ام أسما
هذي الكريمه
8 بيضات كبيره
علبة حليب نستله محلى مكثف كبيره 379جم
2 علبة قشطة نستله 170 جم
2 كوب حليب سائل
2 كوب ماء
نقطة خل
فانيلا
برش ليمون صفراء 1/2 ملعقه صغيره (ممكن الاستغناء عنها بوضع م ص هيل مطحون مع 2 م ك ماء زهر وقليل من الزعفران المفروك)

الكرمل
كوب سكر مع 1/4 كوب ماء
يحرق ويصب في القالب ولما يبرد
حطي المقادير السابقه كلها بعد خلطها لو القالب له غطاء خير وبركه ولو ماله غطيه بقصدير جيد جدا حطيه داخل قدر كبيره على الغاز وضعي ماء مغلي لغاية ما يوصل لنص القالب وغطي القدر الكبيره واتركيه على النار الخفيفه ساعه بس زوتأكدي انه فيه ماي عشان لا يتبخر كله
طلعيها وخليها ساعتين بره والافضل مكشوفه ثم غطيها وبيتيها بالثلاجه لثاني يوم وحرري الاطراف بسكين ناعمه شوي شوي ثم اقلبيها في قالب له حفه عشان الكرميل لا يطشر بره

مشكوره يالغاليه على المنيو

شهيتيني وانا صايمه خصوصا السلطه

الله يجزاك كل خير0

ويجزاج يا اختي ام النوير
تقبل الله
دعواتج:26:

مشكوره حبيبتي بس عندي سؤال القيمات بالطريقه هذه سويته وتشرب زيت مره مره لدرجة يصير طعمها زيت

مواصيل
غريبه لقيمات الطحين الاسمر ومعاها بطاط ما تشرب زيت كثر العاديه اللي بالطحين الابيض وانا اسويها دوم ولونها غامق شوي بس اهم شي تعجن عدل والافضل تضربين الروبه مع البطاطا بالخلاط حتى تنعم وتتجانس مع العجين


وغالبا اي شي يشرب زيت في القلي يكون بسبب النار مو حاره كفايه فينزل العجين على البارد ويشرب بس لو حاره تصك من بره بسرعه وما تشرب حمي الزيت عدل ووقت الصب خففي النار عشان لا تحترق وتاخذ وقتها بالنضج
وصدقيني انا 3 سنوات يالله ضبطت اللقيمات كنت اتوتر وقت صبها وشكلها يطلع غريب مافي اثنين مثل بعض بس مع التعود صرت اتحكم فيها اثناء الصب واضبط الحراره عليها حسب شكلها ونضجها

امامك فرصه يا اختي قبل رمضان جربي كذا طريقه وماشاء الله المنتدى فيه اكثر من طريقه وشكلهم روعه وشوفي اللي مشت معاك
الله يوفقج:26: