انا سبق وكتبت موضوع عن البانكيك لكن ماقدرت اعدل الموضوع حتى اضيف الصور
لاني طبقته قبل شوي .. وصورته لعيونكم لان الاغلبيه طلبوا الصور
واتمنى ان الصور تفي بالغرض لاني حذفت كثير من الصور لان مالها داعي
بالموووت قدرت اخذ الجوال من زوجي واصور لكم ...
صدقوووني ان طعمه يدووووخ رهييييب كنه اسفنج وبجد طعمه ماينوصف لماسويته دخت على طعمه احلا من الجاهز وابو الجاهز بعد.......
وتقدرين تسوينه بالة الدونات الكهربائية وتاكليه بدون شيرة
او تحطينه عالمقلى حق البيض بس تمسحي بشوية زيت وتبدين بالملاعق حسب الكمية اللي تبينها
انا اسوي دوائر صغيره ...!!!!!
طبعا انا ماذقته الحين لاني صايمه بس حرام عليكم والله اشتهيته المسه واشمه ياربي ااسفنجي وريحته كنها ريحة كيكة بيتي كويكر
او كيكة ارامكو بجد رهيبه الله يصبرني للمغرب
وسويت حركه جات على بالي وسويتها اني اقطع البانكيك بالقطاعه المعدنيه والزوايد اقطعها بيدي ..
لان اهل زوجي مو كلهم يحبون البانكيك ولاعمرهم ذاقو بانكيك حقي
ولما بيشوفونه بهالشكل بيدوخون عليه اكيد
طبعا المقادير للي مايعرفها
3 كاسات طحين
3 ملاعق كبيره حليب بودره
ملعقة كبيره بكينج بودر
ملعقة صغيره فانيلا
2 كاس ماء
نص كاس زيت
3 بيضات
5 فناجيل سكر فنجال قهوه طبعا مو فنجال شاي لان كثير سألوني (طبعا كل وحده حسب الطعم اللي تبيه)اليوم خليته خمس ونص
بس طعمه رهييييييييب وافكر اسوي حلا بالبانكيك واول مااجربه رح احطه لكم ان شاء الله
جربوه وانتو الحكم
لانه مايحتاج تنتظري اول ماتخلطي المكونات تسوينها علطوووول
بقول لكم كيف اكتشفنا هالبانكيك اللذيذ
شوفو .. بنت خالتي اكبر مني ب10 سنين اكتشفتها
نامت وحلمت بكل المقادير هذي بس كانت المقادير بالضبط نفسها الا السكر كان 6 فناجيل وانا قللت الكميه
والله تقول حلمت فيها بالضبط وهي طباخه عشان كذا مانست المكونات وطبقتها علطول وانتشرت بيننا بس محد قدرها غيري
ولما قمت امدح فيها صار الكل يجرب ويستخف عليها وتونا اليوم نتكلم عنها
سبحان الله مدري شلون حلمت فيها ... انا اتخيل انها اكله من اكلات الجنه استغفر الله العظيم
بس مدري كيف تستوي هالبانكيك رهيبه كذا وكل وحده تسويها تضبطها
بس هالله الله بالخلط الزين والافضل بخلاطه تخلطينه
بالنسبة لي سويته بيدي بس بخلاطة البيض اللي تحركينها بيدك
هذي صور الزيت والبكينج بودر والفانيلا
وهذي البيضات الـ3
طبعا الحليب تستخدمين اي حليب بودره وانا استخدمت نيدو
وهذي صورة الطحين الكويتي اللي استخدمته لان هالطحين احسن طحين جربته واعتمده بكل اطباقي
وهذي الصورة لما حطيت كل المكونات على بعض الماي والبيض وكل باقي المكونات
وخلطته بحقة البيض اللي بالصورة
اذا جيتي تحطينه بالمقلى تدهنينه زيت بالمنديل
وتصبين بالمغرفه اللي بالصورة
وبعدين لما قلبتيه خليه شوي وقلبيه يطلع كذا
وهذا الشكل النهائي