أختي نداية...مشكورة حبيبتي على النصيحة...

فكرت يكون لي سايق لي أنا وعيالي....بس قلت حرام أحط سايق لأن رواتب السواقين محدده مب أقل من 1200 درهم... وأنا طلعاتي قليله بس وقت الحاجة يعني طول الوقت بيكون بلا شغل ياكل وينام بس...وكل شهر يحصل 1200 بلاش..والله حرام... وبعدين راتب زوجي ما يسمح...وأنا ما أبغي أضيق على زوجي بالمصاريف...وافرضي حطيت سايق ومثل ما قلت لج ياخذ الراتب بلاش..زوجي بيتم متضايق وكل مرة بيسويها لي مشكلة..حتى أهله صدقيني ما بيخلون السايق في حالة وكل مره بيطلعولي بمشكلة...وأنا تعبت الصراحة من المشاكل...

وأنا معاج إن السواقة شي صعب وإني بتعب من مشاوير العيال...بس هذا أهون عليّ من منة زوجي وأهله...وبيوفر عليّ مشاكل أنا في غنى عنها...لأني الصراحة تعقدت نفسياً من المشاكل...

بس أن شاء الله الله بيفرجها...

الله يعينج يختي ويفرج همج،،،،عيل مالج الا: التاااااااااااااااااكسي

وانا ادري شكثر هذا الشي صعب عندنا ف الامارات،،،وف بعض الاحيان عيب ومنقووود مثل تاكسي الغزال خخخخخخخخخخخخخخخ

:) انا مرات يوم اطفر اروح مشي
ولا تاكسي

لكن للاماكن القريبه والعياده جمعيه

سنتر عائلى قريب

هذا اذا سي السيد وافق

بس حاليا

اعتمد عليه بكل شي عشان يطفر ويطلع لى ليسن

والسياره يحلها الف حلال

:27:

هلا أخواتي الغاليات....

التاكسي ممنووووووووووووووووع عليّ....

























بس عندي بشارة لكم...


































زوجي ولله الحمد والمنة..... واااااااااااااااااااااافق إني أتعلم السواقة وببدأ إن شاء الله في أقرب فرصة...:42:

وكلت أمري لله وأحسنت الظن فيه سبحانه... والحمد لله ربي ما خيب رجاي....والله إني ارتحت نفسياً....:27:

وعلى قوله الشاعر...

دع الأمور تمشي في أعنتها...
ولا تنم إلا وأنت خالي البالي...

ما بين غمضة عينٍ والتفاتتها...
يبدل الله من حالٍ إلى حال...

+++++++++++++++++++++++++++++++++++++++++


ولرب نازلة يضيق منها الفتى...
ذرعاً..وعند الله منها المخرج...

ضاقت ولما استحكمت حلقاتها...
فرجت وكنت أظنها لا تفرج...

+++++++++++++++++++++++++++++++++++++++++

والبركة في نصايحكم لي حبيباتي....:27:

ادعولي بالتوفيق....ارجوكم....

لا تيئسين يا حبيبتي ..أنا عندي نفس المأساة أو أكثر لأن أهله ما عندهم
سايق..ومن تزوجت وأنا أحن ...لكن منعني عن كل شيء شو السبب ما أدري...
المهم يأست أوسكرت السالفه أسنين.. يعني بعد8 سنين.. بعدين أبروحه قالي شو رايج تتعلمين
على طول قلت موافقة..أوخذت أليسن صار لي 3 سنين الله وكيلج من خذت أليسن وأنا ما سقت..لكن بعد بسكت عسب إيقولي شو رايج أشتري لج سيارة...لأن الظروف صعبه أوما في تكاسي فبيظر...