ام توتو الف شكر حبيبتي والله يجزاكي الجنه

كنت ابكتب الطريقة وام توتو ماقصرت الله يعطيها العافية

طبق الحنيني وبالعافيه


المقادير
2كيلو تمر
1كيلو دقيق اسمر
1كاس زبد مذاب
1ملعقة فلفل اسود
الطريقه ..
ننزع النوى من التمر ونفرمه في مفرمة اللحم
نعجن العجينه باضافه الماء تدريجيا على الدقيق البر حتى تصبح عجينة متماسكه ..
نترك العجينه قليلا ترتاح ..
نقطع العجينه على شكل دوائر صغيره..ثم نقرصها على الصاج الخاص بالخبز الهندي ..او المقرصه للي تعرف تقرص ..ونستمر في عمل هذا الخبز حتى تنتهي العجينه ...ثم نفرمها بمفرمة اللحم بشكل جيد ..
ثم نخلط التمر معاها ...ونعجن مره ثانيه بالمفرمه الأثنين مع بعض عدة مرات حتى تكون عجينة الحنيني ناعمه ومتماسكه ..
وبهذا انتهى الحنني ..
اذا جينا نبي ناكله ..نجيب الصينيه ونحط فيها الزبد ونسخنها على النار ثم نضع عجينة الحنيني عليها ونحميها كويس ..وناكل بالعافيه وممكن نضع عليها شوي فلفل اسود اذا حبيتوا ..
واتمنى ان تنال اعجابكم ..

http://forum.hawaaworld.com/showthread.php?t=2040262

السلام عليكم اختي راح اقولك طريقتي في الحنيني سهله مره والكل تعجبه مارح اطول عليك جيبي الله يسلمك التمر المكنوز ويفضل التمر الي لونه يميل للاصفر لان التمر الي مسود يخلي لون الحنيني غامق المهم التمر مقدار كيسه وحده الي كيلو الصغيره شيلي النوى وكسري كرتون قرصان الجاف وتراه حلو حق القصيم كسر صغيره جدا اسرع كسريه وهو في الكيس بعدين فرغيه في اناء وضعي عليه حليب اي نوع المراعي اهم شي يتشرب الفرصان الحليب يعني ماتشوفي الحليب يتحرك في الاناء بعدها نجيب قدر ونضع فيه سمنه فارم تراها لذيذه تقريبا ملعقتين كبيره ونسيحها ونضع عليها التمر ونحركها بملعقة خشب كبيره خلي نارك هاديه وحركي التمر الي ان يتداخل مع بعض ثم اضيفي القرصان وحركي الى ان يمتج مع التمر بتتعب شوي يدك من التحريك بس معليش وبعدها خلي النار هاديه وكل عشر دقايق حركيه اذا شفتي القرصان قاسي شوي يعني جاف زيدي حليب وحركي اويحتاج دهن زيدي سمن نسيت اقولك اضيفي ملعقه ص زنجبيل مطحون ونصف الملعقه ص فلفل اسود يعطي نكهه حلوه تجلس على النار بحدود ساعه
اتمنى تجربينها وتخبريني وترى تقدرين تفرزينها ادعلي الي في بالي يتحقق وشكر