بنات مين تصاحبني في هذا التحدي..عسى الله يكتب على إيدينا حل نهائي للسمنة..

بسم الله الرحمن الرحيم
السلام عليكم بنات
وبارك الله لكم بهالعشر وتقبل صيامنا وقيامنا آمين..
بنات أنا وحدة تعبت من السمنة من جد وودي تتغير مقاساتي وشكلي وحياتي كلها تباعا..
وأنا أفرفر بالمنتديات بحثا عن خلطة حلوة وسريعة والمدح فيها كثير لقيت أن معظم الخلطات لها تقريبا نفس المكونات بس كلها تبي وقت..
طيب أنا الحين ناوية أمشي بقناعة أنو مثل ما أنا أخذت وقت طويل لين ما صار وزني كبير جدا..ضروري أخذ برضو وقت عشان ارجع رشيقة..وأستعيد الثقة والوناسة باللبس والكشخة والترزز عند الحريم بالعروس>>هههههههه

طيب أنا أبي كمن وحدة معاي نتعاهد ونحلف أنو بنستمر على هالخلطة اللي باذكرها لمدة شهر وإذا شفنا نتيجة خلال الشهر نكمل شهرين زيادة..بس بنات لاحظوا إحنا بنحلف يعني لازم يكون فيه إلتزام قدام رب العالمين أولا ثم خلقه اللي هم المشاركات ثانيا..

الخلطة هي :ملعقة شمر مطحون+ملعقة زنجبيل مطحون+ملعقة كركم مطحون+ملعقة شاي أخضر+ملعقة قرنفل مطحون+ملعقة حبة سودا مطحونة+نصف عصير ليمونة

الطريقة: تؤخذ ملعقة من مطحون المواد المذكورة أعلاه وتغلى في ليتر ماي مع نصف ليمونة بعد عصرها ثم تبرد وتعبأ في قارورة فاضية وتشرب 3 مرات يوميا على الريق والعصر وقبل النوم هاه وشرايكم؟

يالله بنات خلونا نلتزم ونطرح تجربتنا اول بأول عسى الله يجعلنا سبب للكثير بأنهم يتخلصون من سمنتهم

على فكرة أنا ببدأ فيها من بكرة الأثنين الموافق 23/11/2009 وممنوووووووووووووووع الوزن قبل نهاية الشهر بنات يعني نوزن بكرة الصبح وناخذ مقاسات الخصر والأرداف والصدر وبعد شهر من الخلطة ونشوف
بانتظار ردودكم يا حلوات