وجدان الدبه @ogdan_aldbh

عضوة جديدة

بناااااااااااات نخيتكم وطلبتكم وأبي فزعتكم لا تخلووووني

بسم الله الرحمن الرحيم

السلام عليكم ورحمة الله وبركاته

أول حاجه ابيك تقرؤن قصتي وتحطون نفسكم بالموقف اللي انا صرت فيه مع الحرمه

انا توني متعرفه على زوجة صديق زوجي حرمه والنعم فيها

المهم انا زرت الحرمه في بيتها ومع السوالف تكلمنا عن العطور وعلمتني عن عطر عندها ذكرى من تجهيزها لزواجها وانه باقي فيه شوي ومحتفظه فيه ماتبغاه يخلص وزوجها يحب هذا العطر مرررره

قلت لها طيب اشتري مثله مره ثانيه قالت انها دورت عليه بالخبر وماحصلته ان هذا العطر انقطع من السوق انا عشان خاطرها وحبيت افرح قلبها قصدت والله اسوي خير قلت لها عطيني العطر ادورلك عليه وعساني احصله عطتني اياه دورته بسوق الجمله الدمام ماحصلته الكل يقول مقطوع ودورت لها با الأحساء وماشفته وهنا الطامه الكبرى وأنا بسوق الهفوف دخلت محل يبيع فيه يمني قال هذا العطر عندنا بالمستودع وقام يزعط ان العطر موجود عنده اكيد الاخ طلع من المحل ورجع بعد 10 دقايق إلا وزجاجة العطر مكسورة بيده قطعه قطعه

وبكل برود اعصاااااب قال العطر مالقيته والزجاجة انكسرت قلت له شلون انكسرت قال عادي مافيها
إلا شوي وانكسرت مت من القهر لولا الحياء كان بقست وجهه
تخيلوا بكل وقاحه اخذ القاعده التابعه للعطر ورماها على الطاولة ولف عني الجهه الثانيه انه خلاص طلعي

حسبي الله ونعم الوكيل فيه

انا الحين بموقف مال امه داعي اولاً:ماحصلت العطر للحرمه وتوني متعرفه عليها
ثانياً :انكسر الباقي من الذكرى لها من زواجها ياويلي ويلاه

بالله عليكم وش السواة؟؟

عشان كذا ابي فزعتكم ابكتب لكم اسم العطر وبالله الي تقدر تفيدني وين احصله وين ممكن القاه لا تبخلون علي وابي فزعتكم وتخيلوا نفسكم بهالموقف

اسم العطررررر

DONNA NAUTILUS

تم انتاجه عااام 2000

شكل العطر ماعندي له صورة بس بوصفه لكم

مثل الكره او الصحون الطائرة الي تجي بالرسوم المتحركه لونه من برا (كحلي) نص الكره قاعده والنص الثاني هو زجاجة العطر منكوسه

ربي يجزاكم الخير العظيم والله ثم والله ان الي بتساعدني ما انساها من دعائي ما حييت

من المواقف الي صارت وأنا ادور هذا العطر بسوق الجمله الدمام واحد من المحلات قال لي هذا العطر مقطوع من زمان وبصراحه الي لسه محتفظه فيه تستاهل شهادة شكر و تقدير

حتى الي تحصل العطر خارج السعوديه بس تكتب لي العنوان وين بالضبط ربي لا يهينكم

أختكم في الله وجدان

هذا الموضوع مغلق.

قطووه2010 • 13 سنة

رفع لعيونك حبيبتى ويارب تحصليه

الجوهره المميزه • 13 سنة

واااي ياربي وش هالموقف ....

الله يعينك

بس هي معطيتك اياه برضاها انك تدورين لها مثله .. بهني اهون شوي ..

ارسلي لها رساله ولا عااااد تورينها وجهك الين تنسى السالفه (:
(اختفاء فوري )

ياااااارب البنات يساعدونك

#فاتنة# • 13 سنة

الله يعينك موقف محرج .. ان شاء الله تحصليه

دورت لك على صورت العطر واتوقع هو ذا

شآآمخه • 13 سنة

يااااااااااااارب انك تلقينه ..

بسمة البيت • 13 سنة

يؤؤؤؤؤؤؤؤؤؤؤؤؤؤ

موقف محرج اخ لومنك اطيح ضرب بهالملقوف اللي كسرره

اشتري لها حتى لوتدورينه برا وقولي القديم انكسر واحلفي انك ماكسرتييه

زعلت بكيفها انتي ماكسرتييه