طريقة لتنظيف فرش المكياج

هلا فيج اختي MoooDyGiRL
عند بودي شوب صابون مخصووص للفرش تحطين منه شوي على الفرشاه
وبعدين تغسيلنها بالماي وتخلينها لين تنشف ..وممكن بماي بس لو اللون ماكان غامج وايد.
بس ماانصحج تغسلينهم وايد وبعد كل استعمال عشان الفرش ماتخرب إلا لو غيرج يستخدمهم كلام ثااااااااني وبس لاتنشفينهم بالسشوار خليهم ينشفون بروحهم أحسن .
الله يعين في الصالونات الفرش والارواج وغيره من وحده لوحده لاغسيل ولا شي عشان جذي مااحب احط مكياج عندهم المفروض تنتبهون يابنات لهذا الشي ولو لازم تحطون عندهم خذو أشيائكم معاكم ومنها فرشاة الروج أظمن واحسن .
الله يبعدني وإياكم عن كل شر ياااارب
:27:

مشكووووورة اختي بس مافي طريقة اسهل لاني دوم انظفهم بماي

هلا اختي MoooDyGiRL انا بقلك طريقتي


اجيب صحن واحط فيه شامبو أطفال وماء واجيب الفرش واغسلها في هذا الصحن وبعدين احطها في صحن ثاني في ماء بس وبعدين انشفها بمنشفة واسيبها لغاية ماتصير ناشفة تمام واحطها في الدرج

وصراحة أنا حتى لما أقعد اتدرب على نفسي واطبق دروس المكياج الي تعملتها من المنتدى لازم اغسل الفرش والسفنجات كلها الي استخدمتها والي ماستخدمتها:)

ترى جربت بالصابون العادي مانفع احسن شيء شامبو الأطفال حلو :) وأنا اشتريت سفنجة ظللا البياع قلي إنها حتى لو تبلليها ماتتقطع وفعلا اغسلها كذا مرة وابللها بالماء وماشاء الله زي ماهيا:)

مشكووووورة الغالية وراح اجرب طريقتج

عزيزتي
عند ماك منظف فرش المكياج
لون علبته موف حطي الفرش في كاس وفيها المحلول ينظفها مررررررره