الحرمان والحزن الي عشتها مع طليقي
ارجع لموضوعي الي مظايقني
انا مدري سعيده او تعيسه زوجي دايم مشغول وماعنده وقت حتي يكلمني لدرجة حتي بالواتس مايرد علي وهو متصل بالساعات وذا سألته يقول ارد علي استفسارات الناس
ويقلي لاتتصلي انا وقت الاقي فرصه اكلمك
وذا قلت متي تجي يقول اذا لقيت فرصه جيت بدون ماتقولي ودايما يتظايق ويزعل اذا عاتبته علي تطنيشه وبروده
وازعل واعدت الساعات واموت قهر ونا انتظر وشوفه متصل واتس ويغرد بتويتر واذا سألته يقول واجبي
مع اني زوجته ومن حقي لكن يزعل اذا عاتبته وراقبته
ويقول لاتنتظريني كذا بتتعبي انشغلي ببيتك واولادك
الفتره الي يكلمني فيها بس وهو رايح الدوام
والصراحه هو فهمني وضعه من البدايه قال ماراح اجيك كثير ونا دايم مشغول
ورضيت بوضعه من البدايه عشان مصلحة اولادي ومابي ابعد عنهم ولااحد يشغلني عنهم
بس انا تعلقت فيه بجنون صارت تصرفاتي تصرفات مراهقه والله يابنات اذا جا يجلس بس يومين اكون اسعد انسانه احس اني ملكت الدنيا
وانسي كل الزعل اخلاق احترام خفة دم مثقف
كل شي عنده له حل احسه ملاك وياليت احس انه ملكي زوجي لحد الان مقدر احط عيني بعينه
طول وقتي قلق تفكير توتر صداع ليه مااتصل ليه ماجا ومااطلع اخاف يتصل واكون مشغوله عنه وامسك نفسي ماكلمه عشان مايطفش ويتظايق مني
قولوا لي وش الحل كيف اشغل نفسي عنه وعن التفكير فيه
هل أنا غلطت اني وافقت علي الزواج منه ؟
ادعوا لي تكفوون