يا بنات الرياض ( ضروري ) بخصوص مستشفى؟

انا متزوجة من فترة وأعوذ بالله من كل مرض ومن كل شر ..
والحمد لله على كل ابتلاء ..

هرمون حليب
هرمون الغدة الدرقية
تكيس مبايض
دورة غير منتظمة
التهابات المهبل
قرحة عنق االرحم
كيس على المبيض اليسار

والله العظيم ما كذبت عليكم بشيء والحمد لله على كل حال

صرفت كشفيات وادوية وزيارات وتنقلات بين مشافي الرياض الخاصة مايقارب 8 او 10 آلاف ريال بدنون مبالغة حتى ذهبي بعته
كشفيات ب 100 او 200 واحيانا سونار 250 وغسول ب 69 وواحد ثاني ب 75 وحبوب دكستون ما ادري اسمها ايش حقت الحليب و شي ينظم الدورة وشيء اثركسين حق الدرقية واخر شيء تحاميل المهبل ووووو

و مره زرت مستشفى خرجت من عندهم ب 750 ريال وجلسنا انا وزوجي لاخر الشهر معانا 50 ريال باقي من الراتب :hahaha:

والمشكلة خاص ومعاملة زفت ما تفهم ان الوحدة بكر وتخاف واول مرة تمر بهذه الحالة اجهزه تدخل داخل وآلام واتهزئني دكتورة تقول انت كم عمرك وخايفة كذا ( ما هي بالعمر هي بالخبرة )



انا بكمل سنة متزوجة ( ما شاء الله :icon28: )مو حكاية مستعجلة لكن كل مرة تتاخر الدورة اظن حمل ويطلع مشكلة
والحمد لله

زوجي راتبه على قده والفلوس اللي صرفناها بعضها متسلفينها قرر زوجي

اتعالج في المستشفى العسكري الحكومي لانه عسكري وببلاش مو حكاية طمع لا بس الحكاية ظروفنا المادية السيئة والحمد لله


اروح اتعالج فيه او لا ؟؟
وعند مين ؟
وكيف طريقتهم ؟
ابي كل شيء بخصوص هالموضوع ؟؟

الحين دورتي متاخرة 10 ايام كنت ما خذه تحاميل مهبلية وحبوب مضاده وعملت تحليل حمل عادي ما طلع شيء
وكل ما اسأل مستوصف عن التحليل الرقمي او الهرموني يقلون لي ؟؟ ما عندنا ما نعرفه ؟

الله تعرف وين بالضبط باي مستشفى وكم سعره تقولي جعلكم بالجنة جميعا ..
\


آسفه على كثرة هرجي :09: