السلام عليكم ورحمة الله وبركاته أنا هنا لأهدي أخواتي فكرة تجعل من إقتناء الساعة الماركة سهل على من لا تستطيع دفع الثمن الباهظ هذه الفكرة عملت عليها كثيراً
الفكرة تحتاج الى صبر وتعب شوية بس بتكون معاك ساعة تستمتعين فيها لسنوات وبثمن رخيص جداً
الفكرة كالتالي :
فيه مواقع بالنت وكمان بالبطحاء أماكن يبيعون الساعات تقليد الماركة درجة أولى ما تقدرين تفرقين بينهم أبداً وحاولي أن اللي يبحث معاك رجل عشان يعرف يكاسر بالسعر
الخطوات تبغى ركاااااادة عشان ما تندمين وأنا عن نفسي أشتريت من زمااااااان روليكس ولا زال الجميع فاكرينها ماركة بينما هي تقليد
ليش أقول ركادة !؟ لا تطيرين إذا شفتي ساعة وتشترينها ويطلع بينها وبين الساعة الأصلية فرق ولو بسيط .. حاولي تتأكدين من الدخول لموقع الشركة عن طريق النت والتأكد من شكل الساعة أو تروحين بنفسك للماركة وتصورينها ..
إذا تأكدتي أنها هي هي بدون فرق .. يبقى فيه حاجة مهمه جداً
الساعة الأصلي الماس والساعة التقليد فصوص عادية وممكن اللي فااااااهمة تكشف أنه هذا مو الماس
الأمر في غاية البساطة وهذه تعلمتها من خالي فخالي يعمل مع الحميضي وقال لنا أنه الحميضي ما يشتري ساعات الماس أبداً .. يشتريها بدون الماس ومتعامل مع كشك صغير فيه يماني يركب له الألماس على الساعات وبالفعل رحت معاه مرة يم المحل وكان بالثميري وتم التركيب أمامي والساعة وقتها كلفت الماس 1100 ريال وهذا الكلام كان منذ 13 سنة ...
بعد ما تتأكدين أن الساعة التقليد درجة أولى وما فيه أي فرق بينها وبين الأصلي روحي للثميري اللي بالرياض وباقي المناطق يشوفون محلات شعبية تركب الألماس ولكن تأكدي أنه طبيعي عالشرط وتأخذين منه فاتورة أن الألماس طبيعي ثم بعدين تروحين تكشفين هل الألماس طبيعي فعلاً أو لا .. وياريت اللي معاك أما رجال أو حرمة بقلب رجال عشان ما يطمع بك العامل ويغشك ..
بعد ما تركبين الألماس أصبحت ساعتك أصلي 100% ومستحيل أحد يجيب خبرها وكمان فيه بعض الإعلانات بالنت يبيع علب ساعات للماركات ممكن تشترينها منهم
وعلى فكرة أنا معاي روليكس تقليد درجة أولى قيمة الأصلية 70 الف وأنا معاي منذ 13 سنة وبحالة الجديدة ولا أحد أشتبه فيها أبداً وعلى فكرة ممكن فيما بعد تشترين لها قطع غيار أصلي مثل الصنقل أو اليد بإتسطاعتك تغييرها مع الوقت لو تغير شكلها وتشترينها أصلي مع أنها اللي معاي لا زالت بحالة الجديدة ...
صمت السحاب @smt_alshab
عضوة نشيطة
يلزم عليك تسجيل الدخول أولًا لكتابة تعليق.
ام يسوري ومودا
•
حفظت الموضوع الف شكر
تسلمي ي قلبي .... صار الحين كل شي تقليد درجه اولى بس اهم شي الخبر و الركاده ع قولتك عشان ماينغشو
تسلمي ي قلبي .... صار الحين كل شي تقليد درجه اولى بس اهم شي الخبر و الركاده ع قولتك عشان ماينغشوتسلمي ي قلبي .... صار الحين كل شي تقليد درجه اولى بس اهم شي الخبر و الركاده ع قولتك عشان ماينغشو
بالتوفيق للجميع
الصفحة الأخيرة