الله لا يجيب هاليوم عورتي قلبي

الاخت العزيزة حسناء العمر ،،
الف الف الف شكر ع نصيحتك الغالية ،،، ولا انسى تقديم شكري للاخوات الفاضلات على المرور والتفضل باسداء النصيحة

من مكنكن وضعها الاجتماعي = الزوجة الثانية ؟؟؟؟

انا زوجة ثانية

احتاج لنصيحة عاجلة مدعمة بالتجربة ،،

كيف تقبلت الوضع؟؟ في البداية كان الوضع مزعج لي ولها زوجته الاولى ولزوجنا وبعدين اللحين كل وحده تعرف حقوقها وواجباتها.. والحمد لله الوضع تمام التمام.. وحرام تقولون انه الزوجه الثانية لازم تخرب على الاولى والله مرات تكون رحمة للاولى لكن مين يتفكر بنعمة ربعة ويشوف شو الله صار عليه (وعجبا لامر المؤمن كله له خير ان اصابته سراء شكر وان اصابته ضراء صبر)

وكيف تعاملتي مع ضميرك ؟؟؟ لازم تتحكمين في عمرج ولا تخلين الشيطان يقص عليج لانه مثل ما لج تراه عليج.. مثل ما يعطيج ريلج تراه للاولى نصيب.. وفي الاخير كلنا محاسبين جدام رب كريم

ماهي النتائج ؟؟؟ الحمد لله حياة مستقرة وهادية والحمد لله انه عيالي لهم خوان كبار

ماهي نظرة المجتمع لك؟؟ عادي يعني كيف بتكون نظرة المجتمع لي

وهل تكررين التجربة لو كان لك الخيار بالرجوع بالزمن إلى الوراء؟؟؟ نعم اعيدها الحمد لله على النعمه والله اكبر وما شاء الله ولا حول ولا قوة إلا بالله، وين بلاقي زوج الحمد لله مثل زوجي .. وعديله مثل زوجته الاولى .. وخوان حق عيالي يراعونهم ويهتمون فيهم وحتى وانا مش موجووده

الحمد لله على النعمه والله اكبر وما شاء الله ولا حول ولا قوة إلا بالله

اتمنى اني اكون قد افدتج.. ولو بغيتي اي شي تراه انا حاضرة

السلام عليكم ...

راي لا يختلف عن راي الاخوات جزاهم الله خير .. بس حبيت اضيف شيء لما حلل الله تعالى ورسوله الكريم.. تعدد الزوجات كانت توجد باسباب قويه.. لذلك منها مرض الزوجه او تكون عقيم... الخ لكن الازواج الحين ما ياخذون هذي الاسباب بعين الاعتبار صاير الزواج.. عندهم موضه شاف صديقه متزوج قال بتزوج ..السبب رغبه في التغييير لا اكثرولا اقل ..اكثر المتزوجين على حريم ما تكون عندهم أي حججه قويه على زوجاتهم فيرجعون للاولى بعد ما يشبعون من الثانيه..علشان جذيه اختي فكري بالموضوع ملياا شوفي السبب الحقيقي وراء زواجه على زوجته ..والله يوفقك يرشدج للطريق السليم ..


تحياتي لج ...

um sa3oodi
الله يسعدك ويهنيك ،، والله انك مثل اعلى يحتذى به ،، وانا ما اراح استغنى عن نصائحك انتي واخواتي بنات عالم حواء،،،